ଭୋପାଳ, ୧୬।୬: ମଧ୍ୟପ୍ରଦେଶରେ ଘଟିଛି ଏକ ନିଆରା ଘଟଣା। ଏଠାରେ ଝିଅ ବିବାହର ଗୋଟିଏ ଦିନ ପୂର୍ବରୁ ୨୫ ବର୍ଷ ଧରି ଲିଭ୍ଇନ୍ରେ ରହୁଥିବା ମାତାପିତା ବିବାହ କରିଛନ୍ତି। ଏହାକୁ ନେଇ ଏବେ ବିଭିନ୍ନ ସୋସିଆଲ୍ ମିଡ଼ିଆରେ ଚର୍ଚ୍ଚା ଜାରି ରହିଛି। ସ୍ଥାନୀୟ ମୁଙ୍ଗାବଳୀର ଅଶୋକ ନଗରର ରୁହାନା ଗାଁରେ ବାସ କରୁଥିବା ୫୫ ବର୍ଷ ବୟସ୍କ ପରମାଲ ସିଂ ଲୋଧି ୫୦ ବର୍ଷ ବୟସ୍କା ସୁନୀତା ବାଈ ଲୋଧିଙ୍କୁ ବିବାହ କରିଛନ୍ତି। ଅର୍ଥ ଅଭାବରୁ ଦୁହେଁ ବିବାହ କରି ନ ପାରି ଦୀର୍ଘ ୨୫ ବର୍ଷ ଲିଭ୍ଇନ୍ରେ ରହୁଥିଲେ। ଉଭୟଙ୍କର ୨ ଝିଅ ଏବଂ ୨ ପୁଅ ଅଛନ୍ତି। ବଡ ଝିଅ କଲ୍ଲୋର ବିବାହର ଗୋଟିଏ ଦିନ ପୂର୍ବରୁ ମାତାପିତାଙ୍କ ବିବାହ ସମ୍ପନ୍ନ ହୋଇଛି। ଏଠାରେ ଅନେକ ଜନଜାତି ସମ୍ପ୍ରଦାୟ ଆବଶ୍ୟକ ଟଙ୍କା ଅଭାବରୁ ବିବାହ ନ କରି ଦୀର୍ଘ ବର୍ଷ ଧରି ଲିଭ୍ଇନ୍ରେ ରହିଥାନ୍ତି। କେତେକ ପରିଣତ ବୟସରେ ଝିଅ ପୁଅ ଏବଂ ନାତୁଣୀ ନାତିଙ୍କ ମେଳରେ ମଧ୍ୟ ବିବାହ କରୁଥିବା ଘଟଣା ଦେଖିବାକୁ ମିଳିଥାଏ।