୪ ବର୍ଷରେ ବନ୍ଦ ହୋଇଥିଲା ଆର୍‌ଏଓ୍ବାଇ : ୭ ସହରରୁ ୩ ସହରରେ ପ୍ରକଳ୍ପ ଶୂନ

ଭୁବନେଶ୍ୱର, ୨୬।୭(ବ୍ୟୁରୋ) : ରାଜୀବ ଆବାସ ଯୋଜନା(ଆର୍‌ଏଓ୍ବାଇ) ୨୦୧୧ରୁ ଆରମ୍ଭ ହୋଇ ୨୦୧୫ ଜୁନ୍‌ ମାସରେ ବନ୍ଦ ହୋଇଯାଇଥିଲା। ଓଡିଶାର ୭ଟି ସହରକୁ ଏହି ଯୋଜନାରେ ସାମିଲ କରାଯାଇଥିଲା। ଏହି ସମୟ ମଧ୍ୟରେ ରାଜ୍ୟର ସାମିଲ ହୋଇଥିବା ୭ ସହର ମଧ୍ୟରୁ ସମ୍ବଲପୁର, ରାଉରକେଲା ଓ ପୁରୀରେ ଏହି ଯୋଜନାରେ କୌଣସି ପ୍ରକଳ୍ପ କାର୍ଯ୍ୟ ଆରମ୍ଭ ହୋଇପାରିଲାନାହିଁ। କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି ବିଧାନସଭାରେ ଗତ ୨୩ତାରିଖରେ ପଚାରିଥିବା ଏକ ପ୍ରଶ୍ନର ଲିଖିତ ଉତ୍ତର ରଖି ମନ୍ତ୍ରୀ ପ୍ରତାପ ଜେନା ଏହି ସୂଚନା ଦେଇଛନ୍ତି।
ମନ୍ତ୍ରୀ ଦର୍ଶାଇଛନ୍ତି ଯେ, କେନ୍ଦ୍ର ସରକାରଙ୍କ ନିର୍ଦ୍ଦେଶାବଳୀ ଅନୁଯାୟୀ ରାଜ୍ୟର ୭ଟି ସହର ଯଥା ଭୁବନେଶ୍ୱର, କଟକ, ବ୍ରହ୍ମପୁର, ସମ୍ବଲପୁର, ରାଉରକେଲା, ଯାଜପୁର ଏବଂ ପୁରୀରେ ଏହି ଯୋଜନା କାର୍ଯ୍ୟକାରୀ ହୋଇଥିଲା। ଏହା ମଧ୍ୟରୁ ଭୁବନେଶ୍ୱର, କଟକ, ବ୍ରହ୍ମପୁର ଓ ଯାଜପୁରରେ ଯୋଜନା ଅନ୍ତର୍ଗତ ପ୍ରକଳ୍ପ କାର୍ଯ୍ୟ ଆରମ୍ଭ ହୋଇପାରିଥିଲା। ଅନ୍ୟ ୩ଟି ସହରରେ କାର୍ଯ୍ୟ ଆରମ୍ଭ ହେବା ପୂର୍ବରୁ ଯୋଜନାଟି ପୂର୍ବ ନିର୍ଦ୍ଧାରିତ ସମୟ ଆଗରୁ ବନ୍ଦ କରିଦିଆଯାଇଥିଲା। ରାଜଧାନୀ ସମେତ ରାଜ୍ୟର ଅନ୍ୟ ପୌରାଞ୍ଚଳରେ ରାଜୀବ ଆବାସ ଯୋଜନାରେ ଘର ପାଇବା ପାଇଁ କେତେଗୁଡିଏ ମାନଦଣ୍ଡ ରହିଥିଲା। ଏଥି ମଧ୍ୟରେ ହିତାଧିକାରୀଙ୍କ ସହରାଞ୍ଚଳରେ ପକ୍କା ଘର ନ ଥିବ ଏବଂ ସେ ବସ୍ତିବାସିନ୍ଦା ହୋଇଥିବେ। ଗୃହ ସମ୍ପ୍ରସାରଣ ନିମନ୍ତେ ହିତାଧିକାରୀ ବସ୍ତି ଅଞ୍ଚଳର ଏଭଳି ଗରିବ ଲୋକ ହୋଇଥିବା ଆବଶ୍ୟକ ଯାହାଙ୍କର ୨୧ ସ୍କୋୟାର ମିଟରରୁ କମ୍‌ ଅଞ୍ଚଳରେ ପକ୍କାଘର ଥିବ, ସହରର ବସ୍ତି ଅଞ୍ଚଳରେ ଭଡା ଘରେ ରହୁଥିବା ବ୍ୟକ୍ତି, ଶ୍ରମଜୀବୀ, ସହରକୁ ସାମୟିକ ଭାବେ କର୍ମ ସଂସ୍ଥାନ ପାଇଁ ଆସୁଥିବା ବ୍ୟକ୍ତିବିଶେଷ ଏବଂ ଗୃହହୀନ ବ୍ୟକ୍ତି ଯୋଗ୍ୟ ହିତାଧିକାରୀଭାବେ ବିବେଚିତ ହେଉଥିବେ ବୋଲି ମନ୍ତ୍ରୀ ଦର୍ଶାଇଛନ୍ତି। ହେଲେ କେନ୍ଦ୍ର ସରକାର କରିଥିବା ଏହି ଯୋଜନା ବହୁତ ଶୀଘ୍ର ଅଚଳ ଅବସ୍ଥାକୁ ଚାଲିଯାଇଥିଲା। ୨୦୧୧ରୁ ଡିମାଣ୍ଡ ସର୍ଭେ କରାଯାଇ ଲୋକଙ୍କୁ ଘର ମିଳିବା ବେଳକୁ ଏହା ବନ୍ଦ ହେବା ସ୍ଥିତିକୁ ଚାଲିଯାଇଥିଲା। ୨୦୨୨ ପର୍ଯ୍ୟନ୍ତ ଏହି ଯୋଜନା କାର୍ଯ୍ୟକାରୀ କରିବାକୁ ଉପା ସରକାର ଲକ୍ଷ୍ୟ ରଖିଥିଲେ। ମାତ୍ର ୨୦୧୪ରେ ଭାଜପା କେନ୍ଦ୍ରରେ ସରକାରକୁ ଆସିବା ପରେ ଏହି ଯୋଜନା ପାଇଁ ନୂଆ ପ୍ଲାନକୁ ଅନୁମତି ଦେଲାନାହିଁ। ଅନ୍ୟପଟେ ୨୦୧୧ରୁ ୨୦୧୫ ପର୍ଯ୍ୟନ୍ତ ଏହି ଯୋଜନା ଚାଲିଥିବା ବେଳେ ଏହି ସମୟ ମଧ୍ୟରେ ୪ ସହରରେ ଏହି ଯୋଜନାରେ ମାତ୍ର ୧୧ହଜାର ପ୍ରକଳ୍ପ କାର୍ଯ୍ୟକାରୀ ହୋଇଥିବା ସରକାରୀ ସ୍ତରରୁ ଜଣାପଡିଛି।
ଏହାପରେ କେନ୍ଦ୍ରର ଭାଜପା ସରକାର ୨୦୧୫ରେ ଏହି ଯୋଜନାକୁ ସମ୍ପୂର୍ଣ୍ଣ ବନ୍ଦ କରିଦେଇ ପ୍ରଧାନମନ୍ତ୍ରୀ ଆବାସ ଯୋଜନା(ସହରୀ) ଆଣିଥିଲେ। ଏହି ଯୋଜନାରେ ଦେଶର ସମସ୍ତ ସହରରେ ଥିବା ବସ୍ତି ଏବଂ ଅଣବସ୍ତି ଅଞ୍ଚଳର ଗରିବ ଲୋକଙ୍କୁ ଘର ଦେବାକୁ ବ୍ୟବସ୍ଥା କରାଯାଇଛି। ଓଡିଶାର ବର୍ତ୍ତମାନ ୧୧୪ଟି ସହରକୁ ସାମିଲ କରାଯାଇଛି। ୨୦୧୫ରୁ ଆରମ୍ଭ ହୋଇଥିବା ଏହି ଯୋଜନାରେ ବର୍ତ୍ତମାନ ସୁଦ୍ଧା ରାଜ୍ୟର ୧ଲକ୍ଷ ୨୭ ହଜାର ଲୋକଙ୍କୁ ଘର ମିଳିଥିବା ଜଣେ ସରକାରୀ ଅଧିକାରୀଙ୍କଠାରୁ ଜଣାପଡିଛି।
ସୂଚନାଯୋଗ୍ୟ,କେନ୍ଦ୍ରରେ ଉପା ସରକାର ଥିବାବେଳେ ରାଜୀବ ଆବାସ ଯୋଜନା ଆଣିଥିଲେ। ଉପା ସରକାର ଦେଶର କେତେଗୁଡିଏ ସହରର ବସ୍ତି ଅଞ୍ଚଳକୁ ମୁକ୍ତ କରିବାକୁ ଚାହିଁଥିଲେ। ଏହି ଯୋଜନା ମାଧ୍ୟମରେ ମୁଖ୍ୟତଃ ନିର୍ଦ୍ଦିଷ୍ଟ କେତେଗୁଡିଏ ସହରର ବସ୍ତି ଅଞ୍ଚଳରେ ବସବାସ କରୁଥିବା ଗରିବ ଲୋକଙ୍କ ପାଇଁ କେନ୍ଦ୍ର ସରକାର ଚିନ୍ତା କରିଥିଲେ। ଏହି ଯୋଜନାରେ କେନ୍ଦ୍ର ୫୦ପ୍ରତିଶତ ଅର୍ଥ ଦେଉଥିବା ବେଳେ ରାଜ୍ୟ ସରକାର ୩୦ ପ୍ରତିଶତ ଭାଗ ଦେଉଥିଲେ। ଏହାଛଡା ୨୦ ପ୍ରତିଶତ ଅର୍ଥ ପୌରପାଳିକା ଦେଉଥିବା ଜଣେ ଅଧିକାରୀ ସୂଚନା ଦେଇଛନ୍ତି। ଅନ୍ୟପଟେ ଏହି ଯୋଜନାରେ ଭିନ୍ନଭିନ୍ନ ସହର ପାଇଁ ଅଲଗା ଅଲଗା ଅର୍ଥ ବ୍ୟବସ୍ଥା ରଖାଯାଇଥିଲା।


