ଜୟପୁର,୨୫।୧୦: ରାଜସ୍ଥାନରେ କଂଗ୍ରେସ ସରକାର ଆସିଲେ ପରିବାରର ମହିଳା ମୁଖ୍ୟଙ୍କୁ ପ୍ରତିବର୍ଷ ୧୦,୦୦୦ ଟଙ୍କା ସମ୍ମାନ ପ୍ରଦାନ କରାଯିବ। ଜୁଞ୍ଜୁନୁରେ ଏକ ସାଧାରଣ ସଭାରେ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ଏହା ଘୋଷଣା କରିଛନ୍ତି।
ନିଜ ସମ୍ବୋଧନରେ ଗେହଲଟ କହିଛନ୍ତି, ଆମେ ଲୋକଙ୍କ ପାଇଁ କାର୍ଯ୍ୟ କରୁଛୁ। ନିର୍ବାଚନରେ ଯାହା ପ୍ରତିଶ୍ରୁତି ଦିଆଯାଏ ତାହା ପାଳନ କରାଯାଏ। ଯଦି ଆମ ସରକାର ଏଥର ପୁଣିଥରେ ରାଜ୍ୟରେ ସରକାର ଗଢେ ତେବେ ମାତ୍ର ୫୦୦ ଟଙ୍କାରେ ଏଲପିଜି ସିଲିଣ୍ଡର ଲୋକଙ୍କୁ ଯୋଗାଇଦିଆଯିବ। ଏହାଦ୍ୱାରା ଏକ କୋଟି ପାଞ୍ଚ ଲକ୍ଷ ପରିବାର ଉପକୃତ ହେବେ। କେବଳ ଏତିକି ନୁହେଁ, ପରିବାରରେ ମହିଳା ମୁଖିଆଙ୍କୁ ୧୦ ହଜାର ଟଙ୍କା ସମ୍ମାନ ସ୍ବରୂପ ପ୍ରଦାନ କରାଯିବ।