ନୂଆ ବର୍ଷ ନିଜ ସହ କିଛି ନୂଆ ଆଶା ନେଇ ଆସିଥାଏ। ଆଉ ଦିନ କେଇଟାରେ ୨୦୨୪ ବିଦାୟ ନେବ। ଏମିତିରେ ସମସ୍ତେ ଚାହାନ୍ତି ନୂଆ ବର୍ଷ ତାଙ୍କ ପାଇଁ ଖୁସିର ପୁଟୁଳି ନେଇ ଆସୁ। ତେବେ ଜ୍ୟୋତିଷ ଶାସ୍ତ୍ରରେ ଏଭଳି କିଛି ଉପାୟ ବିଷୟରେ ବର୍ଣ୍ଣନା କରାଯାଇଛ, ଯାହାକୁ ନୂଆ ବର୍ଷ ପୂର୍ବରୁ ଆପଣାଇ ନିଜ ଭାଗ୍ୟ ଚମକାଇ ପାରିବେ। ଏହାକୁ କରିବା ଦ୍ୱାରା କେବଳ ଭାଗ୍ୟ ନୁହେଁ ବରଂ ନିଜେ ଜୀବନରେ ସୁଖ ସମୃଦ୍ଧି ପ୍ରାପ୍ତ କରିପାରିବେ।
-ଶନିଦେବଙ୍କ ପୂଜା କରନ୍ତୁ
ଜ୍ୟୋତିଷଶାସ୍ତ୍ର ଅନୁଯାୟୀ ଶନିବାର ଦିନ ଅଶ୍ୱସ୍ତ ବୃକ୍ଷ ତଳେ ରାଶିର ତେଲରେ ଦୀପ ଜଳାନ୍ତୁ। ଏଥିସହ ବିଧିପୂର୍ବକ ଶନିଦେବଙ୍କ ପୂଜା କରନ୍ତୁ। ଏଭଳି କରିବା ଦ୍ୱାରା ଶନିଦେବଙ୍କ କୃପା ମିଳିଥାଏ। ଏଥିସହ ଶନିଦୋଷରୁ ରକ୍ଷା ମିଳିଥାଏ।
-ହଳଦିଆ ସୋରିଷ ଦ୍ୱାରା ଲକ୍ଷ୍ମୀଙ୍କୁ କରନ୍ତୁ ପ୍ରସନ୍ନ
ଯଦି ଆପଣ ମା’ ଲକ୍ଷ୍ମୀଙ୍କୁ ପ୍ରସନ୍ନ କରିବାକୁ ଚାହାନ୍ତି ତେବେ ଏଥିପାଇଁ ଛୋଟିଆ ଉପାୟଟିଏ କରନ୍ତୁ। ନୂଆ ବର୍ଷ ପୂର୍ବରୁ କିଛି ହଳଦିଆ ସୋରିଷ ଏବଂ କର୍ପୂର ନେଇ ରୂପା ନଚେତ ଷ୍ଟିଲ ଗିନାରେ ରଖନ୍ତୁ। ପରେ ଜଳାଇ ଦିଅନ୍ତୁ। ଏହାଛଡ଼ା ଗୋବର ଗିନାରେ ହଳଦିଆ ସୋରିଷ ରଖି ଘରେ ଧୁନି ଦେଇ ଦିଅନ୍ତୁ। ଏମିତି କରିବା ଦ୍ୱାରା ମା ଲକ୍ଷ୍ମୀ ପ୍ରସନ୍ନ ହୁଅନ୍ତି। ଏଥିସହ କ୍ୟାରିୟରରେ ସଫଳତା ମିଳିଥାଏ।
-ଘରେ ରଖନ୍ତୁ ଏହି ସ୍ବତନ୍ତ୍ର ଜିନିଷ:
ବାସ୍ତୁ ଅନୁଯାୟୀ ଦକ୍ଷିଣାବର୍ତ୍ତୀ ଶଙ୍ଖ, ଏକ ଆଖି ନଡ଼ିଆ, ପିତ୍ତଳ ହାତୀ ଘର ନଚେତ କାର୍ଯ୍ୟସ୍ଥଳରେ ଜରୁରୀ ରଖିବା ଉଚିତ। ଏମିତି କରିବା ଦ୍ୱାରା ଚାକିରି-ବ୍ୟବସାୟରେ ଉନ୍ନତି ହୋଇଥାଏ। ଏହାକୁ ଘରେ ରଖିବା ଦ୍ୱାରା ଜୀବନରେ ସୁଖ-ସମୃଦ୍ଧି ସହ ସକରାତ୍ମକ ଉର୍ଜା ଘରକୁ ଆସିଥାଏ।
-ହନୁମାନଙ୍କୁ ଅର୍ପଣ କରନ୍ତୁ ସିନ୍ଦୁର:
ହିନ୍ଦୁ ଧର୍ମରେ ହନୁମାନଙ୍କ ପୂଜାର ବିଶେଷ ମହତ୍ତ୍ୱ ରହିଛି। ଯଦି ଶନିଦେବଙ୍କ ପ୍ରକୋପରୁ ରକ୍ଷା ପାଇବାକୁ ଚାହାନ୍ତି ତେବେ ଶନିବାର ଦିନ ହନୁମାନଙ୍କୁ ସିନ୍ଦୂର ଦିଅନ୍ତୁ। ଏଥିସହ ହନୁମାନ ଚାଳିଶା ପାଠ ପଢ଼ନ୍ତୁ। ମାନ୍ୟତା ଅନୁସାରେ ଏଭଳି କରିବା ଦ୍ୱାରା ଜୀବନରେ ସକରାତ୍ମକ ଉର୍ଜା ସଂଚାର ହୋଇଥାଏ।