ଦାରିଙ୍ଗବାଡ଼ି, ୧୭ା୧ (ଅରୁଣ ସାହୁ): ଦାରିଙ୍ଗବାଡ଼ି ବ୍ଲକ କାର୍ଯ୍ୟାଳୟ ପରିସର ମଧ୍ୟରେ ଶୁକ୍ରବାର ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ବ୍ଲକ ସାମାଜିକ ସୁରକ୍ଷା ଅଧିକାରୀ କ୍ଷେତିଶ ପ୍ରିୟଦର୍ଶିଙ୍କ ଅଧ୍ୟକ୍ଷତା କାର୍ଯ୍ୟକ୍ରମରେ ବ୍ଲକ ଅଞ୍ଚଳର ବିଭିନ୍ନ ଗ୍ରାମରୁ ଦିବ୍ୟାଙ୍ଗମାନେ ନିଜ ସ୍ବାସ୍ଥ୍ୟ ପରୀକ୍ଷା କରାଇଥିଲେ। ଏଥିରେ ୩୮୧ପଞ୍ଜିକୃତକରି ସ୍ବାସ୍ଥ୍ୟ ପରୀକ୍ଷା କରାଇଥିବା ବେଳେ ସେମାନଙ୍କ ମଧ୍ୟରୁ ୨୬୯ ଜଣଙ୍କୁ ପ୍ରମାଣପତ୍ର ବଣ୍ଟନ କରାଯାଇଛି। ସେମାନଙ୍କ ମଧ୍ୟରେ ମାନସିକ ଅନଗ୍ରସର, ଦୃଷ୍ଟିଶକ୍ତି ବାଧକ, ଶ୍ରବଣ ଶକ୍ତି ବାଧକ, ଚଳଣି ବାଧକ ଆଦି ରହିଥିଲେ। ସେମାନଙ୍କୁ ଡାକ୍ତର ଦେବଜିତ ଦାସ, ଡାକ୍ତର ଶ୍ରବଣ ସାହୁକାର, ଡାକ୍ତର ଉତ୍କଳ କେଶରୀ ବେହେରା, ଡାକ୍ତର ଜୟଦେବ ଘୋଷ, ଡାକ୍ତର ସତ୍ୟବ୍ରତ ସାହୁ ପ୍ରମୁଖ ରୋଗୀ ପରୀକ୍ଷା କରି ଚିହ୍ନଟ କରି ପ୍ରମାଣପତ୍ର ପ୍ରଦାନ କରିଥିଲେ। ଯେଉଁମାନଙ୍କୁ ପ୍ରମାଣପତ୍ର ମିଳିଛି ସେମାନଙ୍କୁ ଆବଶ୍ୟକ ସରକାରୀ ସହାୟତା ପ୍ରଦାନ କରାଯିବ ବୋଲି କୁହାଯାଇଛି। ଏହି ସବୁ କାର୍ଯ୍ୟକ୍ରମକୁ ଜିଲା ସାମାଜିକ ସୁରକ୍ଷା ଅଧିକାରୀ ପି.ପଦ୍ମା, ବାଲିଗୁଡା ଉପଖଣ୍ଡ ସାମାଜିକ ସୁରକ୍ଷା ଅଧିକାରୀ ମମିତା ପ୍ରଧାନ, ପ୍ରମୋଦ ବଡ଼ସେଠ, ଅକ୍ଷୟ ପଣ୍ଡା, ହେମନ୍ତ ମେହେର, ବସନ୍ତ ପଳେଇ ଏବଂ ବ୍ଲକର ଗୋଷ୍ଠୀ ସମ୍ବଳ ଶିକ୍ଷକ ମାନସ ଷଡ଼ଙ୍ଗୀ ଓ ଅନ୍ୟକର୍ମଚାରୀ ଶିବିରକୁ ପରିଚାଳନା କରିବାରେ ସହଯୋଗ କରିଥିଲେ।