୨୦୩୧-୩୨ସୁଦ୍ଧା ୩୮୪ଜିଡ଼ବ୍ଲ୍ୟୁ ଶକ୍ତି ଚାହିଦା ଆକଳନ

ଭୁବନେଶ୍ୱର ,୬।୭ (ଅଭୟ ଦାଶ): ଇଣ୍ଡିଆନ ଚାମ୍ବର ଅଫ୍‌ କମର୍ସ (ଆଇସିସି)ର ଓଡ଼ିଶା ଶଖା ପକ୍ଷରୁ ଭୁବନେଶ୍ୱର ଠାରେ ପୂର୍ବାଞ୍ଚଳରେ ବିକଳ୍ପ ଶକ୍ତି ଉସତ୍ର ସୁଚିନ୍ତିତ ତଥା ଅନୁସନ୍ଧାନ ପାଇଁ ଏକ ପ୍ଲାଟ୍‌ଫର୍ମ ସୃଷ୍ଟି କରିବା ପାଇଁ ‘ତୃତୀୟ ପୂର୍ବାଞ୍ଚଳ ଶକ୍ତି ସମ୍ମିଳନୀ’ ଅନୁଷ୍ଠିତ ହୋଇଯାଇଛି। ଆଇସିସି ଓଡ଼ିଶା ରାଜ୍ୟ ପରିଷଦର ଅଧ୍ୟକ୍ଷ ଜେ. ବି. ପାଣି ସ୍ବାଗତ ଅଭିଭାଷଣ ଦେଇ କହିଥିଲେ, ଶିଳ୍ପ ଅଭିବୃଦ୍ଧି, ଅର୍ଥନୈତିକ ବିକାଶ ଏବଂ ଆମ ଦେଶର ସାମଗ୍ରିକ ସମୃଦ୍ଧତା ପାଇଁ ଶକ୍ତି ସୁରକ୍ଷା ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛି। ଚଳିତ ବର୍ଷ ୨୫୦ଜିଡବ୍ଲ୍ୟୁର ସର୍ବୋଚ୍ଚ ଚାହିଦା ୨୦୩୧-୩୨ସୁଦ୍ଧା ୩୮୪ଜିଡବ୍ଲ୍ୟୁରେ ପହଞ୍ଚତ୍ବ ବୋଲି ଆକଳନ କରାଯାଇଛି। ଏହା ଆନୁମାନିକ ଚାହିଦାକୁ ସମର୍ଥନ କରିବା ପାଇଁ ୨୦୩୧-୩୨ ସୁଦ୍ଧା ଭାରତ ୯୦୦ଜିଡବ୍ଲ୍ୟୁର ସ୍ଥାପିତ କ୍ଷମତା ଆବଶ୍ୟକ କରିବ, ଯାହା ୨୦୩୦ ସୁଦ୍ଧା ୫୦୦ଜିଡବ୍ଲ୍ୟୁ ସ୍ଥାପିତ ନବୀକରଣ ଯୋଗ୍ୟ ଶକ୍ତି କ୍ଷମତା ହାସଲ କରିବାର ମୂଳ ଲକ୍ଷ୍ୟ ଆବଶ୍ୟକ କରିବ। ପୂର୍ବ ଭାରତର ଶିଳ୍ପଗୁଡ଼ିକ ସେମାନଙ୍କର ବିବିଧ ଏବଂ ଗତିଶୀଳ ପ୍ରକୃତି ସହିତ ଏହି ପରିବର୍ତ୍ତନର ଅଗ୍ରଭାଗରେ ରହିଛି। ତେବେ ଭାରତରେ ଶିଳ୍ପ ଅଭିବୃଦ୍ଧିର ମାତ୍ରା ଏବଂ ପରିସର ଆଗାମୀ ଦଶନ୍ଧିରେ ଅନ୍ୟ ଦେଶ ତୁଳନାରେ ଶକ୍ତି ଚାହିଦା ସ୍ଥିର କରିବ। ଅତିଥି ଭାବେ ଯୋଗଦେଇ କାରଖାନା ଓ ବାଷ୍ପିତ୍ର ନିର୍ଦ୍ଦେଶାଳୟର ଉପନିର୍ଦ୍ଦେଶକ ଡ. ମଳୟ କୁମାର ପ୍ରଧାନ କହିଥିଲେ କୋଇଲାକୁ ବିଭିନ୍ନ କଳ କାରଖାନା ଓ ବଏଲର ପ୍ଲାଣ୍ଟରେ ଶକ୍ତିର ମୁଖ୍ୟ ଉସତ୍ ଭାବେ ବ୍ୟବହାର କରାଯାଉଛି। ଏହାଦ୍ୱାରା ପ୍ରଦୂଷଣ ମାତ୍ରା ବଢିବା ସହ ସ୍ବାସ୍ଥ୍ୟ ପ୍ରତି ବିପଦ ସୃଷ୍ଟି ହେଉଛି। ତେଣୁ ବର୍ତ୍ତମାନ ପରିସ୍ଥିତିରେ ଯେତେବେଳେ ଆମେ ବିକଶିତ ଭାରତ କଥା ଚିନ୍ତା କରୁଛୁ,ସେହି ସମୟରେ ଆମକୁ ଶକ୍ତି ବୃଦ୍ଧିର ଆବଶ୍ୟକତା ଥିବା ବେଳେ ପ୍ରଦୂଷଣ ମାତ୍ରା ନେଟ୍‌ ଜିରୋ କରିବାର ଆବଶ୍ୟକତା ରହିଛି। ସାରା ବିଶ୍ୱରେ ୧୩ ମିଲିୟନ ଜନସାଧାରଣ ସ୍ବାସ୍ଥ୍ୟ ସମସ୍ୟାର ସମ୍ମୁଖୀନ ହେଉଛନ୍ତି। ବିଶ୍ୱ ସ୍ବାସ୍ଥ୍ୟ ସଂଗଠନର ରିପୋର୍ଟ ଅନୁସାରେ ବିଶ୍ୱର ୯୯% ଲୋକ ଏହା ସଂସ୍ପର୍ଶରେ ଆସୁଛନ୍ତି। ସେଥିରେ ୮ଟ୍ରିଲିୟନ ଡଲାର ହେଲ୍‌ଥ ହାଜାର୍ଡ ପୁନରୁଦ୍ଧାର ପାଇଁ ଖର୍ଚ୍ଚ ହେଉଛି। ଏହି ସମସ୍ୟାର ସମାଧାନ ନିମନ୍ତେ ଧ୍ୟାନ ଦେବା ଆବଶ୍ୟକ ରହିଛି।
ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡର ମୁଖ୍ୟ ପରିବେଶ ଇଞ୍ଜିନିୟର ରବିନାରାୟଣ ପୃଷ୍ଟି କହିଥିଲେ, ଏନର୍ଜି ସେକ୍ଟରରେ ଇଲେକ୍ଟିକ୍‌ ଜେନେରେଶନ ମୁଖ୍ୟ ଭୂମିକା ଗ୍ରହଣ କରିଛି। କୋଇଲା ଜଳିବା ନିହାତି ଜରୁରି ଥିଲାବେଳେ ଏହାଦ୍ୱାରା ବାୟୁ ପ୍ରଦୂଷଣ ତଥା ଫ୍ଲାଇଆଶ୍‌ ଉପତ୍ାଦନର ମାତ୍ରା ଅଧିକ ହେବ। ତେଣୁ ଏହି ବାୟୁ ପ୍ରଦୂଷଣକୁ ସୀମା ମଧ୍ୟରେ ରଖିବା ଏବଂ ଫ୍ଲାଇଆଶ୍‌କୁ ମ୍ୟାନେଜ୍‌ କରିବା ନିମନ୍ତେ ଫ୍ଲାଇଆଶ୍‌ ନୋଟିଫିକେଶନ୍‌ର ନିୟମ ଅନୁଯାୟୀ କିପରି ବିସ୍ଥାପନ କରାଯିବ ସେ ନେଇ ଯଥେଷ୍ଟ ଧ୍ୟାନଦେବା ଉଚିତ। ଯଦିଓ ଓଡ଼ିଶାର କେତୋଟି ସୀମିତ ଜିଲାରେ କୋଇଲା ଉପଲବ୍ଧ ଅଛି, ସେହି ଜାଗାରେ ପ୍ରଦୂଷଣ ବଢ଼ିବା ଆଶଙ୍କା ରହିଛି। ପାୱାର ପ୍ଲାଣ୍ଟଜନିତ ପ୍ରଦୂଷଣ ଏବଂ ୱେଷ୍ଟ ମ୍ୟାନେଜ୍‌ମେଣ୍ଟ ବାବଦରେ ସରକାରଙ୍କ ଅନେକ ନିୟମାବଳୀ ରହିଥିଲେ ମଧ୍ୟ ଆଗାମୀ ଦିନରେ ଆସିବାକୁ ଥିବା ନିୟମାବଳୀ ଉପରେ ସ୍ବତନ୍ତ୍ର ଦୃଷ୍ଟି ଦେବାକୁ ସେ ଅନୁରୋଧ କରିଥିଲେ।
ଅନ୍ୟ ଅତିଥି ଭାବେ ହିଣ୍ଡାଲ୍‌କୋ ଇଣ୍ଡଷ୍ଟ୍ରିଜ୍‌ ଲିମିଟେଡ୍‌ର ଉପଦେଷ୍ଟା ବିଭୁ ମିଶ୍ର ଓ ଏସାର ପାୱାର ସିଇଓ କୁଶ୍‌ ସିଂହ, ସେଲ୍‌ ରାଉରକେଲା ଷ୍ଟିଲ୍‌ ପ୍ଲାଣ୍ଟର କାର୍ଯ୍ୟନିର୍ବାହୀ ନିର୍ଦ୍ଦେଶକ ଆଲୋକ ବର୍ମା, ସିଏସିଆଇଆର୍‌-ଆଇଏମ୍‌ଏମ୍‌ଟି ନିର୍ଦ୍ଦେଶକ ଡ.ରାମାନୁଜ ନାରାୟଣ ପ୍ରମୁଖ ଉପସ୍ଥିତ ଥିଲେ। ଆଇସିସି ଓଡ଼ିଆ ରାଜ୍ୟ ପରିଷଦର ବରିଷ୍ଠ ସଦସ୍ୟ ବିଭୁପ୍ରସାଦ ମିଶ୍ର ଧନ୍ୟବାଦ ଅଭିଭାଷଣ ଦେଇଥିବା ବେଳେ ଆଇସିସିର ଆଞ୍ଚଳିକ ନିର୍ଦ୍ଦେଶକ ଜେ. ପି. ପାଲ ଉପସ୍ଥିତ ଥିଲେ। ଏହି ଅବସରରେ ବିଭିନ୍ନ ପ୍ରସଙ୍ଗ ଆଲୋଚନା ହୋଇଥିଲା। ୨୦୭୦ ସୁଦ୍ଧା ନିଟ୍‌ ଶୂନ ନିର୍ଗମନ ହାସଲ କରିବା ପାଇଁ ଭାରତର ଘୋଷିତ ଉଦ୍ଦେଶ୍ୟକୁ ଦୃଷ୍ଟିରେ ରଖି ଶିଳ୍ପ, ବିଦ୍ୟୁତ୍‌ ଉପତ୍ାଦନ କରୁଥିବା ଶିଳ୍ପକୁ ସ୍ଥିରତା, ନିମ୍ନ ଅଙ୍ଗାରକାମ୍ଳ ଏବଂ ଅକ୍ଷୟ ଶକ୍ତି ଉସତ୍କୁ ପରିବର୍ତ୍ତନ କରିବାକୁ ଶକ୍ତି ମିଶ୍ରଣକୁ ବିବିଧ କରିବାକୁ ପଡ଼ିବ।


