ସାନତିହାଡ଼ା ଗ୍ରାମରେ ଅଭାବନୀୟ ଘଟଣା: ସ୍ତ୍ରୀଙ୍କୁ ହତ୍ୟା ପରେ ଜାଳିଦେଲେ

ଜଗତ୍‌ସିଂହପୁର ଅଫିସ,୨୬ା୧୦: ଜଗତ୍‌ସିଂହପୁର ଥାନା ଅଧୀନ ସାନତିହାଡ଼ା ଗ୍ରାମରେ ଗୁରୁବାର ରାତିରେ ଏକ ଅଭାବନୀୟ ଘଟଣା ଘଟିଛି। ରଶ୍ମିତା ରାଉତ ନାମ୍ନୀ ମହିଳାଙ୍କୁ ତାଙ୍କ ସ୍ବାମୀ ରୁଦ୍ରପ୍ରସନ୍ନ ହତ୍ୟା କରିବା ପରେ ପେଟ୍ରୋଲ ଢାଳି ଜାଳି ଦେଇଛନ୍ତି। ଏନେଇ ରଶ୍ମିତାଙ୍କ ବାପା ପ୍ରଶାନ୍ତ ଖଟୁଆ ଶୁକ୍ରବାର ଥାନାରେ ଅଭିଯୋଗ କରିଛନ୍ତି। ପୋଲିସ ଦଫା ୪୯୮(ଏ)/୩୦୨/୨୦୧ ଆଇପିସିରେ ମାମଲା ନଂ-୩୬୨/୧୯ ରୁଜୁ କରିବା ସହ ରୁଦ୍ରପ୍ରସନ୍ନଙ୍କୁ ଅଟକ ରଖି ଘଟଣାର ତଦନ୍ତ ଆରମ୍ଭ କରିଛି। ମୃତଦେହ ବ୍ୟବଚ୍ଛେଦ ପାଇଁ ଶନିବାର କଟକ ବଡ ଡାକ୍ତରଖାନା ନିଆଯିବ ବୋଲି ଆଇଆଇସି ରଜନୀକାନ୍ତ ମିଶ୍ର କହିଛନ୍ତି।
ପୋଲିସ ସୂଚନା ଅନୁଯାୟୀ, ରଶ୍ମିତା ଓ ରୁଦ୍ରପ୍ରସନ୍ନଙ୍କ ୯ ବର୍ଷ ହେବ ବିବାହ ହୋଇଥିଲା। ସେମାନଙ୍କ ୮ ବର୍ଷର ଏକ ପୁତ୍ର ସନ୍ତାନ ଅଛି। ସାନ ଭାଇ ବ୍ରହ୍ମପୁରରେ ରହୁଥିବାବେଳେ ବଡ଼ ଭାଇ ରୁଦ୍ରମାଧବ ତାଙ୍କ ସହ ଗାଁରେ ରହୁଛନ୍ତି। ତେଣୁ ରୁଦ୍ରପ୍ରସନ୍ନ ଓ ରୁଦ୍ରମାଧବ ଭିନ୍ନ ହୋଇଥିଲେ ସୁଦ୍ଧା ଘର ତଳ ମହଲାରେ ଅଲଗା ରହୁଛନ୍ତି। ଦୁଇ ଭାଇ ଘରଠାରୁ ପାଖାପାଖି ୪୦/୫୦ ମିଟର ଦୂରରେ ପୃଥକ କୁକୁଡ଼ା ଫାର୍ମ କରିଥିଲେ। ଫନୀ ବାତ୍ୟାରେ ରୁଦ୍ରପ୍ରସନ୍ନଙ୍କ ଫାର୍ମ ଭାଙ୍ଗିଯାଇଛି। କିନ୍ତୁ ରୁଦ୍ରମାଧବଙ୍କ ଫାର୍ମ ଭଲ ରହିଛି। ରୁଦ୍ରମାଧବ ଦମ୍ପତିଙ୍କ ସନ୍ତାନସନ୍ତତି ନାହିଁ। ସେମାନେ ରାତିରେ ଫାର୍ମକୁ ଶୋଇବାକୁ ଯାଆନ୍ତି। ସାଙ୍ଗରେ ରୁଦ୍ରପ୍ରସନ୍ନଙ୍କ ୮ ବର୍ଷର ପୁଅକୁ ଅନେକ ସମୟରେ ନେଇଯାନ୍ତି। ଗୁରୁବାର ରୁଦ୍ରପ୍ରସନ୍ନଙ୍କ ପୁଅକୁ ଧରି ରୁଦ୍ରମାଧବ ଦମ୍ପତି ଶୋଇବାକୁ ଯାଇଥିଲେ। ଶୁକ୍ରବାର ସକାଳେ ରୁଦ୍ରମାଧବ ଘରକୁ ଫେରିଲା ପରେ ଏହି ଘଟଣା ଦେଖିଥିଲେ। ତେଣୁ ରଶ୍ମିତାଙ୍କ ମୃତ୍ୟୁ ଖବର ତୁରନ୍ତ ଥାନାକୁ ଯାଇ କହିବାକୁ ରୁଦ୍ରପ୍ରସନ୍ନଙ୍କୁ ନିର୍ଦ୍ଦେଶ ଦେଇଥିଲେ। ରୁଦ୍ରପ୍ରସନ୍ନ ଥାନାରେ ପହଞ୍ଚତ୍ ତାଙ୍କ ସ୍ତ୍ରୀ ଆତ୍ମହତ୍ୟା କରିଥିବା କହିଥିଲେ। ରାତିରେ ପାଟିତୁଣ୍ଡ ହେବାରୁ ସ୍ତ୍ରୀ ପେଟ୍ରୋଲ, କିରୋସିନ ଢାଳି ଆତ୍ମହତ୍ୟା କରିଛନ୍ତି ବୋଲି ସଫେଇ ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚତ୍ଲା ପରେ ଆତ୍ମହତ୍ୟା ନୁହେଁ, ହତ୍ୟା କରାଯାଇଥିବା ସନ୍ଦେହ କରିଥିଲା। ହତ୍ୟାପରେ ଆତ୍ମହତ୍ୟା ରୂପ ଦେବା ପାଇଁ ରୁଦ୍ରପ୍ରସନ୍ନ ମୃତଦେହ ଘର ଆଗ ଅଗଣାରେ ରଖି ପୋଡି ଦେବାକୁ ଯୋଜନା କରିଥିଲେ। ବର୍ଷା ହେଉଥିବାରୁ ଏଥିରେ ବାଧା ଉପୁଜିଥିଲେ ସୁଦ୍ଧା ଲକ୍ଷ୍ୟ ପୂରଣରେ ଆପାତତଃ ସଫଳ ହୋଇଥିଲେ। କିଛି ଦିନ ପୂର୍ବରୁ ରଶ୍ମିତା ତାଙ୍କର କେହି ବନ୍ଧୁଙ୍କ ସହ କଥା ହେବାକୁ ନେଇ କୁଆଡେ ଉଭୟଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ଏହି କଥାକୁ ନେଇ ରଶ୍ମିତାଙ୍କ ଉପରେ ରୁଦ୍ରପ୍ରସନ୍ନ ସନ୍ଦେହ କରି ଏଭଳି କାଣ୍ଡ ଘଟାଇଥିବା କୁହାଯାଉଛି। ଅଧିକ ତଦନ୍ତ ପରେ ସତ୍ୟାସତ୍ୟ ପଦାକୁ ଆସିବ ବୋଲି ପୋଲିସ କହିଛି।


