Advertisement

ସରିଲା ବାଲିଯାତ୍ରା: ପୁଣି ଆସନ୍ତା ବର୍ଷକୁ ଅପେକ୍ଷା

କଟକ ଅଫିସ, ୨୧।୧୧: ୯ ଦିନ ଧରି ଚାଲିଥିବା ଐତିହାସିକ କଟକ ବାଲିଯାତ୍ରା ବୁଧବାର ଶେଷ ହୋଇଛି। ଏଥିରେ ୫ ଲକ୍ଷ ଲୋକଙ୍କ ସମାଗମ ହୋଇଥିବାବେଳେ ୯ ଦିନରେ ୫୦ କୋଟିରୁ ଊର୍ଦ୍ଧ୍ୱ ଟଙ୍କାର କାରବାର ହୋଇଥିବା ପ୍ରାରମ୍ଭିକ ଆକଳନ କରାଯାଇଛି। ତନ୍ମଧ୍ୟରୁ କେବଳ ଓର୍‌ମାସ୍‌ ୮ ଦିନରେ ୧୧ କୋଟି ଟଙ୍କାର କାରବାର କରିଥିବା ଜଣାପଡ଼ିଛି। ଶେଷ ଦିନରେ ପ୍ରବଳ ଭିଡ଼ ସାଙ୍ଗକୁ ଜିନିଷପତ୍ର କିଣାବିକା ଜୋରଦାର ଚାଲିଥିଲା। ବିଭିନ୍ନ ଫାଷ୍ଟଫୁଡ ଷ୍ଟଲ୍‌ରେ ମଧ୍ୟ ଭଲ ବ୍ୟବସାୟ ହୋଇଥିଲା। ବିଭିନ୍ନ ଷ୍ଟଲ୍‌ରେ ନାନା ଅଫରର ଲୋଭ ଦେଖାଇଥିଲେ ବ୍ୟବସାୟୀ। ଆଇସ୍‌କ୍ରିମଠାରୁ ଆରମ୍ଭକରି ବିଭିନ୍ନ ପ୍ରକାର ମସଲା ଆଇଟମ୍‌, ବିଭିନ୍ନ ସାମଗ୍ରୀ ଲୋକେ କିଣାକିଣି କରି ନେଉଥିଲେ। ଛୋଟ ପିଲାଠାରୁ ବଡ଼ ପର୍ଯ୍ୟନ୍ତ ସମସ୍ତେ ଦୋଳି ଖେଳିବାର ମଜା ଉଠାଇଥିଲେ। ଏବେ ପୁଣି ଶାନ୍ତ ହୋଇଯିବ ମହାନଦୀ ପଠା। ଆଉ ଶୁଭିବନି କୋଳାହଳ। ପୁଣି ଆସନ୍ତା ବର୍ଷ ବାଲିଯାତ୍ରାକୁ ଅପେକ୍ଷା କରିବାକୁ ପଡ଼ିବ।
ଏନ୍‌ଡିଆର୍‌ଏଫ୍‌ ଷ୍ଟଲ୍‌ରେ ଭିଡ଼
ଚଳିତବର୍ଷ ଏନ୍‌ଡିଆର୍‌ଏଫ୍‌ ପକ୍ଷରୁ ପ୍ରଥମ ଥର ବାଲିଯାତ୍ରାରେ ଷ୍ଟଲ୍‌ ଖୋଲାଯାଇଥିବା ବେଳେ ଶେଷ ଦିନରେ ଅଧିକ ଭିଡ଼ ହୋଇଥିଲା। ଏହି ଷ୍ଟଲ୍‌ରେ ଲାଇଭ୍‌ ଡିଟେକ୍‌ଟିଭ, ଭିକ୍ଟିମ କ୍ୟାମେରା, ଥର୍ମାଲ ଇମେଜିଂ କ୍ୟାମେରା, ନେଲଗନ୍‌, ବୋଟ୍‌ ଏହିପରି ୨୫ଟି ଅତ୍ୟାଧୁନିକ ଯନ୍ତ୍ରପାତି ପ୍ରଦର୍ଶନ କରାଯାଇଥିଲା। ଏସବୁ ଅତ୍ୟାଧୁନିକ ଯନ୍ତ୍ର ସାହାଯ୍ୟରେ ବନ୍ୟା,
ବାତ୍ୟା, ଭୂମିକମ୍ପ ଭଳି ପ୍ରାକୃତିକ ବିପର୍ଯ୍ୟୟ ସମୟରେ ସୁରକ୍ଷା ଦେବା ନେଇ ଲୋକଙ୍କୁ ସଚେତନ କରାଯାଇଥିଲା। ବିଶେଷକରି ବୋଟ୍‌ରେ କିପରି ଲୋକେ ବସିବେ ତାହା ବୁଝାଇ ଦିଆଯାଇଥିଲା। ଏନ୍‌ଡିଆର୍‌ଏଫ୍‌ରେ ବ୍ୟବହୃତ ହେଉଥିବା ବେସ୍‌ ଲାଇଟ୍‌ ଭୂମିଠାରୁ ୨୦ ମିଟର ଉପରକୁ ଯାଇ ସମ୍ପୂର୍ଣ୍ଣ ଅଞ୍ଚଳକୁ ଆଲୋକିତ କରିପାରିବ ବୋଲି ସବ୍‌ଇନ୍ସପେକ୍ଟର ବିଷ୍ଣୁ ପ୍ରସାଦ ବେହେରା କହିଥିଲେ।
ତାରକସି ସାମଗ୍ରୀର ଚାହିଦା
ବାହାରୁ ଆସୁଥିବା ଲୋକଙ୍କ ଭିଡ଼ ତାରକସି ଷ୍ଟଲ୍‌ରେ ଦେଖିବାକୁ ମିଳିଥିଲା। ତାରକସିରେ ନିର୍ମିତ ଇୟର ରିଙ୍ଗ୍‌, ଲକେଟ, ପାଉଁଜି, ମୁଦି, ଦେବଦେବୀଙ୍କ ପ୍ରତିମୂର୍ତ୍ତି ଓ ମୁକୁଟ, ଗ୍ଲାସ, ଥାଳି ଇତ୍ୟାଦି ଭଲ ବ୍ୟବସାୟ ହୋଇଛି। ଷ୍ଟଲ୍‌ରେ ୧୦୦ ଟଙ୍କାରୁ ଆରମ୍ଭ କରି ୨୫ହଜାର ଟଙ୍କା ପର୍ଯ୍ୟନ୍ତ ସାମଗ୍ରୀ ରହିଥିବା ବ୍ୟବସାୟୀମାନଙ୍କଠାରୁ ଜଣାପଡ଼ିଥିଲା।
ବୋଟିଂର ମଜା ନେଲେ ଲୋକେ
ଚଳିତବର୍ଷ ମହାନଦୀ ପଠାରେ ସ୍କୁବା ଡାଇବର ସବିର ବକ୍ସଙ୍କ ନେତୃତ୍ୱରେ ବୋଟିଂ ବ୍ୟବସ୍ଥା ହୋଇଥିଲା। ସ୍ପିଡ୍‌ ବୋଟ୍‌, ଜେଟି, ପେଟେଲ ବୋଟ, ବାନାନା ବୋଟ୍‌ ଏହିପରି ୧୪ଟି ବୋଟ୍‌ରେ ବସି ଲାଇଫ ଜ୍ୟାକେଟ ପିନ୍ଧି ବୋଟିଂର ମଜା ନେଇଥିଲେ ଲୋକେ। ଏଥିପାଇଁ ୨୦୦ରୁ ୬୦୦ ଟଙ୍କା ପର୍ଯ୍ୟନ୍ତ ଖର୍ଚ୍ଚ କରିବାକୁ ପଡ଼ିଥିଲା। ଚଳିତବର୍ଷ ପ୍ରଚାର ପ୍ରସାର କମ୍‌ ହୋଇଥିବାରୁ ଆଶାଜନକ ବ୍ୟବସାୟ ହୋଇ ନ ଥିବା ସବିର କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଟେଷ୍ଟିଂ କିଟ୍‌ ଅଭାବ, ଫେରିଗଲେ ୪୦ ରୋଗୀ

