ଦାରିଙ୍ଗବାଡ଼ି, ୨୮।୧(ଅରୁଣ ସାହୁ): ରାଜ୍ୟରେ ନବ ନିର୍ମାଣ କୃଷକ ସଙ୍ଘଠନ ପକ୍ଷରୁ ବିଭିନ୍ନ ଦାବି ନେଇ ବୁଧବାର ବନ୍ଦ ଡାକରା ଦିଆଯାଇଛି। କନ୍ଧମାଳ ଜିଲା ଦାରିଙ୍ଗବାଡି ଅଞ୍ଚଳରେ କୌଣସି ପ୍ରଭାବ ପଡ଼ି ନ ଥିବା ଜଣାପଡିଛି। ଦୋକାନ ବଜାର, ବ୍ୟାଙ୍କ ସେବା, ସ୍କୁଲ, କଲେଜସରକାରୀ ଓ ବେସରକାରୀ ଅନୁଷ୍ଠାନ ଆଦି ଖୋଲା ଯାଇଥିବା ବେଳେ ଭୋର ସମୟରୁ ହିଁ ଚା’ ଦୋକାନ ଗୁଡିକ ଖୋଲିଥିଲା। ଅଞ୍ଚଳରେ ଶୀତର ପ୍ରଭାବ ଯୋଗୁ ଧୀରେ ଧୀରେ ୯ଟା ଠାରୁ ଅନ୍ୟ ଦୋକାନ ବଜାର ଖୋକିବା ଆରମ୍ଭ ହୋଇଥିଲା। ସେହିପରି ସରକାରୀ ଲଷ୍ମୀ ବସ ଗୁଡିକ ସମସ୍ତ ପଞ୍ଚାୟତ ହେଡ଼ କ୍ୱାର୍ଟରକୁ ଯାତାୟାତ କରୁଥିବା ଜଣାପଡିଛି। ତେବେ କୁହାଯାଉଛି ଘରୋଇ ବସ ପକ୍ଷରୁ ଗାଡି ଚଳାଚଳକୁ ବନ୍ଦ କରାଯାଇଛି । ଉକ୍ତ ବ୍ଲକର ବ୍ରାହ୍ମଣୀଗାଁ, ଗଦାପୁର ଦେଇ ଦାରିଙ୍ଗବାଡି ପର୍ଯ୍ୟନ୍ତ ବ୍ରହ୍ମପୁରକୁ ସକାଳୁ ବସ ପହଞ୍ଚିଥିବା ଜଣାପଡିଛି। ବ୍ରାହ୍ମଣୀଗାଁ, ଦାରିଙ୍ଗବାଡି, ସିମନବାଡି, ବୁଡ଼ାଗୁଡା, ବାଡାବାଙ୍ଗା ଅଞ୍ଚଳରେ ସମସ୍ତ ପ୍ରକାର ଦୋକାନ ଖୋଲା ରହିଛି। ଖବର ଲେଖିବା ସୁଦ୍ଧା ବନ୍ଦ ରଖିବାକୁ ଉକ୍ତ ସଙ୍ଘ ପକ୍ଷରୁ କୌଣସି ପିକେଟିଂ କରାଯାଇ ନ ଥିବା ଜଣାପଡିଛି।