ବେଜିଂ,୫ା୩: ଚାଇନା ପ୍ରତିରକ୍ଷା ବଜେଟକୁ ୧.୯୧ ଟ୍ରିଲିୟନ ୟୁଆନ୍ (୨୭୭ ବିଲିୟନ ଡଲାର)କୁ ବୃଦ୍ଧି କରିଛି, ଯାହାକି ପୂର୍ବବର୍ଷ ତୁଳନାରେ ୭ ପ୍ରତିଶତ ଅଧିକ।
ଆମେରିକା ସେନା ସମକକ୍ଷ ହେବା ପାଇଁ ଚାଇନା ଏହାର ସଶସ୍ତ୍ର ବଳର ଦ୍ରୁତ ଆଧୁନିକୀକରଣ ଲାଗି ଉଦ୍ୟମ ଚଳାଇଥିବା ବେଳେ ପ୍ରତିରକ୍ଷା ବଜେଟ ବୃଦ୍ଧି ତାହାର ଏକ ଅଂଶବିଶେଷ। ରାଷ୍ଟ୍ରପତି ଶି ଜିନ୍ପିଙ୍ଗ, ଓ ଅନ୍ୟ ବରିଷ୍ଠ ନେତାମାନଙ୍କ ଉପସ୍ଥିତିରେ ନ୍ୟାଶନାଲ ପିପୁଲ୍ସ କଂଗ୍ରସ (ଏନ୍ପିସି) ଅଧିବେଶନ ଆରମ୍ଭରେ ଚାଇନା ପ୍ରଧାନମନ୍ତ୍ରୀ ଲି କିଆଙ୍ଗ ବାର୍ଷିକ ବଜେଟ ଉପସ୍ଥାପନ କରିଛନ୍ତି। ୨୦୨୬ ଆର୍ଥବକ ବର୍ଷ ପାଇଁ ପ୍ରତିରକ୍ଷା ବଜେଟ ପ୍ରାୟ ୧.୯୧ ଟ୍ରିଲିୟନ ୟୁଆନ୍ ରଖାଯାଇଥିବା ସରକାରୀ ଗଣମାଧ୍ୟମ ଚାଇନା ଡେଲି ରିପୋର୍ଟ ପକ୍ଷରୁ କୁହାଯାଇଛି।