ପାଟ୍ନା,୧୪ା୧୦: ଭାରତୀୟ ଜନତା ପାର୍ଟି ମଙ୍ଗଳବାର ବିହାର ବିଧାନସଭା ନିର୍ବାଚନ ପାଇଁ ତା’ର ପ୍ରଥମ ତାଲିକା ପ୍ରକାଶ କରିଛି। ପ୍ରଥମ ତାଲିକାରେ ୭୧ ଜଣ ପ୍ରାର୍ଥୀଙ୍କ ନାମ ରହିଛି। ଭାଜପା ପ୍ରଥମ ତାଲିକାରେ ଏହାର ଅଧିକାଂଶ ପୂର୍ବତନ ବିଧାୟକ ଏବଂ ମନ୍ତ୍ରୀଙ୍କୁ ପୁନରାବୃତ୍ତି କରିଛି। ଏହି ତାଲିକାରେ ଭାଜପା ସମସ୍ତ ସାମାଜିକ ବର୍ଗଙ୍କ ନିକଟରେ ପହଞ୍ଚିବାକୁ ଚେଷ୍ଟା କରିଛି। ପ୍ରଥମ ତାଲିକାରେ ପଛୁଆ ବର୍ଗ, ଅତ୍ୟନ୍ତ ପଛୁଆ ବର୍ଗ, ମହିଳା, ଅନୁସୂଚିତ ଜାତି ଏବଂ ଜନଜାତିଙ୍କୁ ୫୦ ପ୍ରତିଶତରୁ ଅଧିକ ପ୍ରତିନିଧିତ୍ୱ ଦିଆଯାଇଛି।
କୁମ୍ଭାରରୁ ଅରୁଣ ସିହ୍ନା ଏବଂ ପାଟନା ସାହିବରୁ ନନ୍ଦ କିଶୋର ଯାଦବଙ୍କ ଟିକେଟ ବାତିଲ କରାଯାଇଥିଲା। ୭୦ବର୍ଷରୁ ଅଧିକ ବୟସ୍କ ପ୍ରେମ କୁମାର ଗୟାରୁ ଟିକେଟ୍ ପାଇବାରେ ସଫଳ ହୋଇଛନ୍ତି। ଲୋକ ସଭା ନିର୍ବାଚନରେ ପରାଜିତ ହୋଇଥିବା ଦୁଇ ନେତାଙ୍କୁ ବିଧାନସଭା ପାଇଁ ପ୍ରାର୍ଥୀ କରାଯାଇଛି। ବକ୍ସରୁ ଲୋକ ସଭା ପ୍ରାର୍ଥୀ ଥିବା ମିଥାଇଲେଶ ତିଓ୍ବାରୀଙ୍କୁ ବାଇକୁନ୍ତପୁରରୁ ଟିକେଟ ଏବଂ ପାଟଲିପୁତ୍ରରୁ ଲୋକ ସଭା ପ୍ରାର୍ଥୀ ରାମ କୃପାଳ ଯାଦବଙ୍କୁ ଦାନପୁରରୁ ଟିକେଟ ଦିଆଯାଇଛି।