ପାଟଣା,୯ା୧(ସ୍ବ.ପ୍ର.): କେନ୍ଦୁଝର ଜିଲା ପାଟଣା ରେଞ୍ଜ ସାହାରପଡ଼ା ସେକ୍ସନ ଉଦୟପୁର ବିଟ୍ ମୟୂରଭଞ୍ଜ ଜିଲାରୁ ଗୋଠଛଡ଼ା ଦନ୍ତା ରବିବାର ରାତିରେ ସାହାରପଡ଼ା ସେକ୍ସନ ଉଦୟପୁର ବିଟ୍ରେ ଉପଦ୍ରବ କରି ଘର ଭାଙ୍ଗି ଦେଇଛନ୍ତି। ଗୋଠଛଡା ଦନ୍ତା ବାଇକଳା, ଲୁଙ୍ଗା ଓ ନିଶ୍ଚିନ୍ତପୁର ଗାଁରେ ପଶି ୩ ଜଣଙ୍କ ଘର ଭାଙ୍ଗିଦେଇଛି। ତେବେ ଘର ଭିତରେ ଶୋଇଥିବା ଲୋକେ ଅଳ୍ପକେ ଉଦ୍ଧାର ପାଇଯାଇଛନ୍ତି। ଏବେ ହାତୀଟି ପାଟଣା ରେଞ୍ଜର ମାଧପୁର ଅଞ୍ଚଳ ଘୂରି ବୁଲୁଥିବା ଦେଖିବାକୁ ମିଳିଛି। ଗୋଠଛଡ଼ା ଦନ୍ତା ଗାଁ ନିକଟରେ ବୁଲୁଥିବାରୁ ଲୋକେ ଭୟଭୀତ ଅବସ୍ଥାରେ ଅଛନ୍ତି।