ବୈବାହିକ ଜୀବନରେ ଝଡ ଆସିଲେ ସ୍ତ୍ରୀସ୍ବାମୀ ପରସ୍ପର ଅଲଗା ହେବାକୁ ନିଷ୍ପତ୍ତି ନେଇଥାନ୍ତି। ପରେ କୋର୍ଟରେ ଛାଡପତ୍ର ମାମଲା ଚାଲେ। ଶେଷରେ ସ୍ତ୍ରୀଙ୍କୁ ଭରପୋଷଣ ପାଇଁ ଅର୍ଥ ଦେବାପରେ ମାମଲାଟି ଶାନ୍ତ ପଡେ। କାନାଡାରେ ଛାଡପତ୍ରର ଏକ ଅଜବ ମାମଲା ସାମ୍ନାକୁ ଆସିଛି। ସ୍ତ୍ରୀଙ୍କୁ ଭରପୋଷଣ ଅର୍ଥ ବାବଦରେ ପ୍ରତିଦିନ ୧ ଲକ୍ଷ ଟଙ୍କା ଦେବାକୁ କୋର୍ଟ ନିର୍ଦ୍ଦେଶ ଦେଇଥିଲେ। ଏହା ଜାଣି ଜଣେ ବ୍ୟକ୍ତି ୫କୋଟି ଟଙ୍କାରେ ନିଆଁ ଲଗାଇଦେଇଛନ୍ତି। ସମ୍ପୃକ୍ତ ବ୍ୟକ୍ତି ଜଣଙ୍କ ପେସାରେ ବ୍ୟବସାୟୀ। ତାଙ୍କ ନାଁ ବ୍ରୁସ ମ୍ୟାକ୍କନ୍ଭିଲେ। କୋର୍ଟରେ ବ୍ରୁସ୍ ବିଚାରପତିଙ୍କୁ କହିଥିଲେ, ମୁଁ ମୋର ସମସ୍ତ ବ୍ୟାଙ୍କ୍ ଆକାଉଣ୍ଟରୁ ଟଙ୍କା ବାହାର କରି ଜାଳିଦେଇଛି। ବ୍ରୁସ୍ଙ୍କ କଥା ବିଚାରପତି ପ୍ରଥମେ ବିଶ୍ୱାସ କରି ନ ଥିଲେ ମଧ୍ୟ ସେ ତାଙ୍କୁ ସମସ୍ତ ପ୍ରମାଣ ଦେଖାଇଥିଲେ। ନିଜର ସମସ୍ତ ସମ୍ପତ୍ତି ବିକି ଟଙ୍କା ବ୍ୟାଙ୍କ୍ରେ ରଖିଥିଲେ ବୋଲି ସେ କୋର୍ଟରେ କହିଥିଲେ। ଏହି ଘଟଣା ପାଇଁ ତାଙ୍କୁ ୩୦ ଦିନ ପାଇଁ ଜେଲ୍ ପଠାଯାଇଛି। ଏହାସହ ତାଙ୍କୁ ଜରିମାନା ମଧ୍ୟ ଦେବାକୁ ପଡିବ ବୋଲି ପୋଲିସ କହିଛି।
