ବାଲିଅନ୍ତା, ୭ା୧୧(ଡି.ଏନ୍.ଏ.) ଗତ ୨୭ବର୍ଷ ପୂର୍ବେ ଘରୁ ଲୁଚିପଳାଇଥିବା ଜଣେ ବ୍ୟକ୍ତି ଶେଷରେ ମଙ୍ଗଳବାର ସନ୍ଧ୍ୟାରେ ନିଜ ଗ୍ରାମକୁ ଫେରିଛନ୍ତି। ସେ ହେଲେ ରାଜଧାନୀ ଉପକଣ୍ଠ ବାଲିଅନ୍ତା ବ୍ଲକ ଅନ୍ତର୍ଗତ ଭିଙ୍ଗାରପୁର ଶାସନ ଗ୍ରାମର ଶିବ ମହାନ୍ତି ଓ ସୀତା ମହାନ୍ତିଙ୍କ ଦ୍ୱିତୀୟ ପୁଅ ଆର୍ତ୍ତତ୍ରାଣ ମହାନ୍ତି(୫୬)। ସୁଦୂର ମଥୁରାରେ ଦୀର୍ଘ ବର୍ଷ ଧରି ରହିବା ପରେ ନିଜ ଜନ୍ମମାଟିକୁ ବାହୁଡ଼ିଛନ୍ତି ଆର୍ତ୍ତତଣ। ଏତେ ବର୍ଷ ପରେ ଆର୍ତ୍ତତ୍ରାଣ ଫେରିଥିବାରୁ ବହୁ ବନ୍ଧୁବାନ୍ଧବଙ୍କ ସମେତ ଗଁାଲୋକଙ୍କ ଭିଡ଼ ଜମିଥିବାବେଳେ ପରିବାର ଲୋକଙ୍କୁ ପାଖରେ ଦେଖି ସେ ଆତ୍ମବିଭୋର ହୋଇପଡିଥିଲେ। ଯୁବକ ସମୟରେ ଆର୍ତ୍ତତ୍ରାଣ ସୌଖିନ ଜୀବନ ବିତାଉଥିଲେ। ତେବେ ପରିବାରରେ ଆର୍ଥତ୍କସ୍ଥିତି ଦୁର୍ବଳ ହୋଇପଡିବାରୁ ତାଙ୍କ ମା ବାପା ସବୁବେଳେ ରୋଜଗାର କରିବାକୁ କହୁଥିଲେ। ଫଳରେ ମାଟ୍ରିକ ପାସ ପରେ ଆର୍ତ୍ତତ୍ରାଣ କିଛିଦିନ ଛୋଟ ପିଲାଙ୍କୁ ପାଠ ପଢ଼ାଉଥିଲେ। ତଥାପି ମା’ଙ୍କ ସବୁଦିନିଆ ଗାଳି ଓ ଆକଟ ଶୁଣିବାକୁ ପଡୁଥିଲା। ଶେଷରେ ସେ ରାଗିଯାଇ ୧୯୯୩ରେ କାହାକୁ କିଛି ନ କହି ଘରୁ ପଳାଇଥିଲେ। କିଛିଦିନ କେନ୍ଦ୍ରାପଡ଼ାରେ ରହିବା ପରେ ଶେଷରେ ମଥୁରା ସହରକୁ ପଳାଇଥିଲେ। ସେଠାକୁ ଯାଇ ଷ୍ଟେଶନରେ ସେଭଳି କିଛିଦିନ କଟାଇଥିଲେ। ପରେ ଜଣେ ସହୃଦୟ ବ୍ୟକ୍ତି ଏକ ଫଳଦୋକାନରେ ମଜୁରିଆ ଭାବେ ରଖିଥିଲେ। ଅପରପକ୍ଷେ ପରିବାର ଲୋକେ ତାଙ୍କୁ ବହୁ ଖୋଜାଖୋଜି କରିଥିଲେ ମଧ୍ୟ ତାଙ୍କର ପତ୍ତା ପାଇପାରି ନ ଥିଲେ। ଶେଷରେ ମାବାପା, ଭାଇମାନେ ସେ ବଞ୍ଚତ୍ଥିବା ଆଶାଛାଡ଼ି ଦେଇଥିଲେ। ନିଖୋଜ ପୁଅକୁ ଝୁରି ଝୁରି ଶେଷରେ ମାବାପା ଦେହତ୍ୟାଗ କରିଥିଲେ। ଗତ ୩ଦିନ ତଳେ ଆର୍ତ୍ତତ୍ରାଣ ମଥୁରାରୁ ଟ୍ରେନ ଯୋଗେ ଆସି ଭୁବନେଶ୍ୱର ଷ୍ଟେଶନରେ ଓହ୍ଲାଇଥିଲେ। ସେଠାରୁ ପ୍ରାୟ ଦୁଇ ଦିନ ପରେ ଭିଙ୍ଗାରପୁର ଆସୁଥିବା ଏକ ଗାଡ଼ିରେ ବସି ଘରକୁ ଫେରିଥିଲେ। ଗଁାରେ ପହଞ୍ଚତ୍ବାବେଳେ ତାଙ୍କର ଅଧିକ ଦାଢ଼ି, ମଇଳା ପ୍ୟାଣ୍ଟ ଶାର୍ଟ ପିନ୍ଧିଥିଲେ। ତାଙ୍କୁ ଏଭଳି ଅବସ୍ଥାରେ ଦେଖି ଗ୍ରାମବାସୀ ମାନସିକ ବିକାରଗ୍ରସ୍ତ ବ୍ୟକ୍ତି ଭାବିଥିଲେ। ଗ୍ରାମର କେତେଜଣ ଲୋକଙ୍କୁ ଚିହ୍ନିବା ସହ ଜଣେ ମହିଳାଙ୍କୁ ଜାଣିପାରି ତାଙ୍କ ନାମ ଆରତି ବୋଲି ଡାକିଥିଲେ। ମହିଳା ଜଣଙ୍କ ମଧ୍ୟ ତାଙ୍କୁ ଆର୍ତ୍ତତାଣ ବୋଲି ଜାଣି ତାଙ୍କ ପରିବାର ଲୋକଙ୍କୁ ଜଣାଇଥିଲେ। ଏହି କଥା ଗ୍ରାମରେ ପ୍ରଚାର ହେବା ପରେ ତାଙ୍କୁ ଦେଖିବା ପାଇଁ ଭିଡ ଜମିଥିଲା। ଏ ନେଇ ଆର୍ତ୍ତତ୍ରାଣଙ୍କୁ ଭେଟିବାରୁ କୁହନ୍ତି, ଗାଳି ଦେବାରୁ ଘରୁ ପଳାଇଯାଇଥିଲି। ପରେ ପରିବାର ଓ ଗାଁ କଥା ବାରମ୍ବାର ମନେ ପଡୁଥିଲା। ଏହି କଥା ମାଲିକଙ୍କୁ ଜଣାଇବାରୁ ସେ ୧୫୦୦ଟଙ୍କା ଦେଇ ଟ୍ରେନରେ ବସାଇ ଥିଲେ।