Enter your email to get our daily news in your inbox.

All Right Reserved By Dharitri.Com

କମୁଛି ଗୃହପାଳିତ ପଶୁପକ୍ଷୀଙ୍କ ସଂଖ୍ୟା

ବିନିକା,୨୬ା୨(ଡି.ଏନ୍‌.ଏ.) – ସୁବର୍ଣ୍ଣପୁର ଜିଲା ବିନିକା ବ୍ଲକ ଓ ଏନଏସି ଅଞ୍ଚଳରେ ଗୃହପାଳିତ ପଶୁପକ୍ଷୀଙ୍କ ସଂଖ୍ୟା ଦିନକୁ ଦିନ କମିବାରେ ଲାଗିଛି। ରାଜ୍ୟ ସରକାରଙ୍କ ପ୍ରାଣୀ...

ଚିଙ୍ଗୁଡ଼ି ସହ ୫ ହଜାର ଲାଞ୍ଚ ମାଗି ଏଏସ୍‌ଆଇ ନିଲମ୍ବିତ

ଭଦ୍ରକ ଅଫିସ/ଚାନ୍ଦବାଲି, ୩୦।୪ (ଡି.ଏନ.ଏ.)- ଜଣେ ଅଭିଯୁକ୍ତଙ୍କୁ ଖସାଇ ଦେବା ପାଇଁ ଚିଙ୍ଗୁଡ଼ି ସହ ୫ ହଜାର ଟଙ୍କା ଲାଞ୍ଚ ମାଗିବା ଅଭିଯୋଗରେ ଭଦ୍ରକ ଜିଲା...

