ମେ’ରେ ମାନୁଫାକ୍‌ଚରିଂ ସୂଚକାଙ୍କ ୫୨.୭
8:40 amJune 4, 2019

ନୂଆଦିଲ୍ଲୀ,୪-୬: ଚାହିଦା ବୃଦ୍ଧି ପାଇବା ଯୋଗୁ କମ୍ପାନୀଗୁଡ଼ିକର ଉତ୍ପାଦନ ଚଳିତ ବର୍ଷ ମେ’ରେ ବଢ଼ିଛି। ଫଳରେ ମାନୁଫାକ୍‌ଚରିଂ କ୍ଷେତ୍ରରେ ଗତିବିଧିରେ ଉନ୍ନତି ପରିଲକ୍ଷିତ ହୋଇଛି। ଏହାଦ୍ୱାରା ଏହି କ୍ଷେତ୍ରରେ ନିଯୁକ୍ତି ମଧ୍ୟ ବଢ଼ିଛି ବୋଲି ସୋମବାର ଜାରି ମାସିକ ସର୍ବେକ୍ଷଣରୁ ଏହା ଜଣାପଡିଛି। ନିକ୍କେଇ ଇଣ୍ଡିଆ ମାନୁଫାକ୍‌ଚରିଂ ପରଚେଜିଂ ମ୍ୟାନେଜର୍ସ ଇଣ୍ଡେକ୍ସ(ପିଏମ୍‌ଆଇ) ମେ’ରେ ବୃଦ୍ଧି ପାଇ ୫୨.୭ ପଏଣ୍ଟରେ ପହଞ୍ଚତ୍ଛି, ଯାହା କି, ଏପ୍ରିଲରେ ୫୧.୮ ଥିଲା। ଗତ ୩ ମାସ ମଧ୍ୟରେ ଏହା ସର୍ବାଧିକ। ସୂଚନାଯୋଗ୍ୟ ଯେ, କ୍ରମାଗତ ୨୨ ସପ୍ତାହ ହେବ ମାନୁଫାକ୍‌ଚରିଂ ପିଏମ୍‌ଆଇ ୫୦ ପଏଣ୍ଟ ଉପରେ ରହିଛି। ୫୦ ପଏଣ୍ଟ ଉପରେ ରହିବା ମାନୁଫାକ୍‌ଚରିଂ ଗତିବିଧି ବଢ଼ୁଥିବା ଦର୍ଶାଉଛି। ଏହା ତଳକୁ ଗଲେ ଉତ୍ପାଦନ ହ୍ରାସ ପାଉଥିବା ବୁଝିବାକୁ ହେବ।