ଲୁଧିଆନା,୧୬।୨: ପଞ୍ଜାବର ଲୁଧିଆନାରେ ଥିବା ‘ପ୍ରଭାକର ଓ୍ବାକ୍ସ ମ୍ୟୁଜିୟମ’ରେ ଆମ ଆଦମୀ ପାର୍ଟି ମୁଖ୍ୟ ଅରବିନ୍ଦ କେଜରିଓ୍ବାଲଙ୍କ ଏକ ମହମ ପ୍ରତିମୂର୍ତ୍ତି ରବିବାର ସ୍ଥାପନ କରାଯାଇଛି। ତୃତୀୟ ଥର ଲାଗି ଦିଲ୍ଲୀର ମୁଖ୍ୟମନ୍ତ୍ରୀ ଭାବେ କେଜରିଓ୍ବାଲ ଶପଥ ନେବା ପୂର୍ବରୁ ତାଙ୍କର ଏହି ମହମ ପ୍ରତିମୂର୍ତ୍ତି ସମସ୍ତଙ୍କ ଦୃଷ୍ଟି ଆକର୍ଷଣ କରିଛି। ଲୋକେ ସେଠାକୁ ଯାଇ କେଜରିଓ୍ବାଲଙ୍କ ମୁର୍ତ୍ତି ନିକଟରେ ବିଭିନ୍ନ ଢଙ୍ଗରେ ଫଟୋ ଉଠାଉଥିବା ଦେଖାଯାଇଛି। କେବଳ କେଜରିଓ୍ବାଲ ନୁହେଁ ଏହି ମ୍ୟୁଜିୟମରେ ପାଖାପଖି ୫୨ ଜଣଙ୍କ ମହମ ପ୍ରତିମୂର୍ତ୍ତି ଲାଗିଥିବା ସୂଚନା ରହିଛି। ଏମାନଙ୍କ ମଧ୍ୟରେ ରହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କ୍ରିକେଟର ସଚ୍ଚିନ ତେନ୍ଦୁଲକର, ପୂର୍ବତନ ପ୍ରଧାନମନ୍ତ୍ରୀ ସ୍ବର୍ଗତ ଅଟଳ ବିହାରୀ ବାଜପେୟୀ, ମଦର ଟେରେସା, ମିଖାଇଲ ଜ୍ୟାକସନ, ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମା ଓ କମେଡି କିଙ୍ଗ କପିଲ ଶର୍ମା ଇତ୍ୟାଦି।