କଟକ ଅଫିସ,୨୬ା୮: କରୋନାକୁ ନିୟନ୍ତ୍ରଣରେ ଆଣିବା ଲାଗି ରାଜ୍ୟ ସରକାର ଟେଷ୍ଟିଂକୁ ଅଧିକ ଗୁରୁତ୍ୱ ଦେଉଛନ୍ତି। କିନ୍ତୁ ଏହା କେବଳ କଥାରେ ସୀମିତ ବୋଲି ଆଚାର୍ଯ୍ୟ...

ଏନ୍‌କାଉଣ୍ଟର ପରେ ବି ସୁଧୁରୁ ନାହାନ୍ତି ଅପରାଧୀ, ଚିନ୍ତାରେ ପୋଲିସ

ବ୍ରହ୍ମପୁର ଅଫିସ,୧୬ା୬-ଗଞ୍ଜାମ ଜିଲାକୁ ଅପରାଧମୁକ୍ତ କରିବା ପାଇଁ ପୋଲିସ ଅପରେଶନ ‘କ୍ରିମିନାଲ୍‌ କ୍ଲିନ୍‌’ ଆରମ୍ଭ କରିଥିଲା । ଏଥିପାଇଁ ଉଭୟ ଗଞ୍ଜାମ ଓ ବ୍ରହ୍ମପୁର ପୋଲିସ...

