ଲଣ୍ଡନ: କୁହାଯାଏ ଓଲ୍ଡ ଇଜ ଗୋଲ୍ଡ! ଅନେକ ଲୋକ ପୁରୁଣା ଜିନିଷ ରଖିବାକୁ ଭଲ ପାଆନ୍ତି ଏବଂ ଯେତେବେଳେ ସେମାନେ ବହୁ ବର୍ଷ ପରେ ବାହାରକୁ ଆସନ୍ତି, ଲୋକମାନେ ସେମାନଙ୍କୁ ଦେଖିବା ପରେ ନିରବ ରହିଥା’ନ୍ତି। କିନ୍ତୁ ଏଥର କଥାଟି କିଛି ଅଲଗା ପ୍ରକାର। ୧୭୬୬ ବର୍ଷର ଏକ ଥିଏଟର ଟୋକନ ବ୍ରିଟେନରେ ନିଲାମ ହେବାକୁ ଯାଉଛି। ଏହାର ସବୁଠାରୁ ବିଶେଷ କଥା ହେଉଛି ଯେ ଏହା ବଦଳରେ ଆଜି ବି କେହି ମାଗଣାରେ ସୋ ଦେଖିପାରିବେ। କିନ୍ତୁ ଏହାକୁ ପାଇବା ପାଇଁ ଜଣେ ବ୍ୟକ୍ତିଙ୍କୁ ଏକ ମହଙ୍ଗା ମୂଲ୍ୟ ଦେବାକୁ ପଡିବ। ଏହାର କାରଣ ଜାଣିଲେ ଆଶ୍ଚର୍ଯ୍ୟ ଲାଗିବ।
ଗାର୍ଡିୟନର ଏକ ରିପୋର୍ଟ ଅନୁଯାୟୀ, ବ୍ରିଟେନର ବ୍ରିଷ୍ଟଲ ଓଲ୍ଡ ଓ୍ବିକ ଥିଏଟରର ପ୍ରଥମ ପୃଷ୍ଠପୋଷକମାନଙ୍କ ପାଇଁ ଏହିପରି ୫୦ଟି ଟୋକେନ ତିଆରି କରାଯାଇଥିଲା। ଏହି ଟୋକେନ ଗୁଡିକରେ ଲେଖା ଅଛି ଯେ ଯାହାର ଏହି ଟୋକନ ଅଛି, ଥିଏଟରରେ ଦେଖାଯାଇଥିବା ସବୁକିଛି ମୁଭି ଦେଖିବାର ଅଧିକାର ସେ ପାଇବେ। ସେମାନଙ୍କଠାରୁ କୌଣସି ଟଙ୍କା ନିଆଯିବ ନାହିଁ। ଏହି ଟୋକେନଗୁଡିକ ୨୫୦ବର୍ଷ ପର୍ଯ୍ୟନ୍ତ ଲୁଚାଯାଇଥିଲା।ବର୍ତ୍ତମାନ ଏସବୁ ସାମ୍ନାକୁ ଆସିଛି ଏବଂ ନିଲାମ ପାଇଁ ପ୍ରସ୍ତୁତି ଚାଲିଛି। ବାସ୍ତବରେ, ଥିଏଟର ଖୋଲିବା ସମୟରେ ୫୦ଟି ଟୋକେନ ତିଆରି କରାଯାଇଥିଲା, ଯାହାକି ଏହାର ପୃଷ୍ଠପୋଷକମାନଙ୍କୁ ଦିଆଯାଉଥିଲା। ସେବେଠାରୁ ସେମାନଙ୍କୁ ଅଦଳବଦଳ କରାଯାଇଥିଲା। ବିକ୍ରୟ କରାଗଲା ଏବଂ ଅନେକ ହଜିଗଲେ। ଏପରିକି ଅନେକ ନକଲି ଟୋକେନ ତିଆରି କରାଯାଇଥିଲା।
ନିଲାମ ହାଉସ ଗୋଟିଏ ଟୋକନର ମୂଲ୍ୟ ୨୫୦୦ ପାଉଣ୍ଡରେ ସ୍ଥିର କରିଛି ଅର୍ଥାତ୍ ଭାରତୀୟ ମୁଦ୍ରାରେ ଏହାର ମୂଲ୍ୟ ପ୍ରାୟ ୨.୫୧ ଲକ୍ଷ ଟଙ୍କା। ବ୍ରିଷ୍ଟଲ ଓଲ୍ଡ ଓ୍ବିକ ଥିଏଟର କହିଛି, ଆମେ ସମସ୍ତ ସାର୍ଟିଫିକେଟ ଟୋକେନ ପାଇଁ ଆମର ନୀତି ଅନୁସରଣ କରୁ। ଯଦି ଏହା ପ୍ରକୃତରେ ପ୍ରାମାଣିକ ତେବେ ଆମେ ସେମାନଙ୍କୁ ସାରା ଜୀବନ ସମ୍ମାନ ଦେବୁ ଏବଂ ଯେଉଁମାନେ ଏହାକୁ ଶୋ ଦେଖିବା ପାଇଁ ଆଣନ୍ତି ସେମାନଙ୍କୁ ଏକ ସୁଯୋଗ ଦେବୁ। ଏହି ଥିଏଟରଟି ‘ଥିଏଟର ରୟାଲ’ ଭାବରେ ଜଣାଶୁଣା ଏବଂ ୧୭୬୪ ରୁ ୧୭୬୬ମଧ୍ୟରେ କିଙ୍ଗ ଷ୍ଟ୍ରିଟରେ ନିର୍ମିତ ହୋଇଥିଲା।