ସ୍ବପ୍ନରେ ବିଶ୍ୱସ୍ତରୀୟ ଟର୍ମିନାଲ

୧୮୦ କୋଟି ଟଙ୍କା ବ୍ୟୟରେ ସ୍ମାର୍ଟସିଟିର ସ୍ମାର୍ଟ ବସ୍‌ ଟର୍ମିନାଲ ରୂପ ନେଇଥାନ୍ତା ବରମୁଣ୍ଡା ବସ୍‌ଷ୍ଟାଣ୍ଡ। ବିଶ୍ୱସ୍ତରୀୟ ବସ୍‌ଷ୍ଟାଣ୍ଡ ଭାବେ ଏହାକୁ ଗଢି ତୋଳାଯାଇଥାନ୍ତା। ୨୦୧୯ ଏପ୍ରିଲ୍‌ ସୁଦ୍ଧା ଏହା ଅତ୍ୟାଧୁନିକ ଆନ୍ତଃରାଜ୍ୟ ବସ୍‌ ଟର୍ମିନାଲରେ ପରିଣତ ହୋଇଥାନ୍ତା। ହେଲେ ସବୁକିଛି ଏବେ ସ୍ବପ୍ନ ପାଲଟିଛି। ଯୋଜନାର ବାସ୍ତବ ରୂପ ଦିଆଯିବା ବଦଳରେ ବରମୁଣ୍ଡା ବସ୍‌ଷ୍ଟାଣ୍ଡ୍‌କୁ ଆହୁରି ବିକୃତ କରିଦିଆଯାଇଛି। ପାଣିକାଦୁଅ, ଦୁର୍ଗନ୍ଧ ଓ ଅବ୍ୟବସ୍ଥା ମଧ୍ୟରେ ଦୁର୍ଦ୍ଦଶା ଭୋଗୁଛନ୍ତି ଯାତ୍ରୀ।