Enter your email to get our daily news in your inbox.

All Right Reserved By Dharitri.Com

ୟୁଟ୍ୟୁବ୍‌ ଦୁନିଆରେ ଇତିହାସ ରଚିଲେ ‘ମିଷ୍ଟର ବିଷ୍ଟ’: ହାସଲ କଲେ ବଡ଼ ଉପଲବ୍ଧି

ପ୍ରସିଦ୍ଧ ୟୁଟ୍ୟୁବର ଜିମି ଡୋନାଲ୍ଡସନ୍‌(ମିଷ୍ଟର ବିଷ୍ଟ ନାମରେ ଜଣାଶୁଣା) ଏକ ନୂତନ ରେକର୍ଡ ସୃଷ୍ଟି କରିଛନ୍ତି। ସେ ବିଶ୍ୱର ପ୍ରଥମ ୟୁଟ୍ୟୁବର ହୋଇପାରିଛନ୍ତି ଯାହାଙ୍କ ସବ୍‌ସ୍କ୍ରାଇବରଙ୍କ...

ପୁଅ ବାହାଘରରେ କାନ୍ଦିଲେ ମୁକେଶ ଅମ୍ବାନୀ

ବିଶିଷ୍ଟ ମୁକେଶ ଅମ୍ବାନୀଙ୍କ ସାନ ପୁଅ ଅନନ୍ତଙ୍କ ସହ ରାଧିକା ମର୍ଚ୍ଚାଣ୍ଟଙ୍କ ବାହାଘର ସାରା ଦେଶରେ ଚର୍ଚ୍ଚାର ବିଷୟ ପାଲଟିଛି। ଉଭୟଙ୍କ ବିବାହ ଜୁଲାଇ ୧୨ରେ...

