ଶାରଳା ମନ୍ଦିରରେ ଏଜି ଅଡିଟ୍‌: ୨୮କର୍ମଚାରୀଙ୍କ ନିଯୁକ୍ତି ତଥ୍ୟ ମିଳୁନାହିଁ

ଜଗତ୍‌ସିଂହପୁର ଅଫିସ,୨୬ା୧୨: ଜଗତ୍‌ସିଂହପୁର ଜିଲାର ଅଧିଷ୍ଠାତ୍ରୀ ଦେବୀ ମା’ ଶାରଳାଙ୍କ ପୀଠରେ ହେଉଥିବା ଅବ୍ୟବସ୍ଥା ସମ୍ପର୍କରେ ବହୁ ତଥ୍ୟ ଲୋକଲୋଚନକୁ ଆସିଛି। ମନ୍ଦିର ପ୍ରଶାସନ ଅଧୀନରେ କାର୍ଯ୍ୟରତ ୨୮ଜଣ କର୍ମଚାରୀ କେବେ ନିଯୁକ୍ତି ପାଇଥିଲେ ସେ ସଂକ୍ରାନ୍ତୀୟ ତଥ୍ୟ ମିଳୁ ନାହିଁ। ଯେଉଁ କାରଣରୁ ୩୦ ବର୍ଷରୁ ଊର୍ଦ୍ଧ୍ୱ ହେଲା ଅନେକ କାମ କରି ଚାଲିଛନ୍ତି। ସବୁଠାରୁ ବଡ଼ କଥା ହେଲା ୮୦/୮୨ ବର୍ଷର ଲୋକ ବି ମନ୍ଦିର କର୍ମଚାରୀଭାବେ କାର୍ଯ୍ୟ କରୁଛନ୍ତି। ଯେହେତୁ ସେମାନଙ୍କ ନିଯୁକ୍ତି ସଂକ୍ରାନ୍ତୀୟ କୌଣସି ତଥ୍ୟ ନାହିଁ, ତେଣୁ ସେମାନେ ଅବସର କେବେ ନେବେ ତାହା ଏବେ ପ୍ରଶ୍ନବାଚୀ ସୃଷ୍ଟି କରିଛି। ଏଭଳି ସାଂଘାତିକ ତଥ୍ୟ ଜାଣିବାକୁ ମିଳିଛି ଏଜି ଅଡିଟ୍‌ ସମୟରେ। ସେହିପରି ପ୍ରତି କର୍ମଚାରୀଙ୍କୁ ଏଠାରେ ଦୈନିକ ୨ଟି ଲେଖାଏ ମିଲ୍‌ ପ୍ରଦାନ କରାଯାଉଛି। ସେମାନେ ଏହାକୁ ବିକ୍ରି କରିଦେଉଛନ୍ତି ବୋଲି ଅଡିଟରେ ଧରାପଡ଼ିଥିବା ବିଶେଷ ସୂତ୍ରରୁ ସୂଚନା ମିଳିଛି।
ଏଜି(ଅଡିଟର୍‌ ଜେନେରାଲ)ଅଡିଟ୍‌ ଗତ ୧୦ତାରିଖରୁ ଆରମ୍ଭ ହୋଇ ୨୧ ତାରିଖ ପର୍ଯ୍ୟନ୍ତ ଚାଲିଥିଲା। ଅଡିଟ୍‌ ସମୟରେ ମନ୍ଦିରରେ ଅନେକ ଅନିୟମିତତାର ଗନ୍ଧ ବାରି ହୋଇଛି। ବିଶେଷକରି ମନ୍ଦିରରେ କାର୍ଯ୍ୟରତ ସ୍ଥାୟୀ, ଅସ୍ଥାୟୀ କର୍ମଚାରୀ ଓ ଦୈନନ୍ଦିନ ପାରିଶ୍ରମିକରେ କାମ କରୁଥିବା ପାଖାପାଖି ୨୮ଜଣ କେବେଠାରୁ ନିଯୁକ୍ତ ହୋଇଛନ୍ତି ସେ ସମ୍ପର୍କରେ କୌଣସି ତଥ୍ୟ ମିଳିନି। କିନ୍ତୁ ସେମାନେ ଜଣପିଛା ୪,୦୦୦ରୁ ୮,୦୦୦ ଟଙ୍କା ପର୍ଯ୍ୟନ୍ତ ପାରିଶ୍ରମିକ ପାଉଛନ୍ତି। ସରକାରୀ ନିଷ୍ପତ୍ତି ଅନୁଯାୟୀ କୌଣସି କର୍ମଚାରୀ ୬୦ବର୍ଷରୁ ଅଧିକ ସମୟ ଦାୟିତ୍ୱରେ ରହିବା କଥା ନୁହେଁ। ବାର୍ଦ୍ଧକ୍ୟ କାରଣରୁ କର୍ତ୍ତବ୍ୟରେ ଖିଲାପ ସାଙ୍ଗକୁ ଭୁଲ ଭଟକା ହେବାର ଭୟ ଯୋଗୁ ସରକାର ଅବସର ବୟସ ସୀମା ଧାର୍ଯ୍ୟ କରିଛନ୍ତି। କିନ୍ତୁ ଶାରଳା ମନ୍ଦିରରେ ଏଥିରେ ବ୍ୟତିକ୍ରମ ଲକ୍ଷ୍ୟ କରାଯାଇଛି। କର୍ମଚାରୀଙ୍କ ନିଯୁକ୍ତି ସଂକ୍ରାନ୍ତରେ କୌଣସି କାଗଜାତ ଦାଖଲ କରିବାରେ ମନ୍ଦିର ପ୍ରଶାସନ ବିଫଳ ହେବାରୁ ଅଡୁଆ ବଢିଛି। ଏହି କର୍ମଚାରୀ, ଠିକା ଶ୍ରମିକ ଓ ଅନ୍ୟମାନେ କେଉଁ ଆଧାରରେ ପାରିଶ୍ରମିକ ପାଉଛନ୍ତି ତା’ର କୌଣସି ତଥ୍ୟ ମିଳିନି। ତେବେ ମନ୍ଦିର ସମ୍ମୁଖ ବଜାରରେ ଝାଡୁ ମାରିବାଠାରୁ ଆରମ୍ଭ କରି ଆକାଉଣ୍ଟ ଆଦି ଦାୟିତ୍ୱରେ ସେମାନେ ଥିବା କୁହାଯାଇଛି। ହିସାବ ତ ଦୂରର କଥା କାଲ୍‌କୁଲେଟର୍‌ ଚଳାଇ ଜାଣି ନ ଥିବା ବ୍ୟକ୍ତି ମଧ୍ୟ ଆକାଉଣ୍ଟ କଥା ବୁଝୁଥିବା ଜଣାଯାଇଛି। ଯେଉଁ କାରଣରୁ ମନ୍ଦିର ହିସାବର କୌଣସି ତାଳ, ମେଳ ନାହିଁ। ବାର୍ଷିକ ପାଖାପାଖି ୨.୫ କୋଟି ଟଙ୍କା ରାଜସ୍ବ ଆସୁଥିବାବେଳେ ଏହାର ହିସାବ କିପରି ରହୁଥିବ ତାହା ଏଥିରୁ ସହଜେ ଅନୁମେୟ। ତେବେ କେଉଁ ଆଧାରରେ ସେମାନଙ୍କୁ ନିଯୁକ୍ତି ଦିଆଯାଇଥିଲା ତାହା ସାଧାରଣରେ ବିସ୍ମୟ ସୃଷ୍ଟି କରିଛି। ଅନ୍ୟପଟେ ମନ୍ଦିର ନିର୍ବାହୀ ଅଧିକାରୀ ପଦବୀଟି ନିୟମିତ ରହିବା ପରିବର୍ତ୍ତେ କାମ ଚଳାରେ ଚାଲିଛି। ବର୍ତ୍ତମାନର ନିର୍ବାହୀ ଅଧିକାରୀ ସଂଗ୍ରାମ କେଶରୀ ଧଳ ଲ୍ୟାଣ୍ଡ ଅଫିସର, ଗୋରଖନାଥ ଓ ଶାରଳା ମନ୍ଦିର ଦାୟିତ୍ୱରେ ଥିବାରୁ ସେ ଆଳ ନେଇ ଠିକ ଭାବେ ଦାୟିତ୍ୱ ସମ୍ପାଦନ କରୁନାହାନ୍ତି। ସପ୍ତାହରେ ଅତିବେଶିରେ ୨/୩ ଦିନ ଉପରଠାଉରିଆ ଭାବେ ଶାରଳା ମନ୍ଦିର ଯାଇ ଉପସ୍ଥାନ ଦର୍ଶାଉଛନ୍ତି। ରାଜ୍ୟ ସରକାରଙ୍କ ନିଷ୍ପତ୍ତି ପ୍ରକାରେ ଆଇନ ବିଭାଗ ବିଜ୍ଞପ୍ତି ଅନୁଯାୟୀ ରାଜ୍ୟର ୬୧ଟି ପ୍ରମୁଖ ମନ୍ଦିରର ବାର୍ଷିକ ଅଡିଟ୍‌ ଦାୟିତ୍ୱ ଏଜି ଉପରେ ନ୍ୟସ୍ତ କରାଯାଇଛି। ଏହି ଆଧାରରେ ଶାରଳା ମନ୍ଦିର ଅଡିଟ୍‌ ହୋଇଥିଲା। ଏ ସମ୍ପର୍କରେ ନିର୍ବାହୀ ଅଧିକାରୀ ଧଳଙ୍କୁ ପଚାରିବାରୁ ଅନିୟମିତା ସମ୍ପର୍କରେ ସେ କିଛି ଜାଣି ନାହାନ୍ତି। ଆଉ ୨୮ଜଣଙ୍କ ଯେଉଁ ନିଯୁକ୍ତି କଥା ଉଠୁଛି ତାହା ତାଙ୍କ ସମୟରେ ହୋଇ ନାହିଁ ବୋଲି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ମନ ଛୁଉଁଛି ମେଗା ଟିକାକରଣ

