ଭଞ୍ଜନଗର,୧୨।୧(ବାବୁଲା ପ୍ରଧାନ): ପ୍ରତି ବର୍ଷ ରାଜ୍ୟରେ ପକ୍ଷୀ ଗଣନା ହେଉଛି। ବିଦେଶାଗତ ପକ୍ଷୀ ଏବଂ ଅଞ୍ଚଳ ପକ୍ଷୀ ଚିହ୍ନଟ କରିବା ସହ ସଂପୃକ୍ତ ଅଞ୍ଚଳର ଜଳବାୟୁ ,ମାଟି ଓ ପାଣି ଜାଣି ହେବ। ଏହାପରେ ତାକୁ ଦେଖି ପକ୍ଷୀମାନଙ୍କ ସୁରକ୍ଷା ସହ ସଂପୃକ୍ତ ଅଞ୍ଚଳର ବିକାଶ ପାଇଁ ପଦକ୍ଷେପ ନିଆଯାଇପାରିବ। ଏହିଭଳି ପରିସ୍ଥିତିରେ ଆସନ୍ତା ୧୮ ତାରିଖରୁ ରାଜ୍ୟରେ ପକ୍ଷୀ ଗଣନା ବିଭିନ୍ନ ବନଖଣ୍ଡରେ ହେବ। ଏହିଭଳି ଭଞ୍ଜନଗର ସ୍ଥିତ ଘୁମୁସର ଉତ୍ତର ବନଖଣ୍ଡ ରେ ୍ଯଯଯ ପକ୍ଷୀ ଗଣନା ହେବ। ତେଣୁ ଏନେଇ ସୋମବାର ଭଞ୍ଜନଗର ଲାଲ ସିଂ ନର୍ସରୀ ପରିସରରେ ଏକ ତାଲିମ ଶିବିର ହୋଇଥିଲା। ଏଥିରେ ବିଭାଗୀୟ କର୍ମଚାରୀ ସାଙ୍ଗକୁ ଗାଲେରୀ, କେନ୍ଦୁପଦର ପ୍ରମୁଖ କଲେଜ ଛାତ୍ରୀଛାତ୍ର ଭାଗ ନେଇଥିଲେ । କର୍ମଚାରୀ ଏବଂ ଅନ୍ୟମାନେ କିଭଳି ପକ୍ଷୀ ଗଣନା କରିବେ ସେନେଇ ତାଲିମ ପ୍ରଦାନ କରାଯାଇଥିଲା । ଉକ୍ତ ଦିନ ସକାଳ ୬ ଟାରୁ ୧୦ଟା ପର୍ଯ୍ୟନ୍ତ ପକ୍ଷୀ ଗଣନା ହେବ। ବନଖଣ୍ଡର ୩୪ଟି ସ୍ଥାନରେ ଗଣନା ହେବ। କଲେଜ ଛାତ୍ରୀଛାତ୍ର ପକ୍ଷୀ ଗଣନାରେ ସାମିଲ ହେବେ। ଏହାଦ୍ବାରା ଛାତ୍ରୀଛାତ୍ରମାନଙ୍କ ଜ୍ଞାନ ବୃଦ୍ଧି ହେବ। ଡିଏଫଓ ହିମାଂଶୁ ଶେଖର ମହାନ୍ତି ମୁଖ୍ୟ ଅତିଥି ଭାବେ ଯୋଗଦେଇ ତାଲିମ ଶିବିରକୁ ଉଦଘାଟନ କରିଥିଲେ। ଏଥିସହ ପକ୍ଷୀ ଗଣନା କିଭଳି ଶୃଙ୍ଖଳାର ସହ ହୋଇପାରିବ ସେନେଇ କହିଥିଲେ।
ଅନ୍ୟମାନଙ୍କ ମଧ୍ୟରେ ଏସିଏଫ ବିମଳ ପ୍ରଧାନ, ବିବେକ ଦାସ, ପକ୍ଷୀ ବିଶେଷଜ୍ଞ ଉମାକାନ୍ତ ଦାସ, ମୂଜାଗଡ଼ ରେଞ୍ଜର ବିମ୍ବାଧର ସାହୁ, ଜଗନ୍ନାଥପ୍ରସାଦ ରେଞ୍ଜର ସୁଜାତା ରାଣୀ ପଣ୍ଡା, ଗାଲେରୀ ରେଞ୍ଜର ଜ୍ଞାନେନ୍ଦ୍ର ଲିମା, ତାରସିଂ ରେଞ୍ଜର ପ୍ରଶାନ୍ତ କୁମାର ବେହେରା ପ୍ରମୁଖ ଆଲୋଚନାରେ ଭାଗ ନେଇ ପକ୍ଷୀ ଗଣନା କିଭଳି ହେବ ସେନେଇ କହିଛନ୍ତି।