୩ ରାଷ୍ଟ୍ରାୟତ୍ତ କମ୍ପାନୀର ଅଂଶଧନ ବିକ୍ରି ପ୍ରକ୍ରିୟା ଆରମ୍ଭ
6:54 amOctober 12, 2019 / 21

ନୂଆଦିଲ୍ଲୀ,୧୨-୧୦: ୩ ରାଷ୍ଟ୍ରାୟତ୍ତ କମ୍ପାନୀର ଅଂଶଧନ ବିକ୍ରି ଲାଗି ସରକାର ପ୍ରକ୍ରିୟା ଆରମ୍ଭ କରିଛନ୍ତି। ଏହି କମ୍ପାନୀଗୁଡିକ ମଧ୍ୟରେ କଣ୍ଟେନର କର୍ପୋରେଶନ ଅଫ୍‌ ଇଣ୍ଡିଆ(କନ୍‌କର), ନେପ୍‌କୋ ଏବଂ ଟିଏଚ୍‌ଡିସି ଭଳି କମ୍ପାନୀ ରହିଛନ୍ତି। ଏହି କମ୍ପାନୀଗୁଡିକରେ ଥିବା ସରକାରଙ୍କ କଣ୍ଟ୍ରୋଲିଂ ଅଂଶଧନ ବିକ୍ରି ଲାଗି ଆଡଭାଇଜରଙ୍କଠାରୁ ବିଡ୍‌ ଆହ୍ବାନ କରାଯାଇଛି। ଚଳିତ ମାସ କେନ୍ଦ୍ର କ୍ୟାବିନେଟ କନ୍‌କର କମ୍ପାନୀରେ ୩୦% ଅଂଶଧନ ବିକ୍ରି ପ୍ରସ୍ତାବକୁ ମଞ୍ଜୁରୀ ଦେଇଛି। ଏହି କମ୍ପାନୀରେ ସରକାରଙ୍କ ୫୪.୮୦% ଅଂଶଧନ ରହିଛି। ପ୍ରସ୍ତାବିତ ଅଂଶଧନ ବିକ୍ରି ହେଲେ ଉକ୍ତ କମ୍ପାନୀ ସରକାରଙ୍କ ନିୟନ୍ତ୍ରଣରେ ଆଉ ରହିବ ନାହିଁ। ସେହିଭଳି ଶକ୍ତି କମ୍ପାନୀ ଟିଏଚ୍‌ଡିସି ଇଣ୍ଡିଆ ଏବଂ ନର୍ଥ ଇଷ୍ଟର୍ନ ଇଲେକଟ୍ରିକ ପାଓ୍ବାର କର୍ପୋରେଶନ(ନେପକୋ)ର ଅଂଶଧନ ଏନ୍‌ଟିପିସିକୁ ବିକ୍ରି ସଂକ୍ରାନ୍ତ ପ୍ରସ୍ତାବକୁ କ୍ୟାବିନେଟ ମଞ୍ଜୁରୀ ମିଳିଛି।