ପ୍ରାପ୍ତ ସୂଚନାରୁ ପ୍ରକାଶ ଯେ, ଖରିଆରର ଦୀପକ କୁମାର ଦୁବେଙ୍କ ଅଭିଯୋଗ ଅନୁଯାୟୀ ତାଙ୍କ ପୁଅ ବିଜ୍ଞାପନ ଦେଖି ଏହି କୋଲଡ୍ରିଙ୍କ କିଣିବା ପାଇଁ ତାଙ୍କୁ ବାଧ୍ୟ କରିଥିଲା । ଏହା ପିଇବା ପରେ ଦୌଡରେ ଭାଗ ନେଲେ ବିଜୟ ସୁନିଶ୍ଚିତ ଓ ଦେହରେ ଶକ୍ତି ବଢିବା ବିଜ୍ଞାପନରେ ଦେଖାଯାଇଥିଲା। ଏଥିରେ ପ୍ରଭାବିତ ହୋଇ ସେ ପିଇଥିବା ବେଳେ ଏହା ଭୁଲ ପ୍ରମାଣିତ ହୋଇଥିବା ତାଙ୍କ ପୁଅ ଅଭିଯୋଗ କରିଥିଲେ । ବିଜ୍ଞାପନରେ ସଲମାନ ଓ ହ୍ରିତିକ ରୋଶନ ଅଭିନୟ କରିଥିବା ଯୋଗୁ ଏହାର ପ୍ରଭାବ ଶିଶୁମାନଙ୍କ ଉପରେ ପଡୁଛି । ଏନେଇ କଳାହାଣ୍ଡି ଖାଉଟି ଅଦାଲତରେ ସେମାନେ ଦୁଇ ଅଭିନେତାଙ୍କ ସହ ମୃଦୁପାନୀୟ କମ୍ପାନୀ ବିରୋଧରେ ମାମଲା ଦାୟର କରିଥିଲେ । ଏହାକୁ ମାନ୍ୟବର ଅଦାଲତ ଗ୍ରହଣ କରି ମକଦ୍ଦମା ରୁଜୁ କରିଛନ୍ତି । ଗତ ୨୨ ତାରିଖରେ ଏହାର ପ୍ରଥମ ଶୁଣାଣି ହୋଇଥିବା ବେଳେ ଜାନୁଆରୀ ୧୯ ତାରିଖରେ ଦ୍ବିତୀୟ ଶୁଣାଣି ହେବ ବୋଲି ସୂଚନା ମିଳିଛି । ଅଭିଯୋଗକାରୀ କ୍ଷତିପୂରଣ ବାବଦକୁ ଏକ ଟଙ୍କା ଦାବୀ ରଖିଛନ୍ତି । ବିଜ୍ଞାପନ ପରିଷଦ ପାଇଁ ଓକିଲ ଅମିତ ଜେନ, ଫିଲ୍ମ ଅଭିନେତା ସଲମନ ଖାନଙ୍କ ପାଇଁ ଅନିଷ ପଟ୍ଟନାୟକ, ରିତିକ ରୋଷନ ଓ ପେପସିକୋ ପାଇଁ କୁନାଲ ବେହେରା ଏଣ୍ଡ ଆସୋସିଏଟ୍ସ ମାମଲା ପରିଚାଳନା କରୁଛନ୍ତି ।