କେୟାର ହସ୍ପିଟାଲରେ ବିରଳ ଅସ୍ତ୍ରୋପଚାର

ଭୁବନେଶ୍ୱର ,୧୪।୭ (ଅଭୟ ଦାଶ): ରାଜ୍ୟର ପ୍ରମୁଖ ଘରୋଇ ଚିକିତ୍ସାଳୟ ତଥା ଭୁବନେଶ୍ୱରର ଚନ୍ଦ୍ରଶେଖରପୁରସ୍ଥିତ କେୟାର ହସ୍ପିଟାଲ ଚିକିତ୍ସା କ୍ଷେତ୍ରରେ ଆଉ ଏକ ନୂଆ ମାଇଲ୍‌ଷ୍ଟୋନ୍‌...

ଆଇଓବିର ନୂତନ ଶାଖା ଉଦ୍‌ଘାଟିତ

ଭୁବନେଶ୍ୱର ,୧୪।୭ (ଅଭୟ ଦାଶ): ଇଣ୍ଡିଆନ୍‌ ଓଭରସିଜ୍‌ ବ୍ୟାଙ୍କ (ଆଇଓବି)ର ନୂତନ ଶାଖା (ନବରଙ୍ଗପୁର ଶାଖା) ନିକଟରେ ବ୍ରହ୍ମପୁର କ୍ଷେତ୍ରୀୟ କାର୍ଯ୍ୟାଳୟ ଅନ୍ତର୍ଗତ ନବରଙ୍ଗପୁର ଜିଲ୍ଲାର...

ପ୍ରତ୍ୟକ୍ଷ ଟିକସ ସଂଗ୍ରହରେ ଅଭିବୃଦ୍ଧି

ଭୁବନେଶ୍ୱର,୧୪।୭(ଅନୁରାଧା ମହାରଣା): ବ୍ୟକ୍ତିଗତ ଆୟକର ସଂଗ୍ରହ କର୍ପୋରେଟ ଟିକସ ସଂଗ୍ରହକୁ ଅତିକ୍ରମ କରିଛି। ଚଳିତ ଆର୍ଥିକ ବର୍ଷର ଏପ୍ରିଲ ୧ରୁ ଜୁଲାଇ ୧୧ ମଧ୍ୟରେ (୨୦୨୪-୨୫)...

ଯଦି ଅମ୍ବାନୀ ପ୍ରତିଦିନ ୩କୋଟି ଟଙ୍କା ଖର୍ଚ୍ଚ କରନ୍ତି, ଏତିକି ଦିନରେ ଶେଷ ହୋଇଯିବ ତାଙ୍କର ପୁରା ସମ୍ପତ୍ତି

ନୂଆଦିଲ୍ଲୀ,୧୩।୭: ଭାରତର ସବୁଠାରୁ ଧନୀ ବ୍ୟବସାୟୀ ମୁକେଶ ଅମ୍ବାନୀ ସବୁବେଳେ ଲାମଲାଇଟରେ ରହିଥା’ନ୍ତି। ସମ୍ପ୍ରତି, ଆଜିକାଲି ସେ ତାଙ୍କ ସାନପୁଅ ଅନନ୍ତ ଅମ୍ବାନୀ ଓ ରାଧିକା...

ପ୍ରଡକ୍ଟ ପୋର୍ଟଫୋଲିଓକୁ ବିସ୍ତାର କରିବ ମେଡ୍‌ଜେନୋମ୍‌

ଭୁବନେଶ୍ୱର,୧୩।୭ (ଅଭୟ ଦାଶ): ରାଜ୍ୟର ପ୍ରମୁଖ ଘରୋଇ ସଂସ୍ଥା ତଥା ଅଗ୍ରଣୀ ଡାଇଗ୍ନୋଷ୍ଟିକ ଲାବ୍‌ ଶୃଙ୍ଖଳା ଜେନ୍‌ଏକ୍ସ ଡାଇଗ୍ନୋଷ୍ଟିକ୍ସର ଏକ ଅଂଶଧନକୁ ଗ୍ଲୋବାଲ ଜେନୋମିକ୍ସ-ଡ୍ରିଭେନ ଡାଇଗ୍ନୋଷ୍ଟିକ୍ସ ଆଣ୍ଡ...

ଏସ୍‌ବିଆଇର ନୂତନ ଡିଜିଟାଲ ସେବା

ଭୁବନେଶ୍ୱର,୧୩।୭ (ଅଭୟ ଦାଶ): ଭାରତୀୟ ଷ୍ଟେଟ୍‌ ବ୍ୟାଙ୍କ (ଷ୍ଟେଟ ବ୍ୟାଙ୍କ ଅଫ୍‌ ଇଣ୍ଡିଆ ବା ଏସ୍‌ବିଆଇ)ର ନୂତନ ଡିଜିଟାଲ ସେବାର ଶୁଭାରମ୍ଭ ନିକଟରେ ହୋଇଯାଇଛି। ଏପରିକି ମ୍ୟୁଚୁଆଲ...

Advertisement
Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri