ଆମ୍ବ ଦେଖିବାକୁ ଯେତିକି ସୁନ୍ଦର ଖାଇବାକୁ ତା’ଠୁ ଅଧିକ ସ୍ବାଦିଷ୍ଟ। ବର୍ଷାଦିନରେ ଆମ୍ବର ମଜା ନେବାକୁ ପ୍ରାୟ ସମସ୍ତଙ୍କୁ ବେଶି ପସନ୍ଦ ହୋଇଥାଏ। ଏହା ପୋଷକ ତତ୍ତ୍ୱ ସହ ଭିଟାମିନ ଇ, କପର, ପୋଟାସିୟମ, ଆଇରନ ଆଦିରେ ଭରପୂର ହୋଇଥାଏ। ଏହା ଶରୀର ପାଇଁ ସୁସ୍ଥକର ହେଲେ ମଧ୍ୟ ଏହାକୁ ଅଧିକ ଖାଇବା ଫଳରେ ଅନେକ ସ୍ବାସ୍ଥ୍ୟ ସମସ୍ୟା ଉପୁଜିଥାଏ। ତେବେ ଜାଣନ୍ତୁ ସେ ସମ୍ପର୍କରେ …
– ଆମ୍ବର ଉପରେ ଏକ ତରଳ ପଦାର୍ଥ ରହିଥାଏ। ଯାହାକୁ ଭଲ ଭବେ ସଫା ନ କରି ଖାଇବା ଦ୍ୱାରା ତାହା ଏତେ ସ୍ବାଦିଷ୍ଟ ଲାଗି ନ ଥାଏ। ଏହା ସହ ଅନେକ ଚର୍ମ ଜନିତ ସମସ୍ୟା ଉପୁଜାଇଥାଏ। ଏହାକୁ ଖାଇବା ଫଳରେ ଦେହ କୁଣ୍ଡାଇ ହୋଇ ଫଳିଯାଏ। ଏପରିକି ପଦାର୍ଥ ମୁହଁରେ ଲାଗିବାରୁ ମୁହଁରେ ଘା’ ମଧ୍ୟ ହେବାର ସମ୍ଭାବନା ଥାଏ।
-ଆମ୍ବରେ ପୋଷକ ତତ୍ତ୍ୱ ମିଳୁଥିଲେ ମଧ୍ୟ ଏହାକୁ ଅଧିକ ଖାଇବା ଫଳରେ ହଜମକ୍ରିୟାରେ ବାଧା ସୃଷ୍ଟି ହୋଇଥାଏ। ଯଦି ଆପଣଙ୍କଠାରେ ପୂର୍ବରୁ ଖାଦ୍ୟ ହଜମ ଜନିତ ସମସ୍ୟା ଥାଏ ତେବେ ଆପଣ ଏହାଠାରୁ ଯଥା ସମ୍ଭବ ଦୂରେଇ ରହିବାଉଚିତ।
-ଖାଇବା ଶେଷରେ ପ୍ରାୟ ସମସ୍ତେ ଆମ୍ବକୁ ଖାଇବାକୁ ପସନ୍ଦ କରିଥାନ୍ତି। ତେବେ ଏହା ଏକ ଗରମ ଫଳ ହୋଇଥିବାରୁ ଏହାକୁ ଅଧିକ ଖାଇବା ଫଳରେ ମୁହଁରେ ଏହାର ପ୍ରଭାବ ପଡ଼ିଥାଏ।
-ମଧୁମେହ ଓ ନଳୀରେ ଘା’ ହୋଇଥିବା ବ୍ୟକ୍ତି ଏହାଠାରୁ ଦୂରେଇ ରହିବା ଭଲ।