କେସିଙ୍ଗା,୧୮।୩(ତୁମେଶ୍ୱର ସାହୁ): କଳାହାଣ୍ଡି ଏମପି ମାଲବିକା ଦେବୀ ଦିଲ୍ଲୀରେ ଅନୁଷ୍ଠିତ ଲୋକ ସଭା ଗୃହରେ କଳାହାଣ୍ଡି ଜିଲାର ସଂସଦୀୟ କ୍ଷେତ୍ର କଳାହାଣ୍ଡି ଓ ନୂଆପଡ଼ା ଜିଲା ପାଇଁ ବିଭିନ୍ନ ନୂତନ ରେଳ ପ୍ରକଳ୍ପ ପାଇଁ ଗତକାଲି ବିଭିନ୍ନ ଦାବି ଜଣାଇଥିଲେ ଏବଂ ପୂର୍ବରୁ ଜିଲାରେ ବିଭିନ୍ନ ଦାବିଗୁଡିକ ମଞ୍ଜୁର ହୋଇଥିବାରୁ ପ୍ରିୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ କେନ୍ଦ୍ର ରେଳମନ୍ତ୍ରୀ ଅଶ୍ୱନୀ ବୈଷ୍ଣବଙ୍କୁ ଲୋକସଭା ଗୃହରେ ଧନ୍ୟବାଦ ଜଣାଇଥିଲେ। କଳାହାଣ୍ଡି ଓ ନୂଆପଡା ଜିଲାର ବିଭିନ୍ନ ଦାବି ଉପସ୍ଥାପନ କରିଥିଲେ। ସେଥିମଧ୍ୟରୁ ମୁଖ୍ୟ ହେଉଛି କେସିଙ୍ଗା ରୁ ଭୁବନେଶ୍ୱରକୁ ସିଧାସଳଖ ଏକ ଟ୍ରେନ ଚଳାଚଳ ପାଇଁ ଦାବି ଉପସ୍ଥାପନ କରିଥିଲେ। ନର୍ଲାରେ ରେଳ କାରଖାନା ନିର୍ମାଣ, ଭବାନୀପାଟଣାରେ ଗୋଦାମ ଗୃହ ନିର୍ମାଣ କରିବା ସହିତ କଳାହାଣ୍ଡି ଓ ନୂଆପଡା ଜିଲାରେ ବିଭିନ୍ନ ପ୍ରକଳ୍ପ ଗୁଡିକର ନିର୍ମାଣ ପାଇଁ ଲୋକ ସଭା ରେ ଦାବି କରିଥିବା ଜଣାପଡିଛି।