କଲ୍ୟାଣି (ପଶ୍ଚିମବଙ୍ଗ), ୨୮ା୮ (ପି.ଟି.)- ଚଳିତ ୧୫ ବର୍ଷରୁ କମ୍ ବାଳକ ସାଫ୍ ଫୁଟ୍ବଲ ଟୁର୍ନାମେଣ୍ଟରେ ଭାରତ ଆଉ ଏକ ଚମତ୍କାର ପ୍ରଦର୍ଶନ କରିଛି। ଦଳ ମଙ୍ଗଳବାର ଏକ ମୁକାବିଲାରେ ଶ୍ରୀଲଙ୍କାକୁ ୫-୦ ଗୋଲରେ ପରାସ୍ତ କରିଛି। ମ୍ୟାଚର ଦୃଷ୍ଟି ଆକର୍ଷଣକାରୀ ଖେଳାଳି ଥିଲେ ହିମାଂଶୁ ଜାଙ୍ଗ୍ରା। ସେ ହ୍ୟାଟ୍ରିକ୍ ଗେଲ ସ୍କୋର କରିଥିବାବେଳେ ମହେସନ ଏବଂ ଶୁଭୋ ପଲ୍ ଗୋଟିଏ ଲେଖାଏଁ ଗୋଲ ଦେଇଥିଲେ। କୋଚ୍ ବିବିଆନୋ ଫର୍ଣ୍ଣାଣ୍ଡିଜ ଏହି ମ୍ୟାଚ ପାଇଁ ତାଙ୍କ ଲାଇନ୍ ଅପ୍ରେ ଦୁଇଟି ପରିବର୍ତ୍ତନ କରିଥିଲେ। ଫ୍ରଣ୍ଟ୍ରେ ଶ୍ରୀଦାର୍ଥଙ୍କ ସ୍ଥାନରେ ହିମାଂଶୁ ଜାଙ୍ଗ୍ରାଙ୍କୁ ଖେଳାଇଥିଲେ। ସେହିପରି ମିଡଲରେ ଶିବଜିତ୍ଙ୍କ ସ୍ଥାନ ସାତ୍ତ୍ୱିକ ଶର୍ମା ନେଇଥିଲେ। ଗ୍ରୁପ୍ ପର୍ଯ୍ୟାୟରେ ଭାରତ ଏହାର ଅନ୍ତିମ ମ୍ୟାଚ ଗୁରୁବାର ବାଂଲାଦେଶ ବିପକ୍ଷରେ ଖେଳିବ। ମ୍ୟାଚ ପରେ କୋଚ୍ ଫର୍ନାଣ୍ଡିଜ କହିଛନ୍ତି, ଖେଳାଳିମାନେ ଅଧିକ ଗୋଲ ସ୍କୋର କରିପାରିଥିବାରୁ ମୁଁ ବିଶେଷ ଖୁସି। ଫ୍ରଣ୍ଟରେ ଖେଳିବାର ସୁଯୋଗ ପାଇ ଯଥାର୍ଥ ବୋଲି ପ୍ରମାଣ କରିଦେଖାଇଥିଲେ ହିମାଂଶୁ। ସେ ଜଣେ ଦକ୍ଷ ସ୍କୋରର ହୋଇ ବାହାରିବେ ବୋଲି ମୋର ଆଶା।
