ଭୁବନେଶ୍ୱର, ୨\୧୧(କ୍ରୀଡ଼ା ପ୍ରତିନିଧି)-
ଭାରତୀୟ ମହିଳା ଓ ପୁରୁଷ ହକି ଦଳ ୨୦୨୦ ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିଛନ୍ତି ଆଗାମୀ ଅଲିମ୍ପିକ୍ସ ଟୋକିଓଠାରେ ୨୦୨୦ ଜୁଲାଇ ୨୪ରୁ ଅଗଷ୍ଟ ୯ ପଯର୍ୟନ୍ତ ଅନୁଷ୍ଠିତ ହେବ ଶୁକ୍ରବାର ଓ ଶନିବାର ଅନୁଷ୍ଠିତ ମ୍ୟାଚ୍ ଶେଷରେ ଭାରତୀୟ ମହିଳା ଦଳ ଆମେରିକା ବିପକ୍ଷରେ ୬-୫ ଗୋଲରେ ଆଗରେ ରହି ଅଲିମ୍ପିକ୍ସ ଟିକେଟ ପାଇଛି ଦଳ ଶୁକ୍ରବାର ୫-୧ ଗୋଲରେ ବିଜୟୀ ହୋଇଥିବାବେଳେ ଶନିବାର ମ୍ୟାଚ୍ରେ ୧-୪ ଗୋଲରେ ପରାସ୍ତ ହୋଇଥିଲେ ହେଁ କିଛି ଫରକ ପଡ଼ି ନ ଥିଲା ଅନ୍ୟପକ୍ଷରେ ଭାରତୀୟ ପୁରୁଷ ଦଳ ବିପକ୍ଷ ୨ ମ୍ୟାଚ୍ ଶେଷରେ ୧୧-୩ ଗୋଲ ବ୍ୟବଧାନରେ ରୁଷିଆକୁ ପଛରେ ପକାଇ ଅାଗାମୀ ଅଲିମ୍ପିକ୍ସ ଖେଳିବାକୁ ଯୋଗ୍ୟ ବିବେଚିତ ହୋଇଛି ଶୁକ୍ରବାର ପ୍ରଥମ ମ୍ୟାଚ୍ରେ ଭାରତ ୪-୨ ଗୋଲରେ ବିଜୟୀ ହୋଇଥିବାବେଳେ ଶନିବାର ଦ୍ୱିତୀୟ ମ୍ୟାଚ୍ରେ ରୂପିନ୍ଦର ପାଲ ସିଂ ଏବଂ ଆକାଶଦୀପ ସିଂଙ୍କ ଡବଲ ଗୋଲ ବଳରେ ରୁଷିଆକୁ ୭-୧ ଗୋଲରେ ପରାସ୍ତ କରିଛି
ଶୁକ୍ରବାର ହାରିଯାଇଥିବାରୁ ରୁଷିଆ ଶନିବାର ଆରମ୍ଭରୁ ଆକ୍ରମଣାତ୍ମକ ରଣନୀତି ଅବଲମ୍ବନ କରିଥିଲା ଏଥିରେ ଦଳ କିଛି ପରିମାଣରେ ମଧ୍ୟ ସଫଳ ହୋଇଥିଲା ମ୍ୟାଚ୍ ଆରମ୍ଭର ମାତ୍ର ୨୨ ସେକେଣ୍ଡରେ ଆଲେକ୍ସି ସୋବୋଲେଭସ୍କିି ଏକ ଫିଲ୍ଡଗୋଲ ଦେଇ ରୁଷିଆକୁ ଅଗ୍ରଣୀ କରାଇଥିଲେ ଏଥିରେ ଦଳର ମନୋବଳ ମଧ୍ୟ ବଢ଼ିଥିଲା ପ୍ରଥମ କ୍ବାର୍ଟରରେ ଭାରତ ଗୋଲ ପରିଶୋଧ କରିବାକୁ ଚେଷ୍ଟା କରିଥିଲେ ହେଁ ରୁଷିଆ ଡିଫେଣ୍ଡରମାନେ ତାହା ହେବାକୁ ଦେଇ ନ ଥିଲେ ତେବେ ୨୨ତମ ର୍ୟାଙ୍କ୍ପ୍ରାପ୍ତ ଦଳ ରୁଷିଆ ବିପକ୍ଷରେ ଦ୍ୱିତୀୟ କ୍ବାର୍ଟରରେ ଭାରି ପଡ଼ିଥିଲା ୫ମ ର୍ୟାଙ୍କ୍ଧାରୀ ଭାରତ ୧୭ତମ ମିନିଟରେ ଲଳିତ ଉପାଧ୍ୟାୟ ଫିଲ୍ଡ ଗୋଲ ମାଧ୍ୟମରେ ମ୍ୟାଚ୍କୁ ୧-୧ ସ୍ତରକୁ ନେଇଆସିଥିଲେ ଏହାର ୬ ମିନିଟ ପରେ ଆକାଶଦୀପ ସିଂ ପେନାଲ୍ଟି କର୍ନରକୁ ଗୋଲରେ ପରିଣତ କରି ଭାରତକୁ ଅଗ୍ରଣୀ କରାଇଥିବାବେଳେ ୨୯ତମ ମିନିଟରେ ସେ ବ୍ୟକ୍ତିଗତ ଦ୍ୱିତୀୟ ଏବଂ ଦଳ ପାଇଁ ୩ୟ ଗୋଲ ସ୍କୋର କରିଥିଲେ ପ୍ରଥମାର୍ଦ୍ଧ ଶେଷସୁଦ୍ଧା ଭାରତ ୩-୧ ଗୋଲରେ ଅଗ୍ରଣୀ ରହିଥିଲା
ଦ୍ୱିତୀୟାର୍ଦ୍ଧରେ ମଧ୍ୟ ଭାରତର ପ୍ରଭାବୀ ପ୍ରଦର୍ଶନ ଅବ୍ୟାହତ ରହିଥିଲା ତୃତୀୟ କ୍ବାର୍ଟରରେ କୌଣସି ଦଳ ଗୋଲ ଦେଇପାରି ନ ଥିଲେ ହେଁ ୪ର୍ଥ କ୍ବାର୍ଟରରେ ଭାରତ ୪ଟି ଗୋଲ ଦେଇଥିଲା ୪୭ତମ ମିନିଟରେ ନୀଳକାନ୍ତ ଶର୍ମା ଏକ ଫିଲ୍ଡ ଗୋଲ ଦେଇ ଭାରତର ଅଗ୍ରଣୀ ବ୍ୟବଧାନକୁ ୪-୧ରେ ପହଞ୍ଚାଇ ଦେଇଥିଲେ ଏହା ଦ୍ୱାରା ରୁଷିଆ ଚାପକୁ ଆସିଯାଇଥିବାରୁ ଏହାର ପୂରା ଫାଇଦା ଉଠାଇଥିଲା ଭାରତ ଖେଳର ଶେଷଭାଗର ହିରୋ ଥିଲେ ଡ୍ରାଗ୍ଫ୍ଲିକର ରୂପିନ୍ଦରପାଲ ସିଂ ସେ ମ୍ୟାଚ୍ର ୪୮ ଓ ୫୯ତମ ମିନିଟରେ ୨ଟି ଗୋଲ ଦେଇଥିଲେ ଶେଷରେ ୬୦ତମ ମିନିଟରେ ଭାରତୀୟ ଦଳର ଓଡ଼ିଆ ଡିଫେଣ୍ଡର ଅମିତ ରୋହିଦାସ ଏକ ଗୋଲ ଦେଇ ମ୍ୟାଚ୍ର ପରିସମାପ୍ତି ଘଟାଇଥିଲେ