ନାଗପୁର,୨୮।୭: ଆର୍ଥତ୍କ ବର୍ଷ ୨୦୧୯-୨୦ରେ ଦେଶର ବାଣିଜି୍ୟକ ବ୍ୟାଙ୍କ ଏବଂ ବିତ୍ତ ପ୍ରତିଷ୍ଠାନଗୁଡିକରେ ୮୪,୫୪୫ ଠକେଇ ମାମଲା ସାମ୍ନାକୁ ଆସିଛି। ଏହି ମାମଲା ଗୁଡିକରେ ମୋଟ ୧.୮୫ ଲକ୍ଷ କୋଟି ଟଙ୍କା ଠକେଇ ହୋଇଥିବା ରିଜର୍ଭ ବ୍ୟାଙ୍କ ଦେଇଥିବା ଆର୍ଟିଆଇରେ ତଥ୍ୟରୁ ଜଣାପଡ଼ିଛି। ସୂଚନା ଅଧିକାରୀ କର୍ମୀ ଅଭୟ କୋଲାରକର ଏହି ତଥ୍ୟ କେନ୍ଦ୍ରୀୟ ବ୍ୟାଙ୍କକୁ ମାଗିଥିଲେ। ବ୍ୟାଙ୍କଗୁଡିକରେ ଏହି ଠକେଇ ୨୦୧୯ ଏପ୍ରିଲ ପହିଲାଠାରୁ ୨୦୨୦ ମାର୍ଚ୍ଚ ୩୧ ମଧ୍ୟରେ ହୋଇଛି। ଏହି ମାମଲାଗୁଡିକରେ କେତେ ସଂଖ୍ୟକ ବ୍ୟାଙ୍କ କର୍ମଚାରୀ ଏବଂ କେତେ ଟଙ୍କା ଏଥିରେ ସମ୍ପୃକ୍ତ ରହିଛି ସେ ସମ୍ପୂର୍ଣ୍ଣ ତଥ୍ୟ ମିଳିପାରିନାହିଁ। ମାତ୍ର ଏହି ସମୟରେ ୨୬୬୮ ଜଣ ବ୍ୟାଙ୍କ କର୍ମଚାରୀ ଏବଂ ୧୭୮୩ କୋଟି ଟଙ୍କା ଠକେଇ ହୋଇଥିବା ବ୍ୟାଙ୍କଗୁଡିକ ପକ୍ଷରୁ ରିପୋର୍ଟ କରାଯାଇଛି।
ରିଜର୍ଭ ବ୍ୟାଙ୍କର ୧୫ ଲୋକପାଳ ଅଫିସ ଏହି ଅବଧିରେ ୨.୧୪ ଲକ୍ଷ ଅଭିଯୋଗ ଦାୟର ହୋଇଛି। ଷ୍ଟେଟ ବ୍ୟାଙ୍କ ବିରୋଧରେ ସର୍ବାଧିକ ୬୩,୨୫୯ ଅଭିଯୋଗ ଆସିଛି। ସେହିଭଳି ଏଚ୍ଡିଏଫ୍ସି ବ୍ୟାଙ୍କ ବିରୋଧରେ ୧୮,୭୬୪, ଆଇସିଆଇସିଆଇ ବ୍ୟାଙ୍କ ବିରୋଧରେ ୧୪,୫୮୨, ପଞ୍ଜାବ ନ୍ୟାଶନାଲ ବ୍ୟାଙ୍କ ବିରୋଧରେ ୧୨,୪୬୯ ଏବଂ ଆକ୍ସିସ ବ୍ୟାଙ୍କ ବିରୋଧରେ ୧୨,୨୧୪ ଅଭିଯୋଗ ହସ୍ତଗତ ହୋଇଛି। ୨୦୧୯ ଏପ୍ରିଲ ପହିଲାରୁ ଜୁନ୍ ୩୦ ମଧ୍ୟରେ ୫୬,୪୯୩ ଅଭିଯୋଗ ହସ୍ତଗତ ହୋଇଛି। ବ୍ୟାଙ୍କ ମିଶ୍ରଣ ପରେ ବନ୍ଦ ହୋଇଥିବା କିମ୍ବା ମିଶିଥିବା ଶାଖା ସମ୍ପର୍କରେ ମଧ୍ୟ ଉତ୍ତର ଲୋଡ଼ାଯାଇଛି। ଏହାଦ୍ୱାରା ମୋଟ ୩୮ ଶାଖା ବାଦ୍ ପଡିଛି। ଏସ୍ବିଆଇର ୧୩୦ ଶାଖା, ସେଣ୍ଟ୍ରାଲ ବ୍ୟାଙ୍କ ଅଫ୍ ଇଣ୍ଡିଆର ୬୨, ଆଲ୍ଲାହାବାଦ ବ୍ୟାଙ୍କର ୫୯ ଶାଖା ସାମିଲ ରହିଛି। ୨୦୧୯-୨୦ରେ ୧୯୪ ଶାଖା ବନ୍ଦ ହୋଇଛି। ଏହା ମଧ୍ୟରେ ଏସ୍ବିଆଇର ୭୮ ଶାଖା ସାମିଲ ରହିଥିବା ଜଣାପଡ଼ିଛି।