ନୂଆଦିଲ୍ଲୀ,୧୧ା୧୨: ବାଂଲାଦେଶର ତ୍ରୟୋଦଶ ସଂସଦୀୟ ନିର୍ବାଚନ ଆସନ୍ତା ଫେବୃଆରୀ 12 ତାରିଖରେ ଅନୁଷ୍ଠିତ ହେବ । ବାଂଲାଦେଶର ମୁଖ୍ୟ ନିର୍ବାଚନ କମିଶନର ଏଏମଏମ ନାସିର ଉଦ୍ଦିନ ବର୍ତ୍ତମାନ ନିର୍ବାଚନ କାର୍ଯ୍ୟସୂଚୀ ଘୋଷଣା କରିଛନ୍ତି । ୧୨ ଫେବୃଆରୀ ସକାଳ ୭:୩୦ ରୁ ଅପରାହ୍ନ ୪:୩୦ ପର୍ଯ୍ୟନ୍ତ ମତଦାନ ହେବ। ଏଥର ମତଦାନ ସମୟକୁ ଏକ ଘଣ୍ଟା ବୃଦ୍ଧି କରାଯାଇଛି । କାରଣ ସେହିଦିନ ଜନମତ ରହିଥିବା କାରଣରୁ ଭୋଟଦେବା ସମୟକୁ ଏକ ଘଣ୍ଟା ବୃଦ୍ଧି କରାଯାଇଛି ।
ଜୁଲାଇ ଚାର୍ଟର କାର୍ଯ୍ୟକାରୀ କରିବା ଉପରେ ଏକ ଜନମତ ମଧ୍ୟ ଫେବୃଆରୀ 12 ତାରିଖରେ ଅନୁଷ୍ଠିତ ହେବ। ନିର୍ବାଚନ କମିଶନଙ୍କ ଅନୁଯାୟୀ, ଏହି ଜନମତ ଜାତୀୟ ସମ୍ବିଧାନ କାର୍ଯ୍ୟକାରୀ କରିବା ଉପରେ ହେବ। ଶେଖ ହସିନାଙ୍କ ଦଳ, ଆୱାମୀ ଲିଗ୍, ଏହି ନିର୍ବାଚନରେ ଅଂଶଗ୍ରହଣ କରିପାରିବ ନାହିଁ କାରଣ ଏହା ପୂର୍ବରୁ ନିଷିଦ୍ଧ କରାଯାଇଛି।
ନିର୍ବାଚନ ଆୟୋଗ ଅନୁସାରେ, ଚଳିତ ଥର 12.8 ଲକ୍ଷ ଭୋଟର ସରକାର ବାଛିବା ପାଇଁ ନିଜର ମତ ସାବ୍ୟସ୍ତ କରିବେ । ଏଥିରେ 6.42 ଲକ୍ଷ ପୁରୁଷ ଏବଂ 6.28 ଲକ୍ଷ ମହିଳା ଭୋଟର ରହିଛନ୍ତି । ନିର୍ବାଚନକୁ ସୁଚାରୁରୂପେ କରିବା ପାଇଁ ପ୍ରତି ଜିଲ୍ଲାରେ ଦୁଇଜଣ ଜିଲ୍ଲାପାଳଙ୍କୁ ନିୟୋଜିତ କରାଯାଇଛି । 30 ହଜାର ନନ ରେଜିଷ୍ଟାର ବାଂଲାଦେଶୀ ଭୋଟର ମଧ୍ୟ ଭୋଟ ଦେବା ନେଇ ଆଶଙ୍କା କରାଯାଉଛି ।