ବଲାଙ୍ଗୀର,୪।୨ (ସୁନିଲ କୁମାର ମହାନ୍ତି): ବଲାଙ୍ଗୀର ସଦର ବ୍ଲକ ମିରିଦ୍ଧାପାଲି ଗ୍ରାମ ପଞ୍ଚାୟତ ଅନ୍ତର୍ଗତ ତୁଲଣ୍ଡି ଗ୍ରାମ ଜଗନ୍ନାଥ ମନ୍ଦିର ପାଖ ଜମିରେ ଥିବା ଏକ ପୋଖରୀରୁ ଭାସୁଥିବା ଏକ ମୃତଦେହକୁ ଉଦ୍ଧାର କରିଛି ପୋଲିସ । ସୂଚନା ଅନୁଯାୟୀ ଆଜି ସକାଳେ ତୁଲଣ୍ଡି ଗ୍ରାମରେ ଜଗନ୍ନାଥ ମନ୍ଦିର ନିକଟ ଏକ ଜମିରେ ଥିବା ଛୋଟ ପୋଖରୀରୁ କେହି ଜଣେ ଭାସୁଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ। ପାଣିରେ ଭାସୁଥିବା ନେଇ ସ୍ଥାନୀୟ ଲୋକେ ଚନ୍ଦନ ଭାଟି ପୋଲିସ ଓ ଅଗ୍ନିଶମ ବିଭାଗକୁ ଖବର ଦେଇଥିଲେ । ଖବରପାଇ ଅଗ୍ନିଶମ ବିଭାଗ ପହଞ୍ଚି ଅଜଣା ବ୍ୟକ୍ତିଙ୍କ ମୃତଦେହ ପାଣି ଭିତରୁ ଉଦ୍ଧାର କରିଥିଲେ । ଅଜଣା ମୃତଙ୍କ ପରିଚୟ ମିଳିଥିବା ପୋଲିସ ପକ୍ଷରୁ କୁହାଯାଇଛି। ମୃତ ବ୍ୟକ୍ତି ଜଣକ ହେଲେ ଅକ୍ଷୟ ପାଣ୍ଡେ ( ୪୦) ଝାରସମରା ଗ୍ରାମ ତୁଷୁରା ଥାନା ଅଞ୍ଚଳର ବୋଲି ଜଣାପଡିଛି । ସେ କେଉଁଠୁ ଆସିଥିଲେ କେମିତି ଜମି ପାଣି ଭିତରକୁ ଗଲେ, ଲୋକେ କେହି ଦେଖି ନ ଥିବା ବେଳେ ଏବେ ସନ୍ଦେହଜନକ ମୃତ୍ୟୁକୁ ନେଇ ଆଲୋଚନା ହେଉଛି। ସେପଟେ ମେଡିକାଲରେ ପହଞ୍ଚିଛନ୍ତି ମୃତକଙ୍କ ପରିବାର ଲୋକେ। ୪ରୁ ୫ଦିନ ହେଲା ସେହି ଅଞ୍ଚଳର ଆଖ ପାଖ ଗ୍ରାମରେ ପାଣ୍ଡେ ବୁଲୁଥିବା ଗ୍ରାମବାସୀ ଦେଖିଥିବା ନେଇ ଚର୍ଚ୍ଚା ଚାଲିଛି l ତୁଲଣ୍ଡି ଗ୍ରାମରେ ସାନ୍ତିଫିକ ଟିମ ଓ ଚନ୍ଦନଭାଟି ପୋଲିସ ପକ୍ଷରୁ ଏ ନେଇ ତଦନ୍ତ ଜାରି ରହିଥିବା ବେଳେ ସ୍ଥାନୀୟ ଲୋକଙ୍କୁ ପଚରାଉଚରା କରୁଥିବା ଜଣାପଡିଛି ।