Posted inଜାତୀୟ

ସୋନିଆ ଅନ୍ତରୀଣ ଅଧ୍ୟକ୍ଷ

ନୂଆଦିଲ୍ଲୀ,୧୧ା୮(ପି.ଟି.): କଂଗ୍ରେସର ପୂର୍ବତନ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ଶନିବାର ପୁଣିଥରେ ଦଳର ନେତୃତ୍ୱ ନେବାକୁ ଦାୟିତ୍ୱ ଦିଆଯାଇଛି। ସାରା ଦିନର କସରତ ପରେ ବିଳମ୍ବିତ ରାତିରେ ତାଙ୍କୁ ଦଳର ଅନ୍ତରୀଣ ଅଧ୍ୟକ୍ଷ ଭାବେ ମନୋନୀତ କରାଯାଇଥିବା ବରିଷ୍ଠ ନେତା ଗୁଲାମ ନବୀ ଆଜାଦ ଘୋଷଣା କରିଥିଲେ। ଫଳରେ ଦୀର୍ଘ ୭୭ ଦିନ ଧରି ଦଳରେ ଲାଗି ରହିଥିବା ନେତୃତ୍ୱ ସଙ୍କଟ ସାମୟିକ ଭାବେ ଟଳିଛି।
ଅଧ୍ୟକ୍ଷ ପଦରୁ ଇସ୍ତଫା ନିଷ୍ପତ୍ତିର ପୁନର୍ବିଚାର କରିବା ପାଇଁ ଶନିବାର କଂଗ୍ରେସ କାର୍ଯ୍ୟକାରୀ କମିଟି (ସିଡବ୍ଲ୍ୟୁସି) ବୈଠକରେ ସବୁ ନେତାଙ୍କ ଅନୁରୋଧକୁ ରାହୁଲ ଗାନ୍ଧୀ ପ୍ରତ୍ୟାଖ୍ୟାନ କରିଦେବା ପରେ ରାତିରେ ପୁଣିଥରେ ବୈଠକ ବସିଥିଲା। ଏଥିରେ ରାହୁଲଙ୍କ ଇସ୍ତଫା ଗୃହୀତ ହୋଇଥିଲା। ନୂଆ ଅଧ୍ୟକ୍ଷ ନିର୍ବାଚିତ ହେବା ପର୍ଯ୍ୟନ୍ତ ସୋନିଆ ଦଳର ଦାୟିତ୍ୱରେ ରହିବେ। ସିଡବ୍ଲ୍ୟୁସି ରାହୁଲଙ୍କ ଇସ୍ତଫା ଗ୍ରହଣ କରିବା ସହ ତାଙ୍କ ନେତୃତ୍ୱକୁ ପ୍ରଶଂସା କରିଛି। ରାହୁଲଙ୍କ ମାର୍ଗଦର୍ଶନକୁ କଂଗ୍ରେସ ଗ୍ରହଣ କରି ସଂଗଠନକୁ ଆଗେଇନେବା ପାଇଁ ବୈଠକରେ ପ୍ରସ୍ତାବ ଗୃହୀତ ହୋଇଥିବା ଦଳର ମୁଖପାତ୍ର ରଣଦୀପ୍‌ ସୁର୍ଜଓ୍ବୋଲା ସୂଚନା ଦେଇଛନ୍ତି।
ପୂର୍ବାହ୍ନ ୧୧ଟାରେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ, ଦଳର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରା, ଅହମ୍ମଦ ପଟେଲ, ଏ.କେ. ଆଣ୍ଟୋନି, ଗୁଲାମ ନବୀ ଆଜାଦ, ପି. ଚିଦାମ୍ବରମ୍‌ ପ୍ରମୁଖ ଏଆଇସିସି ମୁଖ୍ୟାଳୟରେ ଏକାଠି ହୋଇ ନେତା ଚୟନ ନେଇ ଆଲୋଚନା କରିଥିଲେ। ସାରା ଦେଶର ଦଳୀୟ ନେତାମାନଙ୍କ ସହ ପରାମର୍ଶ ପାଇଁ ସିଡବ୍ଲ୍ୟୁସି ନିଷ୍ପତ୍ତି ନେବା ପରେ ବିଭିନ୍ନ ଅଞ୍ଚଳ ପାଇଁ ୫ଟି ଗ୍ରୁପ୍‌ ଗଠନ କରାଯାଇଥିଲା। ଉକ୍ତ ଗ୍ରୁପ୍‌ଗୁଡିକୁ ଭିନ୍ନ ଭିନ୍ନ ଅଞ୍ଚଳର ରାଜ୍ୟ କଂଗ୍ରେସ ମୁଖ୍ୟ, ଏମ୍‌ପି ଓ ବିଧାୟକମାନଙ୍କ ସହ ଆଲୋଚନା କରିବାକୁ କୁହାଯାଇଥିଲା। ପରାମର୍ଶ ପ୍ରକ୍ରିୟାରେ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ, ଉପମୁଖ୍ୟମନ୍ତ୍ରୀ ସଚିନ ପାଇଲଟ, ଛତିଶଗଡ଼ ମୁଖ୍ୟମନ୍ତ୍ରୀ ଭୂପେଶ ବାଘେଲ, ପୁଡୁଚେରୀ ମୁଖ୍ୟମନ୍ତ୍ରୀ ଭି. ନାରାୟଣସ୍ବାମୀ ପ୍ରମୁଖ ସାମିଲ ହୋଇଥିଲେ। ୫ଟି ସବ୍‌ କମିଟି ଦେଇଥିବା ରିପୋର୍ଟ ଉପରେ ରାତିରେ ଆଲୋଚନା ହୋଇଥିଲା। ଯଦି ରାହୁଲ ଅଧ୍ୟକ୍ଷ ପଦ ଗ୍ରହଣ କରିବାକୁ ଚାହୁଁ ନାହାନ୍ତି ତେବେ ସୋନିଆଙ୍କୁ ଅନ୍ତରୀଣ ଅଧ୍ୟକ୍ଷ ଦାୟିତ୍ୱ ଦିଆଯାଉ ଓ ସେ ନିର୍ବାଚନ ପ୍ରକ୍ରିୟାର ତଦାରଖ କରନ୍ତୁ ବୋଲି ବୈଠକରେ ମତ ପ୍ରକାଶ ପାଇଥିଲା। ରାତି ୧୧ଟା ପର୍ଯ୍ୟନ୍ତ ବୈଠକ ଚାଲିଥିଲା।
ସୂଚନାଯୋଗ୍ୟ, ଲୋକ ସଭା ନିର୍ବାଚନରେ କଂଗ୍ରସର ପରାଜୟ ପରେ ମେ’ ମାସରେ ରାହୁଲ ଅଧ୍ୟକ୍ଷ ପଦରୁ ଇସ୍ତଫା ଦେଇଥିଲେ। ନିଷ୍ପତ୍ତି ପରିବର୍ତ୍ତନ କରିବା ପାଇଁ ୨ ମାସ

