ଚଣ୍ଡିଗଡ,୨୩।୨:ପଞ୍ଜାବର ଅମ୍ବାଲା ଜିଲାରେ ଏକ ହୃଦୟ ବିଦାରକ ମାମଲା ସାମ୍ନାକୁ ଆସିଛି। ଜଣେ ପିତା ନିଜ ପୁଅକୁ ଅପହରଣ କରିନେଇଛନ୍ତି। ଏନେଇ ସ୍ବାମୀଙ୍କ ବିରୋଧରେ ପୋଲିସ ଷ୍ଟେଶନରେ ଅଭିଯୋଗ କରିଛନ୍ତି ସ୍ତ୍ରୀ। ତେବେ ଘଟଣା ପଛର କାରଣ ଭାବପ୍ରବଣ କରିଦେବ। ଅଭିଯୁକ୍ତ ନିଜ ଭଉଣୀର ୨୦ ବର୍ଷର ବିବାହ ପରେ ସନ୍ତାନ ନ ଥବାରୁ ତାଙ୍କ ଇଚ୍ଛା ପୂରଣ କରିବା ପାଇଁ ନିଜର ୧୫ ଦିନର ପିଲାକୁ ଦେବାକୁ ଚାହୁଁଥିଲେ। ଏଥିରେ ସ୍ତ୍ରୀ ରାଜି ନ ହେବାରୁ ବ୍ୟକ୍ତି ଜଣଙ୍କ ପିଲାଟିକୁ ଅପହରଣ କରି ନେଇଛନ୍ତି।
ସୂଚନାଯୋଗ୍ୟ, ପୀଡିତା ସପନା କହିଛନ୍ତି ଯେ ପ୍ରାୟ ୧୦ ମାସ ପୂର୍ବେ ସେ ବାରାଡାର ଉମେଶ କୁମାରଙ୍କୁ ବିବାହ କରିଥିଲେ। ତାଙ୍କର ବଡ ନଣନ୍ଦ ମମତା ୨୦ ବର୍ଷ ହେଲା ବିବାହିତ, କିନ୍ତୁ ତାଙ୍କର କୌ ଣସି ସନ୍ତାନ ନାହିଁ। ସପନା ଗର୍ଭବତୀ ହେବା ଶାଶୁ ଏବଂ ସ୍ବାମୀ ପିଲାଟିକୁ ତାଙ୍କ ନଣନ୍ଦକୁ ଦେବା ବିଷୟରେ କହିବା ଆରମ୍ଭ କଲେ। ଜାନୁୟାରୀରେ ଏକ ପୁତ୍ର ସନ୍ତାନ ଜନ୍ମ ଦେଇଥିଲେ। ଫେବୃୟାରୀ ୧୩ ରାତିରେ ସ୍ବାମୀ ଉମେଶ, ଶାଶୁ ପିଲାଟିକୁ ମାଗିବା ଆରମ୍ଭ କଲେ। ମନା କରିବାରୁ ତାଙ୍କୁ ମାଡ ଦିଆଯାଇଥିଲା। ଫେବୃୟାରୀ ୧୪ରେ, ସେ ତାଙ୍କ ପିତା ଏବଂ ଭାଇଙ୍କୁ ବାରଡାକୁ ଡାକି ପୋଲିସ ଷ୍ଟେଶନକୁ ଯାଇ ଏ ସମ୍ପର୍କରେ ଅଭିଯୋଗ କରିଥିଲେ। ଏହି ସମୟରେ, ୧୫ ଦିନର ଶିଶୁ ସହିତ ସ୍ବାମୀ ଏବଂ ଶାଶୁ ନିଖୋଜ ହୋଇଯାଇଥିଲେ।