ରାଜ୍ୟର ସବୁଠାରୁ ବଡ଼ ବରମୁଣ୍ଡା ବସ୍‌ଷ୍ଟାଣ୍ଡ୍‌ ୧୪.୪୩ ଏକର ଜମିରେ ପରିବ୍ୟାପ୍ତ। ଏହାର ପରିସୀମାକୁ ଆହୁରି ବୃଦ୍ଧି କରାଯାଇ ଅତ୍ୟାଧୁନିକ ବସ୍‌ ଟର୍ମିନାଲରେ ପରିଣତ କରିବାକୁ ଯୋଜନା ହୋଇଥିଲା। ମାଗଣା ଓ୍ବାଇଫାଇରୁ ଆରମ୍ଭକରି ମଲ୍ଟି ଲେବଲ୍‌ ପାର୍କିଂ ବ୍ୟବସ୍ଥା, ଡିଜିଟାଲ ଡିସ୍‌ପ୍ଲେ ବୋର୍ଡ ଓ ସିସିଟିଭି କ୍ୟାମେରା ପର୍ଯ୍ୟନ୍ତ ସବୁକିଛି ସୁବିଧା କରାଯିବାର ଥିଲା। ପବ୍ଲିକ୍‌ ପ୍ଲାଜା ଡିଜାଇନ୍‌ରେ ହେବାକୁ ଥିବା ଏହି ବସ୍‌ଷ୍ଟାଣ୍ଡରେ ଯାତ୍ରୀଙ୍କ ପରିବହନ ପାଇଁ ପ୍ରିପେଡ୍‌ ଅଟୋରିକ୍ସା, ଅତ୍ୟାଧୁନିକ ବାଇସାଇକେଲ, ଓଲା, ଉବର ଭଳି ଟ୍ୟାକ୍ସି ଆଗ୍ରିଗେଟର ବ୍ୟବସ୍ଥା, ପାସେଞ୍ଜର ଇନ୍‌ଫରମେଶନ ସେଣ୍ଟର, ଭିନ୍ନକ୍ଷମଙ୍କ ପାଇଁ ସ୍ବତନ୍ତ୍ର ବ୍ୟବସ୍ଥା ଉପଲବ୍ଧ କରାଯାଇଥାନ୍ତା। ଏଥିପାଇଁ ଦିଲ୍ଲୀର ଇଣ୍ଟିଗ୍ରେଟେଡ୍‌ ଟ୍ରାନ୍‌ଜିଟ୍‌ ସିଷ୍ଟମ୍‌ ଲିମିଟେଡ୍‌ ସ୍ବତନ୍ତ୍ର ଡିଜାଇନ୍‌ ପ୍ରସ୍ତୁତ କରିଥିଲା। ଉକ୍ତ ଡିଜାଇନ୍‌କୁ ବିଡିଏ ତରଫରୁ ପରିବହନ ବିଭାଗ ନିକଟରେ ଉପସ୍ଥାପନ ମଧ୍ୟ କରାଯାଇଥିଲା। ହେଲେ ବର୍ତ୍ତମାନ ପର୍ଯ୍ୟନ୍ତ ଏହି ମଡର୍ନ ବସ୍‌ ଟର୍ମିନାଲର କାମ ଆରମ୍ଭ ହେବା ତ ଦୂରର କଥା, ଏଠାରେ ଥିବା ଖାଲଖମାରେ ସାମାନ୍ୟ ମାଟି ପକାଗଲା ନାହିଁ।
୨୦୧୮ ଜାନୁୟାରୀ ୧୧ରେ ବରବୁଣ୍ଡା ବସ୍‌ଷ୍ଟାଣ୍ଡ୍‌ର ଆଧୁନିକୀକରଣ ପାଇଁ ସଚିବାଳୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ ଏକ ଗୁରୁତ୍ୱପୂର୍ଣ୍ଣ ବୈଠକ ବସିଥିଲା। ୨୦୧୯ ଏପ୍ରିଲ ମାସ ସୁଦ୍ଧା କାମ ଶେଷ କରି ଏହାକୁ ଯାତ୍ରୀଙ୍କ ପାଇଁ ଉନ୍ମୁକ୍ତ କରିବାକୁ ନିଷ୍ପତ୍ତି ବି ହେଲା। ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଜ ଟୁଇଟରରେ ଟୁଇଟ୍‌ କରି ବେଶ୍‌ ପ୍ରଶଂସା ପାଇଲେ। ମାତ୍ର ଧାର୍ଯ୍ୟ ତାରିଖରୁ ଏହା ମଧ୍ୟରେ ୩ମାସ ବିତିଗଲାଣି। ବରମୁଣ୍ଡା ବସ୍‌ଷ୍ଟାଣ୍ଡ ଅବସ୍ଥା ସୁଧୁରିବା ପରିବର୍ତ୍ତେ ଆହୁରି ଖରାପ ହୋଇପଡ଼ିଛି। ପ୍ରତିଥର ବର୍ଷାଦିନ ଭଳି ଏଥର ମଧ୍ୟ ନାଳନର୍ଦ୍ଦମା ଓ କାଦୁଅ ପାଣିରେ ଭର୍ତ୍ତିହୋଇଛି ବସ୍‌ଷ୍ଟାଣ୍ଡ ପରିସର। କୁଢ କୁଢ ଆବର୍ଜନା ପଚିଶଢ଼ି ଗନ୍ଧ ବାହାରୁଛି। ଶୌଚାଳୟ ନ ଥିବାରୁ ଲୋକେ ବାହାରେ ପରିସ୍ରା କରୁଛନ୍ତି। ଏହାର ଦୁର୍ଗନ୍ଧରେ ନାକ ଫାଟିପଡୁଛି। ବରମଣ୍ଡା ବସ୍‌ଷ୍ଟାଣ୍ଡ୍‌ର ଏଭଳି ଅଭାବନୀୟ ଅବସ୍ଥା କେବଳ ରାଜ୍ୟବାସୀଙ୍କୁ ନୁହେଁ, ରାଜ୍ୟ ବାହାରୁ ଆସୁଥିବା ହଜାର ହଜାର ଯାତ୍ରୀ ଓ ପର୍ଯ୍ୟଟକଙ୍କୁ ତିକ୍ତ ଅନୁଭୂତି ଦେଉଛି। ଏଭଳିସ୍ଥଳେ ମୁଖ୍ୟମନ୍ତ୍ରୀ କରିଥିବା ପୁରୁଣା ଟୁଇଟ୍‌କୁ ଲୋକେ ସୋସିଆଲ ମିଡ଼ିଆରେ ଭାଇରାଲ କରିବା ସହ ଟ୍ରୋଲ୍‌ କରିବାକୁ ବି ଭୁଲିନାହାନ୍ତି।

ବସ୍‌ଷ୍ଟାଣ୍ଡ ଭିତରକୁ ଯିବାକୁ ଡରୁଛନ୍ତି ଯାତ୍ରୀ

ଅଧିକାଂଶ ଯାତ୍ରୀ ବସ୍‌ଷ୍ଟାଣ୍ଡ ଭିତରକୁ ଯିବାକୁ ଡରୁଥିବାବେଳେ ବାହାରେ ଛିଡ଼ାହୋଇ ବସ୍‌କୁ ଅପେକ୍ଷା କରୁଛନ୍ତି। ଫଳରେ ଟର୍ମିନାଲର ପ୍ରବେଶ ପଥରେ ଯାତ୍ରୀଙ୍କ ଭିଡ଼ ଲାଗୁଥିବାବେଳେ ବସ୍‌ଗୁଡିକ ଅଟକି ରହି ଯାତ୍ରୀଙ୍କୁ ଉଠାଉଥିବାରୁ ଅଧିକାଂଶ ସମୟରେ ଜାମ୍‌ ହୋଇ ଜଟିଳ ପରିସ୍ଥିତି ସୃଷ୍ଟି ହେଉଛି। ସେହିଭଳି ଶୌଚାଳୟ ଅବସ୍ଥା ନ କହିବା ଭଲ। ଏଠାରେ ପାଣି ଆସୁ ନ ଥିବାବେଳେ ଏହାକୁ ସଫାସୁତୁରା କରିବାକୁ ମଧ୍ୟ କେହି ନାହାନ୍ତି। ଫଳରେ ୟୁରିନ୍‌ ଇନ୍‌ଫେକ୍‌ଶନ ଭୟରେ ଯାତ୍ରୀମାନେ ଏହାକୁ ବ୍ୟବହାର ନ କରି ମୁକ୍ତାକାଶରେ ପରିସ୍ରା କରୁଛନ୍ତି। ଏପଟେ ମହିଳା ଯାତ୍ରୀମାନେ ଆହୁରି ଦୁର୍ଦ୍ଦଶା ଭୋଗୁଛନ୍ତି। ବସ୍‌ଷ୍ଟାଣ୍ଡ ଭିତରକୁ ଯିବାବେଳେ ରୁମାଲ୍‌ ନ ବାନ୍ଧିଲେ ଦୁର୍ଗନ୍ଧରେ ନାକ ପାଟିପଡ଼ୁଛି। ସ୍ମାର୍ଟସିଟିର ଏହି ବସ୍‌ଷ୍ଟାଣ୍ଡ ସ୍ମାର୍ଟ ନ ହୋଇପାରିଲେ ବି ନିଜ ସ୍ଥିତିକୁ ସୁଧାରିବାରେ ସମ୍ପୂର୍ଣ୍ଣ ବିଫଳ ହୋଇଛି। ବଡ଼ ବଡ଼ ଖାଲରେ ଅଧିକାଂଶ ସମୟରେ ଯାତ୍ରୀମାନେ ପଡ଼ି ଆହତ ହେଉଛନ୍ତି। କେବଳ ଯାତ୍ରୀ ନୁହନ୍ତି, ବସ ଚାଳକମାନେ ମଧ୍ୟ ବସ୍‌ ଚଲାଇବାକୁ ନାକେଦମ୍‌ ହେଉଛନ୍ତି। ସ୍ଥିତି ଏପରି ହୋଇଛି ବସ୍‌ଷ୍ଟାଣ୍ଡ୍‌ରୁ ଗୋଟିଏ ବସ୍‌ ବାହାରିବାକୁ ୨୦ରୁ ୩୦ ମିନିଟ ଲାଗିଯାଉଛି।
ଏନେଇ ବିଡିଏ ଉପାଧ୍ୟକ୍ଷ ପ୍ରେମ ଚନ୍ଦ୍ର ଚୌଧୁରୀଙ୍କ ସହ ଯୋଗାଯୋଗ ସମ୍ଭବ ହୋଇପାରି ନ ଥିବାବେଳେ ଅନ୍ୟ ଅଧିକାରୀମାନେ ଏନେଇ କିଛି କହିପାରିବେ ନାହିଁ ବୋଲି କହିଥିଲେ।

