ଭଞ୍ଜନଗର,୧୧।୪(ବାବୁଲା ପ୍ରଧାନ): ଗଞ୍ଜାମ ଜିଲା ଭଞ୍ଜନଗର ଟାଟା ପାୱାର ପକ୍ଷରୁ ଶନିବାର ବିଦ୍ୟୁତ ମରାମତି ପାଇଁ ସକାଳ ୮ ଟା ରୁ ପୁର୍ବାହ୍ନ ୧୧ ଟା ପର୍ଯ୍ୟନ୍ତ ପାୱାର କଟ ପାଇଁ ଘୋଷଣା ହୋଇଥିଲା। ମାତ୍ର ୩ ଘଣ୍ଟା ପାୱାର କଟ ଘୋଷଣା କରାଯାଇଥିବାବେଳେ ଇତିମଧ୍ୟରେ ୭ ଘଣ୍ଟା ବିତିଗଲାଣି କିନ୍ତୁ ବିଦ୍ୟୁତ ସେବା ସ୍ବାଭାବିକ ହୋଇପାରିନାହିଁ। ଏହାଦ୍ବାରା ଲକ୍ଷ ଲକ୍ଷ ପ୍ରଭାବିତ ହୋଇଛନ୍ତି । ତାତି ବଢୁଥିବା ବେଳେ ବହୁ ସମୟ ଧରି ପାୱାର କଟ ଦ୍ୱାରା ଲୋକେ ନାହି ନ ଥିବା ଅସୁବିଧାର ସମ୍ମୁଖୀନ ହୋଇଛନ୍ତି। ଅନ୍ୟପକ୍ଷରେ ଟାଟା ପାୱାର ପକ୍ଷରୁ ସଫେଇ ଦିଆଯାଇଛି ଯେ, ଗଛ ଡାଳ ସଫା କରିବା ସମୟରେ ଭଞ୍ଜନଗର ସତ୍ୟ ସାଇ ସ୍କୁଲ ନିକଟରେ ଏକ ଡାଳ ଖୁଣ୍ଟ ଉପରେ ପଡ଼ିଯାଇଥିଲା। ଫଳରେ ଖୁଣ୍ଟ ଟି ଭାଙ୍ଗି ଯାଇଥିଲା। ତାହାକୁ ମରାମତି କରିବା ପାଇଁ ବହୁ ସମୟ ଲାଗି ଯାଉଛି। ତେଣୁ ବିଦ୍ୟୁତ ସେବା ଅପରାହ୍ନ ୪ଟା ବେଳକୁ ସ୍ବାଭାବିକ ବୋଲି ଆଶା ରଖାଯାଇଛି। ଏତେ ସମୟ ପାୱାର କଟକୁ ନେଇ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି।