ଭବାନୀପାଟଣା,୨୩।୭(ଉତ୍ତମ କୁମାର ଦାଶ)-କଳାହାଣ୍ଡି ଜିଲାରେ ପୁଣି ଏକ ଅଜଗର ସାପ ଉଦ୍ଧାର ହୋଇଛି। ଗତ ଶନିବାର ଜିଲାର କୋକସରା ବ୍ଲକ କାଉଡୋଲା ପଞ୍ଚାୟତ ଚାବୃପଡାରେ ଏକ ୭ ଫୁଟର ଅଜଗରକୁ ବନବିଭାଗ ଉଦ୍ଧାର କରିଥିଲା। ତେବେ ବୁଧବାର ଭବାନୀପାଟଣା ସ୍ଥିତ କୂଟରୁଖାଇ ମେଘାନର୍ସରୀ ନିକଟରେ ଏକ ଛୋଟ ଅଜଗରକୁ ଉଦ୍ଧାର କରିଛି ସ୍ଥାନୀୟ ବନବିଭାଗ। ଏହାପରେ ସୁରକ୍ଷିତ ଭାବେ ଅଜଗରକୁ କର୍ଲାପାଟ ଅଭୟାରଣ୍ୟର ଜାକମ ପାଖରେ ଛଡ଼ାଯାଇଥିଲା। ଏହି ସମୟରେ ସ୍ଥାନୀୟ ଫରେଷ୍ଟର ଯୋଗେନ୍ଦ୍ର ମାଝୀ,ବାୟୋଲୋଜିଷ୍ଟ ସିଦ୍ଧାର୍ଥ କୁମାର ମହନ୍ତ, ଫିଲଡ଼ ଆସିଷ୍ଟାଣ୍ଟ ବିଶ୍ଵଜିତ ହରପାଳ ଓ ଅନ୍ୟମାନେ ଉପସ୍ଥିତ ଥିଲେ।