Enter your email to get our daily news in your inbox.

All Right Reserved By Dharitri.Com

ଧରିତ୍ରୀ ଛୁଟିଦିନରେ ପ୍ରକାଶିତ ଫଟୋ ଓ ଖବରକୁ ନେଇ ପରିବେଶ ସୁରକ୍ଷା ପ୍ରଶ୍ନୋତ୍ତର କାର୍ଯ୍ୟକ୍ରମ

ଖୋର୍ଦ୍ଧା ଅଫିସ,୧୫ା୭: ଖୋର୍ଦ୍ଧା ଜିଲା ଚିଲିକା ବ୍ଲକ ସୋରଣ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ରବିବାର ଆୟୋଜିତ ହୋଇଥିଲା ପରିବେଶ ସୁରକ୍ଷା ପ୍ରଶ୍ନୋତ୍ତର କାର୍ଯ୍ୟକ୍ରମ। ଏଥିରେ...

ଆଧୁନିକ ପ୍ରଣାଳୀରେ କଲରା ଚାଷ: ଯୁବ ଗୋଷ୍ଠୀଙ୍କ ପାଇଁ ପ୍ରେରଣା ସାଜିଛନ୍ତି ରଶ୍ମି

ପୁରୁଣାକଟକ,୩୧ା୧୨(ଡି.ଏନ୍‌.ଏ.): ବୌଦ୍ଧ ଜିଲା ହରଭଙ୍ଗା ବ୍ଲକ ରାମଗଡ଼ ପଞ୍ଚାୟତ କୋଇଲିସୁତା ଗ୍ରାମର ଯୁବ ଚାଷୀ ରଶ୍ମି ରଞ୍ଜନ ବାଘ(୩୫)। ବର୍ତ୍ତମାନ ସେ ଚାକିରି ଛାଡି ଚାଷ...