ରାସ୍ତା ପାରବେଳେ ଜୀବନ ହାରୁଛନ୍ତି ଜୀବଜନ୍ତୁ: ଅଣ୍ଡରପାସ୍‌ ନିର୍ମାଣ ଦାବି

କେନ୍ଦୁଝର, ୨୩ା୮ (ସ୍ବ.ପ୍ର.)-ରାଜ୍ୟ ଏବଂ କେନ୍ଦ୍ର ସରକାର ବନ୍ୟ ପ୍ରାଣୀଙ୍କ ସୁରକ୍ଷା ପାଇଁ କୋଟି କୋଟି ଟଙ୍କା ଖର୍ଚ୍ଚ କରୁଥିଲେ ମଧ୍ୟ ଏହା ଠିକ୍‌ ଭାବେ...

କର୍ତ୍ତବ୍ୟ ଆଗରେ ହାର୍‌ ମାନିଲା ଝିଅ ହରାଇବା ଦୁଃଖ

ପିପିଲି,୨୭।୪(ଡି.ଏନ୍‌.ଏ.): ନିଜ ଦୁଃଖ ଓ ସମସ୍ୟାକୁ ପଛରେ ପକାଇ ମହାମାରୀ କରୋନା ମୁକାବିଲାରେ ଦେଶ ପାଇଁ ସେବା ପ୍ରଦାନ କରି ଅନେକ ପୋଲିସ କର୍ମଚାରୀ ବେଶ...

ବିଭିନ୍ନ ଦାବିନେଇ ଜିନ୍ଦଲ କ୍ଷତିଗ୍ରସ୍ତ ପ୍ରଜାଙ୍କ ଜନ ଆନ୍ଦୋଳନ: ଜାତୀୟ ରାଜପଥ ଅବରୋଧ

ଛେଣ୍ଡିପଦା,୧୨।୮(ସ୍ବ.ପ୍ର.): ଅନୁଗୋଳ ଜିଲା ଜରପଡ଼ା ଥାନା ଅନ୍ତର୍ଗତ ଜରଡ଼ାଠାରେ ସୋମବାର ଜିନ୍ଦଲ କ୍ଷତିଗ୍ରସ୍ତ ପ୍ରଜା ସଂଘ ପକ୍ଷରୁ ଜନ ଆନ୍ଦୋଳନ ଦେଖିବାକୁ ମିଳିଛି। ବିଭିନ୍ନ ମୌଳିକ...

ରାଜସ୍ବ ପ୍ରଶାସନରେ ଅଦଳବଦଳ

ଭୁବନେଶ୍ୱର, ୧୪ା୧୨(ବ୍ୟୁରୋ): ରାଜ୍ୟର ରାଜସ୍ବ ସେବା କ୍ଷେତ୍ରରେ କାର୍ଯ୍ୟରତ ଅଫିସର ସ୍ତରରେ ଶୁକ୍ରବାର ବ୍ୟାପକ ଅଦଳବଦଳ କରାଯାଇଛି। ବିଭାଗୀୟ ବିଜ୍ଞପ୍ତି ନଂ. ୩୯୮୭୪ ଅନୁଯାୟୀ ୧୫...

ବିଷାକ୍ତ ଛତୁ ଖାଇ ୬ ଅସୁସ୍ଥ

ସୁନ୍ଦରଗଡ଼, ୯।୭(ଡି.ଏନ୍‌.ଏ.): ସୁନ୍ଦରଗଡ଼ ଗ୍ରାମପଞ୍ଚାୟତ ଦାଣ୍ଡପାଣି ଗ୍ରାମରେ ମଙ୍ଗଳବାର ବିଷାକ୍ତ ଛତୁ ଖାଇ ୬ଜଣ ଅସୁସ୍ଥ ହୋଇପଡ଼ିଛନ୍ତି। ଚିକିତ୍ସା ପାଇଁ ସେମାନଙ୍କୁ କିଂଜିରିକେଲା ଡାକ୍ତରଖାନାରେ ଭର୍ତ୍ତି...

ବିଶ୍ୱ ପରିବେଶ ଦିବସ: ବ୍ରହ୍ମକ୍ଷେତ୍ରରେ ବୃକ୍ଷରୋପଣ

ନିଶ୍ଚିନ୍ତକୋଇଲି,୫।୬(ସ୍ବ.ପ୍ର.): କଟକ ଜିଲା ନିଶ୍ଚିନ୍ତକୋଇଲି ବ୍ଲକ ଜିଗ୍ନିପୁର ପଞ୍ଚାୟତ ବ୍ରହ୍ମକ୍ଷେତ୍ର ପୀଠରେ ଜୁନ୍‌ ୫ ତାରିଖରେ ବିଶ୍ୱପରିବେଶ ଦିବସ ପାଳିତ ହୋଇଛି। ଏହି ଅବସରରେ ବ୍ଲକର...

Advertisement


Archives

Model This Week