ଗୋଲାମୁଣ୍ଡା,୨୩।୮ (ଡି.ଏନ.ଏ.)-କଳାହାଣ୍ଡି ଜିଲା ଗୋଲାମୁଣ୍ଡା ବ୍ଲକରେ ସୌଭାଗ୍ୟ ଜ୍ୟୋତି ବିଦ୍ୟୁତ୍ ଯୋଜନା ଫେଲ ମାରୁଛି। ଗୋଲାମୁଣ୍ଡା ବ୍ଲକ ଅଧୀନ ଚପ୍ରିଆ ଗଁାରେ ଦୀର୍ଘ ଏକ ବର୍ଷ ହେବ ଗରିବ ହିତାଧିକାରୀଙ୍କ ଘରେ ଘରେ ମିଟର ଖାଞ୍ଜା ଯାଇଥିବା ବେଳେ ବିଦ୍ୟୁତ୍ ସଂଯୋଗ ହୋଇନାହଁି । ଦୀର୍ଘ ଏକ ବର୍ଷ ହେବ ମିଟର, ବୋର୍ଡ ଓ ତାର ସବୁ ଖାଞ୍ଜ ଯାଇଛି। କିନ୍ତୁ ଏଯାଏ ବିଦ୍ୟୁତ୍ ସଂଯୋଗ ହୋଇ ନ ଥିବାରୁ ଚପ୍ରିଆ ଗ୍ରାମର ନିରୀହ ଲୋକ ଏହି ସୁବିଧା ପାଇବାରୁ ବଞ୍ଚତ୍ତ ହୋଇଛନ୍ତି । ଠିକାଦାରମାନେ ରାସ୍ତା କଡରେ ବିଦ୍ୟୁତ୍ ଖୁଣ୍ଟ ଆଣି ରଖିବା ପରେ ସ୍ଥାନୀୟ ବିଦ୍ୟୁତ୍ ସେବା ପାଇବା ଆଶାରେ କରିଥିଲେ। କିନ୍ତୁ ଦୀର୍ଘ ବର୍ଷ ବିତିଯାଇଥିବା ମଧ୍ୟ ଲୋକଙ୍କ ଆଶା ପୂରୁଣ ହୋଇନାହିଁ । ସେହିଭଳି ଗୋଲାମୁଣ୍ଡା ବ୍ଲକର ଅନେକ ଗଁାରେ ସମାନ ଅବସ୍ଥା ହୋଇଥିବା ଜଣାପଡିଛି । ନିର୍ମାଣ ଦାୟିତ୍ୱରେ ଥିବା ଠିକାଦାରର ମଧ୍ୟ ଦେଖା ମିଳୁ ନ ଥିବା ହିତାଧିକାରୀମାନେ ଅଭିଯୋଗ କରିଛନ୍ତି। ଏ ନେଇ ଗୋଲାମୁଣ୍ଡା ବିଦ୍ୟୁତ୍ ବିଭାଗ କନିଷ୍ଟ ଯନ୍ତ୍ରୀଙ୍କୁ ପଚାରିବାରୁ ନିର୍ମାଣ ଦାୟିତ୍ୱରେ ଥିବା ଠିକାଦାର ଅଧାପନ୍ତରିଆ ନିର୍ମାଣ କରି ଛାଡି ଦେଇଛନ୍ତି । ଏଭଳି ଗୋଲାମୁଣ୍ଡା ବ୍ଲକର ଅନେକ ଗ୍ରାମରେ ହୋଇଛି, ଠିକାଦାରମାନେ ଆମ ବିଭାଗକୁ ହସ୍ତାନ୍ତର କରିନାହାନ୍ତି । ହସ୍ତାନ୍ତର କଲେ ବିଦ୍ୟୁତ୍ ସଂଯୋଗ କରି ଦିଆଯିବ ବୋଲି କହିଥିଲେ। ଏଥିପ୍ରତି ଉଚ୍ଚକର୍ତ୍ତୃପକ୍ଷ ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି।