ବିଜେଡି ସଦସ୍ୟତା ଅଭିଯାନ କାର୍ଯ୍ୟକ୍ରମ:୧ରେ ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ବୈଠକ

ଭୁବନେଶ୍ୱର,୨୮-୮(ବ୍ୟୁରୋ) :ବିଜେଡି ପକ୍ଷରୁ ଆସନ୍ତା ୨ ତାରିଖରେ ସଦସ୍ୟତା ଅଭିଯାନ ଆରମ୍ଭ ହେବ। ଏଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏକ ରାଜ୍ୟସ୍ତରୀୟ କମିଟି ଗଠନ କରିଛନ୍ତି।...

ବଦଳିଲେ ୬୦ ପୋଲିସ ଏସ୍‌ଆଇ-ଏଏସ୍‌ଆଇ

ଭୁବନେଶ୍ୱର,୨୧।୯(ବ୍ୟୁରୋ): ଭୁବନେଶ୍ୱରର ବିଭିନ୍ନ ଥାନାର ୬୦ଜଣ ଏସ୍‌ଆଇ ଏବଂ ଏଏସ୍‌ଆଇମାନଙ୍କ ମଧ୍ୟରେ ଅଦଳବଦଳ କରାଯାଇଛି। କ୍ୟାପିଟାଲ ଥାନାରୁ ଏସ୍‌ଆଇ ସନ୍ତୋଷିନୀ ବେହେରା ସହିଦନଗର ଯାଇଥିବା ବେଳେ...

ବଲାଙ୍ଗୀର ଜିଲାପାଲକୁଁ ମୁଖ୍ୟମନ୍ତ୍ରୀକଁର ଟ୍ୱିଟ୍‍: ସମସିଆର ସମାଧାନ ଲାଗି ଦେଲେ ନିରଦେଶ

ଲାଠୋର, ୨୪।୭ (ଡି.ଏନ୍‌.ଏ): ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଅଧୀନ ଲାଠୋର ପଁଚେତ୍‌ ସଦର କଲୋନୀପଡ଼ା ଆର ପିପଲବାହାଲ ଗାଁର ଦୁଇଟା ଖବର ଗଲା ୧୯...

ନାଗଫାଶ’ରୁ ‘ଅଜାତି’ ଯାଏ ଅପରାଜେୟ ବିଜୟ

ବିଜୟ ମହାନ୍ତି। ଓଡ଼ିଆ ଚଳଚ୍ଚିତ୍ର ଜଗତର ଏକ ସ୍ପର୍ଦ୍ଧିତ ଉଚ୍ଚାରଣ। ପିଲାଠୁ ବୟସ୍କଙ୍କ ଯାଏ ତାଙ୍କୁ ଟେଲିଭିଜନ୍‌ରୁ ବଡ଼ ପରଦା ଯେଉଁଥିରେ ଦେଖିଲେ ଚିହିଁକି ଉଠିଥାଆନ୍ତି...

୪ ଅଫିସରଙ୍କୁ ଲୋକାୟୁକ୍ତ ନୋଟିସ

ଭୁବନେଶ୍ୱର, ୨ା୩(ବ୍ୟୁରୋ):ଯାଜପୁର ଜିଲା ଧର୍ମଶାଳା ତହସିଲ ଅନ୍ତର୍ଗତ ବିଛାଖଣ୍ଡି ପାହାଡ଼ର ସଂରକ୍ଷିତ ଜଙ୍ଗଲରୁ ବେଆଇନ ଭାବେ ଗ୍ରାନାଇଟ ପଥର ଖନନ ଓ ଚୋରାଚାଲାଣ କରିବା ମାମଲାରେ...

ବାରଙ୍ଗ କାଚ କାରଖାନା ପ୍ରତିଷ୍ଠାତାଙ୍କ ପରଲୋକ

ନରାଜ, ୨୧।୧୧(ଡି.ଏନ୍‌.ଏ.): ବାରଙ୍ଗ କାଚ କାରଖାନାର ପ୍ରତିଷ୍ଠାତା ଯୁଗଳ କିଶୋର ଝୁନଝୁନୱାଲାଙ୍କ ୮୯ ବର୍ଷରେ ପରଲୋକ ଘଟିଛି। ଭୁବନେଶ୍ୱରସ୍ଥିତ ଏକ ଘରୋଇ ହସ୍ପିଟାଲରେ ଅପରାହ୍ନରେ ତାଙ୍କ...

Advertisement
Archives

Model This Week