ରିପୋର୍ଟ: ସସ୍ମିତା ପାଇକରାୟ, ଭୁବନେଶ୍ୱର


Enter your email to get our daily news in your inbox.

All Right Reserved By Dharitri.Com

ନୂଆବର୍ଷରୁ ଶ୍ରଦ୍ଧାଳୁଙ୍କୁ ସ୍ବତନ୍ତ୍ର ସୁବିଧା

ପୁରୀ ଅଫିସ, ୬।୧୨:ଶ୍ରୀମନ୍ଦିରକୁ ଆସୁଥିବା ଶ୍ରଦ୍ଧାଳୁଙ୍କ ଲାଗି ସମସ୍ତ ପ୍ରକାର ସୁବିଧା କରାଯିବ। ସେମାନେ ଯେପରି କୌଣସି ତିକ୍ତ ଅନୁଭୂତି ନ ସାଉଣ୍ଟିବେ ସେଥିପ୍ରତି ଗୁରୁତ୍ୱ...

ମହିଳା ବ୍ୟାଙ୍କ ମ୍ୟାନେଜରଙ୍କ ଆତ୍ମହତ୍ୟା

ଭୁବନେଶ୍ୱର,୫।୧୨(ବ୍ୟୁରୋ): ଭୁବନେଶ୍ୱର ବରମୁଣ୍ଡା ଅଞ୍ଚଳର ଏକ ଭଡାଘରୁ ଗୁରୁବାର ସକାଳୁ ଜଣେ ମହିଳା ବ୍ୟାଙ୍କ ମ୍ୟାନେଜରଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି। ମୃତକ ଜଣକ ହେଉଛନ୍ତି...

ଭାଇରାଲ ଆଡମିଟ କାର୍ଡ ନକଲି, ବୋର୍ଡକୁ ବଦନାମ କରିବାକୁ ଚେଷ୍ଟା କରାଯାଉଛି: ଗଣଶିକ୍ଷା ମନ୍ତ୍ରୀ

ଭୁବନେଶ୍ୱର,୧୩।୨(ବ୍ୟୁରୋ): ଆଗକୁ ମାଟ୍ରିକ୍‌ ପରୀକ୍ଷା। ଏହା ପୂର୍ବରୁ ବାରିପଦା ଓ ଆସିକାରେ ମାଟ୍ରିକ୍‌ ଆଡମିଟ୍‌ କାର୍ଡ ଭାଇରାଲ ହେବା ପ୍ରସଙ୍ଗରେ ଗୁରୁବାର ପ୍ରତିକ୍ରିୟା ରଖିଛନ୍ତି ବିଦ୍ୟାଳୟ...