ପର୍ଯ୍ୟନ୍ତ ଦଳ ତାଙ୍କ ଉପରେ ଚାପ ପକାଇଥିଲେ ହେଁ ସେ ତାହା ଗ୍ରହଣ କରି ନ ଥିଲେ। ଦଳର ପରାଜୟ ପାଇଁ ସେ ନୈତିକ ଦୃଷ୍ଟିରୁ ନିଜକୁ ଦାୟୀ କରି ନେତୃତ୍ୱ ପରିବର୍ତ୍ତନ ଚାହିଁଥିଲେ। ଫଳରେ ନୂଆ ନେତୃତ୍ୱ ଚୟନ ପାଇଁ ଶନିବାର ସିଡବ୍ଲ୍ୟୁସି ବୈଠକ ବସିଥିଲା। ବୈଠକରେ ନେତୃତ୍ୱକୁ ନେଇ ଦୀର୍ଘସମୟ ଆଲୋଚନା ହୋଇଥିଲା। ସୋନିଆ ଓ ରାହୁଲ ଆଲୋଚନା ପ୍ରକ୍ରିୟାରୁ ଦୂରେଇ ରହିଥିଲେ। ଦିନବେଳା କୌଣସି ନିଷ୍ପତ୍ତି ହୋଇ ନ ପାରିବାରୁ ରାତିରେ ପୁଣି ଥରେ ବୈଠକ ବସିଥିଲା ଓ ସେଥିରେ ସୋନିଆ ଓ ରାହୁଲ ଯୋଗଦେଇଥିଲେ।
ସୋନିଆ ୧୯୯୭ରେ କଂଗ୍ରେସରେ ଯୋଗଦେଇଥିଲେ ଏବଂ ୧୯୯୮ରୁ ଦୀର୍ଘ ୧୯ ବର୍ଷ ଧରି କଂଗ୍ରେସର ନେତୃତ୍ୱ ସମ୍ଭାଳିଥିଲେ। ତାଙ୍କ ନେତୃତ୍ୱରେ କଂଗ୍ରେସ ୨୦୦୪ ଓ ୨୦୦୯ ଲୋକ ସଭା ନିର୍ବାଚନ ଜିତି ସହଯୋଗୀ ଦଳଗୁଡିକର ସମର୍ଥନରେ ସରକାର ଗଢ଼ିଥିଲା। ସ୍ବାସ୍ଥ୍ୟଗତ କାରଣରୁ ୨୦୧୭ରେ ସୋନିଆ ଅଧ୍ୟକ୍ଷ ପଦରୁ ଅବ୍ୟାହତି ନେଇ ରାହୁଲଙ୍କୁ ଦଳର ନେତୃତ୍ୱ ହସ୍ତାନ୍ତର କରିଥିଲେ।


