ନୂଆଦିଲ୍ଲୀ,୮।୧୧: ଟି୨୦ ବିଶ୍ୱକପ ପରେ ବିରାଟ କୋହଲି ଛୋଟିଆ ଫର୍ମାଟରୁ ଅଧିନାୟକ ଭାବେ ଅବସର ନେବାକୁ ଯାଉଛନ୍ତି। କ୍ୟାପଟେନ ଭାବେ କୋହଲି ସୋମବାର ନାମ୍ବିଆ ବିପକ୍ଷରେ ତାଙ୍କର ଶେଷ ମ୍ୟାଚ ଖେଳିବେ। ଟି-୨୦ ଅନ୍ତର୍ଜାତୀୟ କ୍ରିକେଟରେ ସର୍ବାଧିକ ରନ୍ର ରେକର୍ଡ କୋହଲିଙ୍କ ନାଁରେ ରହିଛି । କିନ୍ତୁ ଟି୨୦ ବିଶ୍ୱକପ ଟାଇଟଲ ହାସଲ କରିବାରେ ବିଫଳ ହୋଇଛନ୍ତି ଅଧିନାୟକ ବିରାଟ। ଭାରତ ୨୦୦୭ରେ ଟି-୨୦ ବିଶ୍ୱକପ ଟାଇଟଲ ଜିତିଥିଲା। ସେତିକିିବେଳେ କୋହଲି ଭାରତୀୟ ଟିମ୍ରେ ନ ଥିଲେ। ଆସନ୍ତା ବର୍ଷ ଟି-୨୦ ବିଶ୍ୱକପ ଅଷ୍ଟ୍ରେଲିଆରେ ଆୟୋଜିତ ହେବ। କୋହଳିଙ୍କ ଇସ୍ତଫା ପରେ ଦଳର ନୂଆ କ୍ୟାପଟେନ ଟିମ୍ର ନେତୃତ୍ୱ ନେବେ। ଅନ୍ୟପକ୍ଷେ ରୋହିତ ଶର୍ମାଙ୍କୁ ଭାରତର ନୂଆ କ୍ୟାପଟେନ କରାଯିବା ନେଇ ଚର୍ଚ୍ଚା ହୋଇଛି। ବର୍ତ୍ତମାନ ରାହୁଲ ଦ୍ରାବିଡଙ୍କୁ ଟିମ୍ର ନୂଆ କୋଚ କରାଯାଇଛି।