ମାଲକାନଗିରି ଜିଲା ଚିକିତ୍ସାଳୟ: ସେବା ଛାଡ଼ି ଟିକ୍‌ଟକ୍‌ରେ ମାତୁଛନ୍ତି ନର୍ସ, ଭିଡିଓ ଭାଇରାଲ

ମାଲକାନଗିରି,୨୬।୬(ସ୍ବ.ପ୍ର.): ସରକାରୀ ଡାକ୍ତରଖାନାରେ ନିୟୋଜିତ ଡାକ୍ତର ତଥା ନର୍ସମାନଙ୍କର ରୋଗୀଙ୍କୁ ଅବହେଳାର ଅନେକ ଘଟଣା ସାମ୍ନାକୁ ଆସିଥିବା ବେଳେ ଏବେ ଶିଶୁମାନେ ଏଥିରୁ ବାଦ୍‌ ପଡ଼ୁନାହାନ୍ତି।...

ଖେଳୁଥିବା ବେଳେ ଗଛଡ଼ାଳ ଛିଡ଼ି ପଡ଼ିଲା: ଦ୍ୱିତୀୟ ଶ୍ରେଣୀ ଛାତ୍ର ମୃତ; ସ୍କୁଲରେ ଶିକ୍ଷକଙ୍କୁ ତାଲା ପକାଇଲେ ଉତ୍ତ୍ୟକ୍ତ ଲୋକେ

ନିରାକାରପୁର,୧୭ା୧୦(ଡି.ଏନ୍‌.ଏ.): ଖୋର୍ଦ୍ଧା ଜିଲା ନିରାକାରପୁର ପଞ୍ଚାୟତସ୍ଥିତ କ୍ଷେତ୍ରବାସୀ ଏକାଡେମୀ ସ୍କୁଲରେ ଗୁରୁବାର ଏକ ଅଘଟଣ ଘଟିଛି। ସ୍କୁଲ ପରିସର ମଧ୍ୟରେ ଥିବା ଏକ ଆମ୍ବ ଗଛର...

କମଳା, ଦୈତାରି, ଡି. ପ୍ରକାଶଙ୍କୁ ରୁଚି ଦେଶଜ୍ୟୋତି ସମ୍ମାନ

କଟକ ଅଫିସ,୨୧।୭: କଟକ ଶହୀଦଭବନଠାରେ ୨୩ତମ ରୁଚି ପ୍ରତିଭା ସମ୍ମାନ ସମାରୋହ ଶନିବାର ସନ୍ଧ୍ୟାରେ ଅନୁଷ୍ଠିତ ହୋଇଯାଇଛି। ରୁଚି ପ୍ରତିଭା ପାଉଣ୍ଡେଶନ ପକ୍ଷରୁ ଅନୁଷ୍ଠିତ ଏହି...

ପୂର୍ବତନ କେନ୍ଦ୍ରମନ୍ତ୍ରୀ ଅର୍ଜୁନ ଚରଣ ସେଠୀଙ୍କ ପରଲୋକ

ଭୁବନେଶ୍ୱର,୮ା୬(ବ୍ୟୁରୋ)-ପୂର୍ବତନ କେନ୍ଦ୍ରମନ୍ତ୍ରୀ ଅର୍ଜୁନ ଚରଣ ସେଠୀଙ୍କ ସୋମବାର ପରଲୋକ ହୋଇଯାଇଛି। ଭୁବନେଶ୍ୱରସ୍ଥିତ ଏକ ଘରୋଇ ଡାକ୍ତରଖାନାରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି। ଏ ନେଇ...

ଅବପାତର ରୂପ ନେଲା ଲଘୁଚାପ: ଭୟଙ୍କର ହେଉଛି ବାତ୍ୟା ‘ଅମ୍ଫନ’

ଭୁବନେଶ୍ୱର, ୧୬।୫(ବ୍ୟୁରୋ): ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଶନିବାର ପୂର୍ବାହ୍ନରେ ଅବପାତ(ଡିପ୍ରେଶନ)ରେ ପରିଣତ ହୋଇଛି। ପଶ୍ଚିମବଙ୍ଗର ଦୀଘାଠାରୁ ୧୨୫୦ କିମି ଏବଂ ପାରାଦୀପ ଠାରୁ ୧୧୦୦...

Coronavirus Update


Archives

Model This Week

Why Dharitri