ତେହେରାନ,୧୫ା୧(ପି.ଟି.): ୟୁକ୍ରେନ ବିମାନ ଦୁର୍ଘଟଣାକୁ ନେଇ ଇରାନରେ ସରକାର ବିରୋଧୀ ବିକ୍ଷୋଭ ତେଜିବା ପରେ ମଙ୍ଗଳବାର ୩୦ ଜଣଙ୍କୁ ଗିରଫ କରାଯାଇଛି। ଗତ ୮ ତାରିଖରେ ଶତ୍ରୁପକ୍ଷର ବିମାନ ଭାବି ୟୁକ୍ରେନର ବୋଇଂ ୭୩୭କୁ ଇରାନ ପକ୍ଷରୁ ଭୁଲ୍ବଶତଃ ମିଶାଇଲ ମାଡ଼ କରାଯାଇଥିଲା। ଏଥିରେ ୭ଟି ଦେଶର ୧୭୬ ଜଣଙ୍କ ମୃତ୍ୟୁ ଘଟିଥିଲା। ଏହାକୁ ନେଇ ଇରାନ କ୍ଷମାମାଗିସାରିଛି। କ୍ଷେପଣାସ୍ତ୍ର ଆକ୍ରମଣ ପାଇଁ ଦାୟୀ ୩୦ ଜଣଙ୍କୁ ଗିରଫ କରାଯାଇଥିବା ଜୁଡିସିଆରି ମୁଖପାତ୍ର ଗୁଲାମ ହୁସୈନୀ ଇସ୍ମାଇଲ୍ ସୂଚନା ଦେଇଛନ୍ତି। ସରକାର ଦୋଷ ମାନିବାରେ ବିଳମ୍ବ କରିଥିବାରୁ ତେହେରାନ ୟୁନିଭର୍ସିଟିରେ ୨୦୦ ଛାତ୍ରୀଛାତ୍ର ଏକାଠି ହୋଇ ବିକ୍ଷୋଭ ପ୍ରଦର୍ଶନ କରିଛନ୍ତି। ସେମାନେ ‘ଏକଚ୍ଛତ୍ରବାଦୀ ମୁର୍ଦ୍ଦାବାଦ’ ବୋଲି ସ୍ଲୋଗାନ ଦେଇଥିଲେ। ମଙ୍ଗଳବାର ଏହି ବିକ୍ଷୋଭ ଚତୁର୍ଥ ଦିନରେ ପହଞ୍ଚତ୍ଛି।
