ବଡବିଲ, ୧୯।୧୨(ସ୍ବ.ପ୍ର.): ରାଜ୍ୟ ମୁଖ୍ୟ ଶାସନ ସଚିବ ଅସିତ କୁମାର ତ୍ରିପାଠୀଙ୍କ ବଡବିଲ ଗସ୍ତରେ ଯାଇଛନ୍ତି। ସେଠାରେ ଉସୁ ଇଣ୍ଡୋର ଷ୍ଟାଡିୟମ ଉଦଘାଟନ କରିବା ସହ ବିଭିନ୍ନ ସ୍ଥାନ ବୁଲି ଦେଖିଛନ୍ତି। ଏହି ଅବସରରେ ମୁଖ୍ୟ ଶାସନ ସଚିବ ଅସିତ କୁମାର ତ୍ରିପାଠୀ କହିଥିଲେ ଯେ, କେନ୍ଦୁଝର ଜିଲାରେ ପ୍ରାକୃତିକ ସମ୍ପଦ ଭରପୂର ରହିଛି। ଏହି ସମ୍ପଦ ପାଇଁ ରାଜ୍ୟର ବିଭିନ୍ନ ସ୍ଥାନରେ ଶିଳ୍ପ ଗଢି ଉଠିଛି। ଏହି ସମ୍ପଦରୁ ରାଜ୍ୟ ସରକାର ଯେଉଁ ଲାଭ ପାଉଛନ୍ତି, ତାର ଲାଭ ସ୍ଥାନୀୟ ଅଞ୍ଚଳରେ ମଧ୍ୟ ହେବା ଦରକାର। ସେ ଆହୁରି ମଧ୍ୟ କହିଛନ୍ତି ଯେ, ପାନୀୟଜଳ ଯୋଗାଣ ଯୋଜନା, ରାସ୍ତା ନିର୍ମାଣ ପ୍ରକଳ୍ପ, ତା’ପରେ ଗୋଷ୍ଠୀ ଉନ୍ନୟନ, ୱେଷ୍ଟ ମ୍ୟାନେଜମେଣ୍ଟ ଓ ରି-ପ୍ରୋସେସିଂ, ତା’ସାଙ୍ଗକୁ କ୍ରୀଡା କାର୍ଯ୍ୟକ୍ରମ କରାଯାଉଛି ଯାହା ଅତି ଉପାଦେୟ କାର୍ଯ୍ୟକ୍ରମ ବୋଲି ସେ କହିଥିଲେ।