ଅନୁଗୋଳ ଅଫିସ, ୧୯ା୫ – ଅନୁଗୋଳ ଜିଲାର ବିଭିନ୍ନ ସରକାରୀ ସ୍ବାସ୍ଥ୍ୟକେନ୍ଦ୍ରରେ କୋଭିଡ୍‌ ଟିକା ପ୍ରଦାନ କରାଯାଉଥିଲେ ମଧ୍ୟ ଜିଲା ପ୍ରଶାସନ ପକ୍ଷରୁ ଅନୁଗୋଳ ଷ୍ଟାଡିୟମ୍‌ଠାରେ...

କାର୍ଯ୍ୟରେ ଅବହେଳା: ବିଏଲଓ ନିଲମ୍ବିତ: ୨୭ଜଣଙ୍କୁ କାରଣ ଦର୍ଶାଅ ନୋଟିସ

ବାଲେଶ୍ୱର ଅଫିସ,୬।୧୧: ଗତ ସେପ୍ଟେମ୍ବର ୧୫ରୁ ଆରମ୍ଭ କରାଯାଇଥିବା ଭୋଟର ପରିଚୟ ପତ୍ର ଯାଞ୍ଚ କାର୍ଯ୍ୟକ୍ରମ ଚଳିତ ମାସ ୧୮ତାରିଖ ସୁଦ୍ଧା ସାରିବାକୁ ସମୟସୀମା ନିର୍ଦ୍ଧାରିତ...

ନାବାଳକ ପୁଅ ଧକ୍କାରେ ଚାଳିଗଲା ବାପାଙ୍କ ଜୀବନ

କୁନ୍ଦୁରା,୨୨।୪: କୋରାପୁଟ ଜିଲା କୁନ୍ଦୁରା ବ୍ଲକ ଗୁଣ୍ଡାଳ ପଞ୍ଚାୟତ ଅଧୀନ ତଲିଆଗୁଡ଼ା ଗ୍ରାମର ଜଣେ ବ୍ୟକ୍ତିଙ୍କୁ ବୁଧବାର ରାତିରେ ହତ୍ୟା କରାଯାଇଥିବା ଅଭିଯୋଗ ହୋଇଛି। ଗୁରୁବାର...

