ଭିଓ୍ବାନି: ହରିୟାଣାରେ ଚାଷୀମାନେ କ୍ଷେତରେ କୀଟନାଶକ ପ୍ରୟୋଗ କରିବା ଦ୍ୱାରା ମୟୂର ଉପରେ ବିପଦ ଘନେଇ ଆସିଛି। କିନ୍ତୁ ଏମାନଙ୍କୁ ବିପଦରୁ ରକ୍ଷା କରିବା ଲାଗି ଆଗେଇ ଆସିଛନ୍ତି ‘ରିୟଲ ସୋସାଇଟି ପ୍ରୋବେଶନ ଅଫ୍ କ୍ରୁଏଲିଟି ଟୁ ଆନିମଲ୍’ର ଅଧ୍ୟକ୍ଷ ହଂସରାଜ । ଏବେ ସୁଦ୍ଧା ସେ ୫୦୦ ଆହତ ମୟୂରଙ୍କ ଜୀବନ ବଞ୍ଚାଇପାରିଛନ୍ତି। ହଂସରାଜ ଆହତ ମୟୂରଙ୍କ ଚିକିତ୍ସାର ସୁବିଧା ଲାଗି ଆମ୍ବୁଲାନ୍ସ ଓ ଓଷଧ ବ୍ୟବସ୍ଥା ମଧ୍ୟ କରିଛନ୍ତି। ହରିୟାଣାର ଭିଓ୍ବାନି ଜିଲା ଟାଣିହରିସିଂ ଗୁଜରାଣୀ ନିବାସୀ ମାଷ୍ଟର ହଂସରାଜ ଗତ ୨୦ ବର୍ଷ ଧରି ସାରା ରାଜ୍ୟରେ ମୟୂରଙ୍କୁ ବଞ୍ଚାଇବା ଲାଗି ଅଭିଯାନ ଚଳାଇଆସୁଛନ୍ତି। ଗତ ୭ରୁ ୮ ବର୍ଷ ହେବ ମୟୂରଙ୍କ ମୃତ୍ୟୁ ହାର ବୃଦ୍ଧିପାଇଛି ଓ ବହୁ ଗାଁରେ ଏବେ ମୟୂର ସଂଖ୍ୟା ଖୁବ୍ କମ୍ ରହିଛି ବୋଲି କୁହନ୍ତି ହଂସରାଜ। ତେବେ ବିଭିନ୍ନ ଅଞ୍ଚଳରେ ମୟୂୂର ଆହତ ହେବା ଖବର ମିଳିଲେ ସେ ତା’ର ସୁରକ୍ଷା ଲାଗି ଆମ୍ବୁଲାନ୍ସ ସହ ହାଜର ହୋଇଯାଆନ୍ତି। ମୁଖ୍ୟତଃ ଗହମ ବୁଣିବା ସମୟରେ ଏଭଳି ଘଟଣା ବେଶି ଦେଖିବାକୁ ମିଳେ। ଏକ ସମୟରେ ୧୦୦ରୁ ୧୫୦ ମୟୂର ଆହତ ହୋଇଯାଆନ୍ତି। ଯେଉଁମାନେ ଆହତ ଅବସ୍ଥାରେ ମିଳନ୍ତି ସେମାନଙ୍କ ଚିକିତ୍ସା କରାଯାଏ ଓ ପ୍ରାୟ ୭୦ ପ୍ରତିଶତ ମୟୂର ଚିକିତ୍ସା ପାଇବାରୁ ବଞ୍ଚିତ ହେବା ଦ୍ୱାରା ସେମାନଙ୍କର ମ୍ୟତ୍ୟୁ ଘଟିଥାଏ।
