ନୂଆଦିଲ୍ଲୀ,୧୧।୧୦: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୀପାବଳି ପୂର୍ବରୁ ଚାଷୀମାନଙ୍କୁ ଏକ ବଡ଼ ଉପହାର ଦେବାକୁ ଯାଉଛନ୍ତି। ଆଜି, ଅକ୍ଟୋବର ୧୧, ୨୦୨୫, ସେ ଦେଶର ଚାଷୀଙ୍କ ପାଇଁ ୪୨,୦୦୦ କୋଟି ଟଙ୍କାର ନୂତନ ଯୋଜନା ଆରମ୍ଭ କରିବେ, ଯାହା ସେମାନଙ୍କୁ ସିଧାସଳଖ ଲାଭ ଦେବ। ଏହି ସୂଚନା ଦେଇ କୃଷି ମନ୍ତ୍ରୀ ଶିବରାଜ ସିଂହ ଚୌହାନ କହିଛନ୍ତି ଯେ ଏହି ଅବସରରେ ପ୍ରଧାନମନ୍ତ୍ରୀ ଦୁଇଟି ପ୍ରମୁଖ କାର୍ଯ୍ୟକ୍ରମ ଆରମ୍ଭ କରିବେ: ପ୍ରଧାନମନ୍ତ୍ରୀ ଧନ ଧନ୍ୟ କୃଷି ଯୋଜନା ଏବଂ ଡାଲି ପାଇଁ ଆତ୍ମର୍ନିଭରତା ମିଶନ।