ଆନନ୍ଦପୁର,୧୦।୪(ସୁଶାନ୍ତ କୁମାର ସାହୁ ): କେନ୍ଦୁଝର ଜିଲା ଘସିପୁରା ବ୍ଲକ କେଶଦୁରାପାଳଠାରୁ ଘସିପୁରା ଯାଉଥିବା ମୁଖ୍ୟମନ୍ତ୍ରୀ ବସ୍କୁ ଦେଓଗାଁ ଚିକିତ୍ସାଳୟ ସମ୍ମୁଖରେ ଜଣେ ଯୁବକ ଶୁକ୍ରବାର ଅଚାନକ ଅଟକାଇ ବସ୍ରେ ଯିବାପାଇଁ ବାଧ୍ୟ କରିଥିଲେ, ବସ୍ରେ ଅଧିକା ଲୋକ ବସିଥିବାରୁ କଣ୍ଡକ୍ଟର ବସ୍ରେ ଯିବାପାଇଁ ଯୁବକଙ୍କୁ ବlରଣ କରିଥିଲେ। ଏଥିରେ ଉକ୍ଷିପ୍ତ ହୋଇ ଯୁବକ ଜଣଙ୍କ କଣ୍ଡକ୍ଟରକୁ ଏକ ଇଟାରେ ଆକ୍ରମଣ କରିବା ସହିତ ବସ୍ କାଚକୁ ଭାଙ୍ଗିବା ପାଇଁ ଉଦ୍ୟମ କରିଥିଲେ। ଖବର ପାଇ ଘସିପୁରା ପୋଲିସ ଘଟଣାସ୍ଥଳରେ ପହଞ୍ଚି ବୁଝାଶୁଝା କରିବା ପରେ ପରିସ୍ଥିତି ଶାନ୍ତ ପଡିଥିବା ଦେଖିବାକୁ ମିଳିଥିଲା।