ଭୁବନେଶ୍ୱର,୧୫ା୧୧(ବ୍ୟୁରୋ) : ‘ମୋ ସ୍କୁଲ’ ଅଭିଯାନକୁ ଦୁଇବର୍ଷ ପୂରିଛି। ଏହି ପରିପ୍ରେକ୍ଷୀରେ ଗୁରୁବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଲୋକସେବା ଭବନରେ ଏକ ବୈଠକ ଅନୁଷ୍ଠିତ ହୋଇଥିଲା। ଏହି ଅବସରରେ ମୁଖ୍ୟମନ୍ତ୍ରୀ ‘ମୋ ସ୍କୁଲ ମୋବାଇଲ ଆପ୍’ ସହ ‘କଫିଟେବୁଲ’ ପୁସ୍ତକ ଓ ନ୍ୟୁଜ୍ ଲେଟର ମଧ୍ୟ ଉନ୍ମୋଚନ କରିଛନ୍ତି। ମୁଖ୍ୟମନ୍ତ୍ରୀ କହିଥିଲେ ଯେ, ଏହି ଆପ୍ ଜରିଆରେ ପୁରାତନ ଛାତ୍ରୀଛାତ୍ର ଏବଂ ଅନୁଷ୍ଠାନ, ସଂସ୍ଥା ଯୋଡ଼ିହୋଇ ବିଦ୍ୟାଳୟର ବିକାଶ ପାଇଁ ଦାନ କରିପାରିବେ। ଏହି ଆନ୍ଦୋଳନରେ ସମସ୍ତେ ଯୋଗଦେବାକୁ ମୁଖ୍ୟମନ୍ତ୍ରୀ ଆହ୍ବାନ କରିଥିଲେ। ‘ମୋ ସ୍କୁଲ ମୋବାଇଲ ଆପ୍’ରେ ଉଲ୍ଲେଖନୀୟ ଅବଦାନ ପାଇଁ ମୁଖ୍ୟମନ୍ତ୍ରୀ ନେଷ୍ଟଆଓ୍ବେ ସହପ୍ରତିଷ୍ଠାତା ଅମରେନ୍ଦ୍ର ସାହୁଙ୍କୁ ସମ୍ବର୍ଦ୍ଧିତ କରିଥିଲେ।
