କେସିଙ୍ଗା,୬ା୪(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ଏନ୍ଏସିର ଅଧ୍ୟକ୍ଷ ନୃପରାଜ ଯାଦବ ଓଡ଼ିଆ ପକ୍ଷ ପାଳନ ଉପଲକ୍ଷେ ସହରର ବିଭିନ୍ନ ସ୍ଥାନରେ ସଫେଇ କରିଥିଲେ। ପ୍ରଥମେ ଜଗନ୍ନାଥ ମନ୍ଦିରଠାରୁ ଆରମ୍ଭ କରି ଜାତୀୟ ରାଜପଥର ଉଭୟ ପାର୍ଶ୍ୱରେ ନିଜେ ଅଧ୍ୟକ୍ଷଙ୍କ ସମେତ କାର୍ଯ୍ୟ ନିର୍ବାହୀ ଅଧିକାରୀ ଚିନ୍ମୟ ଆଚାରୀୟ, ଉପାଧ୍ୟକ୍ଷା ସରସ୍ବତୀ ସାହା, ଜେଇ ମହାରଣାଙ୍କ ସମେତ ମହିଳା ଗୋଷ୍ଠୀ, ଏନ୍ଏସିର କର୍ମଚାରୀଙ୍କ ସହିତ ସହରର ଉଭୟ ପାର୍ଶ୍ୱରେ ସଫେଇ କରାଯାଇଥିଲା। ହସ୍ପିଟାଲ ଛକ, ଗୌରୀ ଶଙ୍କର ମନ୍ଦିର, ଆମ୍ବାଜୀ ମନ୍ଦିର, ବୁଢ଼ାରଜା ମନ୍ଦିର ପରିସରରେ ସମୂହରେ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।