ଆଇସୋଲେଶନ ସେଣ୍ଟରକୁ ବିରୋଧ

ବିଶୋଇ,୧୧ା୫(ଡି.ଏନ୍‌.ଏ.)- ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି। ବାହାର ରାଜ୍ୟରୁ ପ୍ରବାସୀଓଡ଼ିଆ ମାନେ ନିଜ ଅଞ୍ଚଳକୁ ଆସି ପ୍ରଥମେ ଆଇସୋଲେଶନ ସେଣ୍ଟରରେ ରହିବା...

କର୍ମଚାରୀ କରୋନା ଅକ୍ରାନ୍ତ ଚିହ୍ନଟ ପରେ ସିଲ୍‌ ହେଲା ବ୍ୟାଙ୍କ

ଜି ଉଦୟଗିରି, ୧୫।୮(ଡି.ଏନ୍‌.ଏ.): କନ୍ଧମାଳ ଜିଲା ଜି ଉଦୟଗିରିସ୍ଥିତ ଭାରତୀୟ ଷ୍ଟେଟ ବ୍ୟାଙ୍କ ମୁଖ୍ୟ ଶାଖାର ଜଣେ କର୍ମଚାରୀ ମଙ୍ଗଳବାର କରୋନା ପଜିଟିଭ ଚିହ୍ନଟ ହୋଇଥିଲେ।...

ଜାତୀୟ ପତାକାକୁ ଅସମ୍ମାନ ଘଟଣା: ଶାନ୍ତି ଫେରାଇ ଆଣିବା ପାଇଁ ପ୍ରଶାସନର ପ୍ରୟାସ

ଝାରସୁଗୁଡ଼ା ଅଫିସ,୨୬ା୮: ଝାରସୁଗୁଡ଼ା ଜିଲା ବନ୍ଧବାହାଲ ଶିଳ୍ପାଞ୍ଚଳରେ ଗୁରୁବାର ଏକ ମାଂସ ଦୋକାନୀ କଟାଛେଳିମୁଣ୍ଡକୁ ଜାତୀୟ ପତାକାରେ ଢାଙ୍କି ରଖି ଅସମ୍ମାନ କରିଥିଲେ। ଏହାକୁ ନେଇ...

ଡାକ୍ତର ଅଙ୍କୁଶ ଜାଜୋଡ଼ିଆଙ୍କୁ ସ୍ବର୍ଣ୍ଣପଦକ

କଟକ ଅଫିସ, ୨୮ା୧୨: ଡାକ୍ତର ଅଙ୍କୁଶ ଜାଜୋଡ଼ିଆଙ୍କୁ ଦିଲ୍ଲୀସ୍ଥିତ ଆମ୍ବେଡକର ଇଣ୍ଟରନ୍ୟାଶନାଲ ସେଣ୍ଟରରେ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଡାକ୍ତର ହର୍ଷବର୍ଦ୍ଧନ ସ୍ବର୍ଣ୍ଣପଦକ ପ୍ରଦାନ କରିଛନ୍ତି। ସର୍ବଭାରତୀୟ ସ୍ତରରେ...

ପ୍ରଶ୍ନକାଳ ଆରମ୍ଭରୁ ଗୃହରେ ହଟ୍ଟଗୋଳ: ସାଢ଼େ ୧୧ଟା ଯାଏ ଗୃହ ମୁଲତବୀ

ଭୁବନେଶ୍ୱର, ୧।୭(ବ୍ୟୁରୋ): ସୋମବାର ବିଧାନସଭାରେ ପ୍ରଶ୍ନକାଳ ଆରମ୍ଭରୁ ହଟ୍ଟଗୋଳ ସୃଷ୍ଟି ହୋଇଥିଲା। ଫଳରେ ବାଚସ୍ପତି ଦିନ ସାଢ଼େ ୧୧ଟା ଯାଏ ଗୃହକୁ ମୁଲତବୀ ଘୋଷଣା କରିଛନ୍ତି।...

ଆବାସିକ ବିଦ୍ୟାଳୟର ୩ ଛାତ୍ର ନିଖୋଜ

ବାରିପଦା ଅଫିସ,୧୯।୮- ବାରିପଦା ସଦର ଥାନା ଅଧୀନ ଶିରିଶବଣୀଠାରେ ଥିବା ଏସଭିଏସ ଆବାସିିକ ବିଦ୍ୟାଳୟରେ ପଢ଼ୁଥିବା ନବମ ଶ୍ରେଣୀର ୩ ଛାତ୍ର ଗତ ୧୫ ତାରିଖ...

Advertisement
Archives

Model This Week