ସାଧାରଣତଃ ଧନୀ ଲୋକମାନେ ନିଜ କାମ ନ କରି ଘରେ ଚାକର ବାକର ରଖି କାମ କରାଇଥାନ୍ତି। ଏପରିକି ଘର ଝାଡୁ କରିବାଠାରୁ ଆରମ୍ଭ କରି ବାସନ ମାଜିବା ପର୍ଯ୍ୟନ୍ତ ଲୋକ ଖଞ୍ଜା ହୋଇଥାନ୍ତି। ମାତ୍ର ଆପଣଙ୍କ ମଧ୍ୟରୁ ଅଧିକାଂଶ ଲୋକ ଜାଣି ନ ଥିବେ କି ବିଶ୍ୱର ଧନୀଙ୍କ ମଧ୍ୟରେ ଗଣା ବିଲ୍ ଗେଟ୍ସ ମଧ୍ୟ ନିଜ ଘରେ ନିଜେ ବାସନ ମାଜନ୍ତି। ଏପରିକି ଜେଫ୍ ବୋଜୋସ ବ୍ଲୁ ବି ଘରେ ବାସନ ମାଜିବାକୁ ପସନ୍ଦ କରନ୍ତି। ଯାହାର କାରଣ ଜାଣିଲେ ଆଶ୍ଚର୍ଯ୍ୟ ହେବେ।
ବିଲ ଗେଟ୍ସଙ୍କ ଘରର ମୂଲ୍ୟ ମିଲିୟନ ଡଲାର। ଜେଫ ବେଜୋସ ବ୍ଲୁ ଅରିଜିନ ପାଣ୍ଠି ରଖିବା ପାଇଁ ପ୍ରତିବର୍ଷ ୧ ବିଲିୟନ ମୂଲ୍ୟର ଆମାଜନ ଷ୍ଟକ୍ ବିକ୍ରି କରନ୍ତି। ତଥାପି ସେମାନେ ବାସନ ମାଜିଥାନ୍ତି।
ବେଜୋସ କୁହନ୍ତି, ମୁଁ ପ୍ରତିଦିନ ରାତିରେ ବାସନ ମାଜିଥାଏ। ଏହା ମୋର ଅଭ୍ୟାସ। ଗେଟ୍ସ କୁହନ୍ତି, ମୁଁ ପ୍ରତି ରାତିରେ ନିଜେ ବାସନ ଧୋଇଥାଏ। ମୁଁ ଅନ୍ୟମାନଙ୍କୁ ଏହା କରିବାକୁ ଦିଏ ନାହିଁ, କିନ୍ତୁ ମୁଁ ମୋର ନିଜସ୍ବ ଢଙ୍ଗକୁ ପସନ୍ଦ କରେ।
ବାରାକ ଓବାମା ମଧ୍ୟ ଉଲ୍ଲେଖ କରିଛନ୍ତି, ତାଙ୍କ ରାଷ୍ଟ୍ରପତିତ୍ୱ ସମୟରେ ସେ ବାସନ ଧୋଇବାର ଆରାମଦାୟକ କାର୍ଯ୍ୟକୁ ହରାଇଥିଲେ। ଏବେ ପ୍ରଶ୍ନ ହେଉଛି, ଯେଉଁମାନଙ୍କ ପାଖରେ ସବୁକିଛି ଅଛି ସେମାନେ କାହିଁକି ବାସନ ଧୋଇବାକୁ ବାରମ୍ବାର ଚାହାନ୍ତି। ଏହାର କାରଣ ଜାଣିଲେ ଚକିତ ହେବେ।
କାଲିଫର୍ନିଆ ବିଶ୍ୱବିଦ୍ୟାଳୟ, ସାଣ୍ଟା ବାର୍ବାରାର ଗବେଷଣାରୁ ଜଣାପଡ଼ିଛି ଯେ, କମ କଠିନ, ପୁନରାବୃତ୍ତିମୂଳକ କାର୍ଯ୍ୟ ମନକୁ ସ୍ବାଭାବିକ ଭାବରେ ବିଚରଣ କରିବାକୁ ଅନୁମତି ଦିଏ। ଏହି ବିଚରଣ ପ୍ରାୟତଃ ସଫଳତାର ଚିନ୍ତାଧାରା ଆଡ଼କୁ ନେଇଯାଏ। ଏପରି ସମୟରେ ମସ୍ତିଷ୍କର DMN ସକ୍ରିୟ ହୁଏ। ଏହି ନେଟ୍ଓ୍ବର୍କ ହେଉଛି ଯେଉଁଠାରେ ସ୍ମୃତିଗୁଡ଼ିକୁ ଏକୀକୃତ କରାଯାଏ, ଭବିଷ୍ୟତର ପ୍ରତିଛବି ତିଆରି ହୁଏ, ନୂତନ ସଂଯୋଗ ତିଆରି ହୁଏ, ଏବଂ ମନ ବଡ଼ ସମସ୍ୟାର ସମାଧାନ ଖୋଜିବା ଆରମ୍ଭ କରେ। ବୈଜ୍ଞାନିକମାନେ ଏହା ମଧ୍ୟ ଜାଣିଛନ୍ତି ଯେ ବାସନ ଧୋଇବା, ଝାଡୁ କରିବା ଏବଂ ପୋଷାକ ଆଇରନ କରିବା DMNକୁ ସକ୍ରିୟ କରିଥାଏ। ଯେତେବେଳେ ହାତଗୁଡ଼ିକ ସେମାନଙ୍କର କାମରେ ବ୍ୟସ୍ତ ଥାଆନ୍ତି, ମନ ଉଡ଼ିବାକୁ ଆରମ୍ଭ କରେ। ବାସନ ମାଜିବା ସମୟରେ ଅନେକ କଥା ମନକୁ ଆସେ। ଏହି ସମୟରେ ମୁଣ୍ଡରେ କିଛି ସମସ୍ୟାର ସମାଧାନ ମଧ୍ୟ ଆସିଥାଏ। ଯେଉଁଥିପାଇଁ ବିଶ୍ୱର କିଛି ପ୍ରତିଷ୍ଠିତ ବ୍ୟକ୍ତି ନିଜ କାମ ନିଜେ କରିବାକୁ ପସନ୍ଦ କରିଥାନ୍ତି।