ହାତୀ ଆକ୍ରମଣରେ ନାବାଳକ ଗୁରୁତର

କେନ୍ଦୁଝର,୧୮।୭(ସ୍ବ.ପ୍ର.) : କେନ୍ଦୁଝର ଜିଲା ସଦର ରେଞ୍ଜ ଉପରକୁସୁମିତା କସିରା ସାହିରେ ବୁଧବାର ରାତିରେ ଏକ ଦନ୍ତାହାତୀ ଜଣେ ନାବାଳକଙ୍କୁ ଶୁଣ୍ଢରେ କଚାଡ଼ି ଗୁରୁତର କରିଛି।...

ମୋଟାଗୁଡ଼ା ଜଙ୍ଗଲରେ ଶ୍ରମିକଙ୍କୁ ହତ୍ୟା ଘଟଣା : ଅଭିଯୁକ୍ତଙ୍କୁ କୋର୍ଟଚାଲାଣ

ଭବାନୀପାଟଣା,୩୦ା୫(ଡି.ଏନ୍‌.ଏ.): କଳାହାଣ୍ଡି ଜିଲା ଭବାନୀପାଟଣାର ମୋଟାଗୁଡା ଜଙ୍ଗଲରେ ଜଣେ ଶ୍ରମିକଙ୍କୁ ବାଡ଼ିରେ ପିଟି ହତ୍ୟା କରିବା ମାମଲାରେ ପୋଲିସ ଅଭିଯୁକ୍ତ କାଠବେପାରୀଙ୍କୁ ଗିରଫ କରି କୋର୍ଟଚାଲାଣ...

ଦିବ୍ୟାଙ୍ଗଙ୍କ ପାଇଁ କୋଭିଡ୍‌ ହସ୍ପିଟାଲରେ ସ୍ବତନ୍ତ୍ର ବ୍ୟବସ୍ଥା କର

ଭୁବନେଶ୍ୱର,୩୦।୪(ବ୍ୟୁରୋ): କରୋନା ମହାମାରୀର ପ୍ରକୋପକୁ ହ୍ରାସ କରିବା ପାଇଁ କୋଭିଡ୍‌ ହସ୍ପିଟାଲଗୁଡ଼ିକରେ ଏକାନ୍ତବାସ (ଆଇସୋଲେଶନ), ସଙ୍ଗରୋଧ କେନ୍ଦ୍ର(କ୍ୱାରାଣ୍ଟାଇନ ସେଣ୍ଟର), ନମୁନା ପରୀକ୍ଷା ଏବଂ ଅନ୍ୟାନ୍ୟ ଆନୁଷଙ୍ଗିକ...

ପଲିଥିନ୍‌ ତଲେ ପରିବାର: ପାଏଖାନା ଘରେ ଧାନ୍‌ଚାଉଲ, ଜିନିଷ୍‌ପାତିି

ଗଣ୍ଡତୁରୁମ, ୯।୯ (ଡି.ଏନ୍‌.ଏ.):  ବରଗଡ଼ ଜିଲା ଭେଡ଼େନ ବ୍ଲକ ଅଂଚଲରେ ଗଲା ମଙ୍ଗଲବାରନୁ ଲଘୁଚାପ ପରଭାବରେ ବରଷା ଲାଗିରହିଛେ। ବାଦଲଫଟା ବରଷାରେ ବ୍ଲକ ଅଧୀନ ଅନେକ୍‌...

ଜଟଣୀରେ ଗୋରୁଚାଲାଣ ର଼୍ୟାକେଟ୍‌ ସକ୍ରିୟ : ଗୋରୁ ବୋଝେଇ ଗାଡ଼ି ଜବତ,୬ ଗିରଫ

ଜଟଣୀ,୯।୮(ଡ଼ି.ଏନ.ଏ.) : ଗୋରୁଚାଲାଣ ବେଳେ ଜଟଣୀ ପୋଲିସ ୩ଟି ଗାଡ଼ି ଜବତ କରିବା ସହ ୬ ଜଣଙ୍କୁ ଗିରଫ କରିଛନ୍ତି। ଗାଡ଼ିରେ ଭର୍ତ୍ତି ହୋଇଥିବା ୩୮ଟି...

Advertisement
Archives

Model This Week