ପଦ୍ମପୁର,୯।୨(ପ୍ରଦୀପ୍ତ ଦାଶ): ସାରା ଦେଶରେ ୟୁଜିସି ବିଲକୁ ନେଇ ବିବାଦୀୟ ପରିସ୍ଥିତି ସୃଷ୍ଟି ହୋଇଥିବାବେଳେ ଏହାର ସମ୍ପୂର୍ଣ୍ଣ ପ୍ରତ୍ୟାହାର ଦାବିରେ ସୋମବାର ପଦ୍ମପୁର ବ୍ରାହ୍ମଣ ସମାଜ ତରଫରୁ ଉପଜିଲାପାଳ ସ୍ନେହାଆର ଗୁଲଙ୍କ ମାଧ୍ୟମରେ ଭାରତର ପ୍ରଧାନମନ୍ତ୍ରୀଙ୍କୁ ଦାବିପତ୍ର ପ୍ରଦାନ କରାଯାଇଛି।
ବ୍ରାହ୍ମଣ ସମାଜ ଅଭିଯୋଗ ଅନୁସାରେ, ଏହି ବିଲ ଜାତିଗତ ବିଭେଦ ସହିତ ସମ୍ବିଧାନର ସମାନତା ଆଇନକୁ ଉଲଂଘନ କରୁଛି । ବିଲରେ କେବଳ ବ୍ରାହ୍ମଣମାନଙ୍କୁ ଦୋଷୀ ଭାବେ ଚିହ୍ନଟ କରାଯାଇଥିବା ଅଭିଯୋଗ ହେଉଛି । ଆଜି ଆଟ୍ରୋସିଟି ଆକ୍ଟର ଅପବ୍ୟବହାର ହେଉଥିବାବେଳେ ଏହି ବିଲ ଆସିଲେ ବିଶ୍ୱବିଦ୍ୟାଳୟଗୁଡିକରେ ଛାତ୍ରୀଛାତ୍ରମାନଙ୍କ ମଧ୍ୟରେ ଆହୁରି ବିଭେଦ ସୃଷ୍ଟି ହେବ ବୋଲି ସମାଜ ପକ୍ଷରୁ ଆଶଙ୍କା ପ୍ରକାଶ ପାଇଛି। ଉପଜିଲାପାଳଙ୍କୁ ଦିଆଯାଇଥିବା ଦାବିପତ୍ରରେ ପଦ୍ମପୁର ବ୍ରାହ୍ମଣ ସମାଜ, ପର୍ଶୁରାମ ବାହିନୀ, ଗାୟତ୍ରୀ ବାହିନୀ ର ସମସ୍ତ ସଦସ୍ୟ ମାନେ ଉପସ୍ଥିତ ଥିଲେ ।