Enter your email to get our daily news in your inbox.

All Right Reserved By Dharitri.Com

ପ୍ରିୟଙ୍କାଙ୍କ ପାଇଁ ଏକଜୁଟ ହେଲାଣି ଇଣ୍ଡିଆ ମେଣ୍ଟ, ଏହି ନେତାଙ୍କୁ ପ୍ରଚାରକୁ ଆଣିବାକୁ ଚାଲିଛି ପ୍ରସ୍ତୁତି

ନୂଆଦିଲ୍ଲୀ,୨୧।୬: ରାହୁଲ ଗାନ୍ଧୀ ୱାୟାନାଡ ଆସନ ଛାଡିବା ପରେ ପ୍ରିୟଙ୍କା ଗାନ୍ଧୀଙ୍କ ନାମ ଚର୍ଚ୍ଚାରେ ରହିଛି। ସେ ଏଠାରୁ ଉପ-ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଯାଉଛନ୍ତି। କହିବାକୁ...

ଜାରି ହେଲା NEETର ଆଡ୍‌ମିଟ୍‌ କାର୍ଡ, ଏହି ଦିନ ପରୀକ୍ଷା

ନୂଆଦିଲ୍ଲୀ, ୨୧।୬: NEET ପରୀକ୍ଷାରେ ହୋଇଥିବା ଅନିୟମିତତାକୁ ନେଇ ଦେଶରେ ଚର୍ଚ୍ଚା ଜାରି ରହିଛି । ଏହାରି ମଧ୍ୟରେ ୧୫୬୩ ଆଶାୟୀଙ୍କ ପୁନର୍ବାର ପରୀକ୍ଷା ହେବା...

କଂଗ୍ରେସର ହାତ ଧରିଲେ ପୂର୍ବତନ ସ୍ପିକର

ହାଇଦ୍ରାବାଦ,୨୧।୬: ଭାରତ ରାଷ୍ଟ୍ର ସମିତି (ବିଆରଏସ) ତେଲଙ୍ଗାନାରେ ଆଉ ଏକ ଅସୁବିଧାର ସମ୍ମୁଖୀନ ହୋଇଛି। ଏଠାରେ ଶୁକ୍ରବାର (୨୧ ଜୁନ ୨୦୨୪) ରେ ପଞ୍ଚମ ପିଆରଏସ...

‘କେଜ୍‌ରିଓ୍ବାଲଙ୍କ ସହ ଆତଙ୍କବାଦୀ ଭଳି ବ୍ୟବହାର କରାଯାଉଛି’

ନୂଆଦିଲ୍ଲୀ,୨୧।୬: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିଓ୍ବାଲଙ୍କୁ ଜାମିନ ଉପରେ ଅସ୍ଥାୟୀ ଭାବେ ରୋକ ଲଗାଯିବା ପରେ ଆମ ଆଦ୍‌ମୀ ପାର୍ଟି ପକ୍ଷରୁ ତୀବ୍ର ପ୍ରତିକ୍ରିୟା ପ୍ରକାଶ...

ୟୁପିରେ ଏବେ ବିଧାନସଭା ନିର୍ବାଚନ ହେଲେ କିଏ ଗଢିବ ସରକାର, ତାଜୁବ କରିଦେବ ଆକଳନ

ନୂଆଦିଲ୍ଲୀ,୨୧।୬: ଚଳିତ ନିର୍ବାଚନରେ ଉତ୍ତରପ୍ରଦେଶରେ ଇଣ୍ଡିଆ ଆଲାଇନ୍ସ ଅତୁଳନୀୟ ସଫଳତା ହାସଲ କରିଛି। ୟୁପିର ୮୦ଟି ଲୋକ ସଭା ଆସନ ମଧ୍ୟରୁ ଇଣ୍ଡିଆ ୪୩ଟି ଆସନ...

ଲୋକ ସଭା ନିର୍ବାଚନ ପରେ ଉପ ନିର୍ବାଚନରେ ହଜାର କୋଟି ଖର୍ଚ୍ଚ କରିବ ଇଲେକ୍ସନ କମିଶନ, ରାହୁଲ ଗାନ୍ଧୀଙ୍କ ସମେତ ଦାୟୀ ଆଉ ୧୦ ନେତା

ନୂଆଦିଲ୍ଲୀ,୨୧।୬: ସମଗ୍ର ଦେଶର ଲୋକ ସଭା ନିର୍ବାଚନର ଉତ୍ସାହ ଏବଂ ଚାରିଟି ରାଜ୍ୟର ବିଧାନସଭା ନିର୍ବାଚନର ଉତ୍ସାହ ଏବେ ପର୍ଯ୍ୟନ୍ତ କମିନାହିଁ ଏବଂ ବର୍ତ୍ତମାନ ଉପ-ନିର୍ବାଚନ...

ଲୋକ ସଭାରେ ଭର୍ତ୍ତୃହରୀଙ୍କ ନିଯୁକ୍ତିକୁ ବିରୋଧ କରୁଛି କଂଗ୍ରେସ, ଜାଣନ୍ତୁ କାରଣ…

ନୂଆଦିଲ୍ଲୀ,୨୧।୬: କେନ୍ଦ୍ରରେ ନୂଆ ସରକାର ଗଠନ ପରେ ସୋମବାରଠାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ତୃତୀୟ ସରକାରଙ୍କ ପ୍ରଥମ ଅଧିବେଶନ ଆରମ୍ଭ ହେବ। ଏହି ଅଧିବେଶନରେ...

ନୂଆ ସରକାରରେ ଜେପି ନଡ୍ଡାଙ୍କୁ ମିଳିପାରେ ଗୁରୁ ଦାୟିତ୍ୱ, ହୋଇପାରନ୍ତି ରାଜ୍ୟ ସଭାର…

ନୂଆଦିଲ୍ଲୀ,୨୧।୬: ଭାରତୀୟ ଜନତା ପାର୍ଟିର ରାଷ୍ଟ୍ରୀୟ ସଭାପତି ଜେପି ନଡ୍ଡାଙ୍କୁ ଖୁବ ଶୀଘ୍ର ନୂଆ ସରକାରରେ ଆଉ ଏକ ଗୁରୁ ଦାୟିତ୍ୱ ମିଳିପାରେ। ଏନେଇ କେବଳ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri