ଓଡ଼ଗାଁ,୧୩ା୧୨(ସ୍ବ.ପ୍ର.): ଓଡ଼ଗାଁ ଆଦର୍ଶ ଥାନା ଅନ୍ତର୍ଗତ ସାକେରୀ ପଞ୍ଚାୟତର ଗର୍ଜନୀ ଗ୍ରାମରେ ଗୁରୁବାର ସମ୍ପତ୍ତିକୁ ନେଇ ସାନପୁଅ ଆକ୍ରମଣରେ ବୃଦ୍ଧ ବାପା ଗୁରୁତର ହୋଇଛନ୍ତି। ଗୁରୁତର ଉଦୟନାଥ ପଟ୍ଟନାୟକ(୮୭)ଙ୍କୁ ପ୍ରଥମେ ନୟାଗଡ ଜିଲା ମୁଖ୍ୟ ଚିକିତ୍ସାଳୟ ଓ ପରେ ଭୁବନେଶ୍ୱର ସ୍ଥାନାନ୍ତର କରାଯାଇଛି। ପୋଲିସ ଅଭିଯୁକ୍ତ ପୁଅ ପ୍ରତାପ ପଟ୍ଟନାୟକ(୩୭)ଙ୍କୁ ଅଟକ ରଖିଛି। ସୂଚନା ଅନୁସାରେ ଉଦୟଙ୍କ ଦୁଇ ପୁଅ ପ୍ରଦୀପ ଓ ପ୍ରତାପଙ୍କ ମଧ୍ୟରେ ବାପା ନିଜର ସମ୍ପତ୍ତି ଭାଗ ବାଣ୍ଟି ଦେଇଥିବା ବେଳେ ସେ ବଞ୍ଚତ୍ଥିବା ପର୍ଯ୍ୟନ୍ତ ଉଭୟେ ତାଙ୍କୁ ୬ମାସ ଲେଖା ଭରଣପୋଷଣ କରିବାକୁ ନିଷ୍ପତ୍ତି ହୋଇଥିଲା। ଗାଁରେ ଥିବା ପ୍ରଦୀପ ବାପାଙ୍କ ଭରଣପୋଷଣ ଦାୟିତ୍ୱ ନେଇଥିବା ବେଳେ ଓଡ଼ଗାଁରେ ରହୁଥିବା ପ୍ରତାପ ପ୍ରାୟ ବର୍ଷେ ହେଲା ମା, ବାପାଙ୍କ କଥା ବୁଝୁ ନ ଥିବା ଜଣାଯାଇଛି ା ୪ ତାରିଖରେ ପ୍ରତାପ ଘରକୁ ଯାଇ ଗୋଷେଇଁ ବାପାଙ୍କ ନାମରେ ଥିବା ଦୁଇମାଣ ଜମି ବିକ୍ରିକରିବାକୁ ବାପାଙ୍କୁ ବାଧ୍ୟ କରିଥିଲେ ା ହେଲେ ଉଦୟ ଏଥିରେ ରାଜି ହୋଇ ନ ଥିଲେ। ଏପରିସ୍ଥଳେ ଗୁରୁବାର ସକାଳେ ପ୍ରତାପ ଗାଁକୁ ଯାଇ ଜମି ବିକ୍ରିକରିବା ସମ୍ବନ୍ଧରେ ଭାଉଜ ପ୍ରଶାନ୍ତିଙ୍କ ସହିତ ଆଲୋଚନା କରିଥିଲେ। ଏତିକିବେଳକୁ ଉଦୟ ପହଞ୍ଚତ୍ବାରୁ ସେ ସମାନ ପ୍ରସଙ୍ଗ ଦୋହରାଇ ଯୁକ୍ତତର୍କ କରିଥିଲେ। ଏଥିରେ ସେ ଉତ୍ତ୍ୟକ୍ତ ହୋଇ ଏକ ମାର୍ବଲ ଖଣ୍ଡରେ ଉଦୟଙ୍କ ମୁଣ୍ଡକୁ ପ୍ରହାର କରିଥିଲେ ା ଏଥିରେ ଉଦୟଙ୍କ ମୁଣ୍ଡ ଫାଟି ରକ୍ତ ବାହାରୁଥିବା ବେଳେ ପ୍ରତାପ ଏକ ଛୁରି ବାହାର କରି ତାଙ୍କ ତଣ୍ଟି କାଟି ଘଟଣାସ୍ଥଳରୁ ଖସିଯାଇଥିଲେ। ଏ ନେଇ ଉଦୟଙ୍କ ବଡବୋହୂ ପ୍ରଶାନ୍ତି ଥାନାରେ ଅଭିଯୋଗ କରିବା ପରେ ପୋଲିସ ୨୨୭/୧୯ରେ ଏକ ମାମଲା ରୁଜୁ କରିବା ସହିତ ଘଟଣାସ୍ଥଳରୁ ରକ୍ତ ଭିଜା ମାର୍ବଲ ଓ ଛୁରି ଜବତ କରିଛି। ଆଇଆଇସି ମମତା ପତି ପ୍ରତାପ ରହୁଥିବା ଭଡାଘରେ ଚଢାଉ କରି ତାଙ୍କୁ କାବୁ କରିନେଇଥିଲେ। ଶୁକ୍ରବାର ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯିବ ବୋଲି ପୋଲିସ ସୂଚନା ଦେଇଛି ା