ଭୁବନେଶ୍ୱର,୨-୯: ପ୍ରମୁଖ ଜୁଏଲେରୀ ଚେନ୍ ଷ୍ଟୋର ଖୀମଜି ଜୁଏଲର୍ସ ପକ୍ଷରୁ ରାଜ୍ୟ ସରକାରଙ୍କ ମିଶନ ଜିରୋ-ଏଫ କାର୍ଯ୍ୟକ୍ରମକୁ ୧୫ ଲକ୍ଷ ଟଙ୍କାର ସହାୟତା ରାଶି ପ୍ରଦାନ କରାଯାଇଛି। ଖୀମଜିର ନିର୍ଦ୍ଦେଶକ ମିତେଶ ଖୀମଜି ଏଥି ସଂକ୍ରାନ୍ତ ଅର୍ଥରାଶିକୁ କଟକ ଜିଲାପାଳଙ୍କୁ ହସ୍ତାନ୍ତର କରିଥିଲେ। ଏକ ଦାୟିତ୍ୱବାନ ପଦକ୍ଷେପ ସ୍ବରୂପ ରାଜ୍ୟର ଶିକ୍ଷା ସଂସ୍କାର ଲାଗି ଏଭଳି ପଦକ୍ଷେପ ନିଆଯାଇଥିବା ଶୋ’ରୁମ ପକ୍ଷରୁ କୁହାଯାଇଛି। କଟକ ଜିଲା ପ୍ରଶାସନ ପକ୍ଷରୁ ହାଇସ୍କୁଲ ସାର୍ଟିଫିକେଟ ପରୀକ୍ଷାରେ ଛାତ୍ରୀଛାତ୍ରଙ୍କ ୧୦୦% ସଫଳତା ନେଇ ଲକ୍ଷ୍ୟ ରଖାଯାଇଛି। ଗୁଣବତ୍ତା ଶିକ୍ଷା ଦ୍ୱାରା ଛାତ୍ରୀଛାତ୍ରଙ୍କୁ ଆଗକୁ ବଢିବା ଲାଗି ଏଭଳି ପଦକ୍ଷେପ ବିଶେଷ ଭାବେ ସହାୟକ ହେବ। ଅଧିକ ହାରରେ ଛାତ୍ରୀଛାତ୍ର ଉଚ୍ଚ ଶିକ୍ଷା ଲାଭ କରିବା ସହ ରାଜ୍ୟର ବିକାଶ ଧାରାରେ ଯୋଗଦାନ ରଖି ପାରିବେ। ଆଜିର ଶିଶୁ କାଲିର ଭବିଷ୍ୟତ ହୋଇଥିବାରୁ ଗୁଣାତ୍ମକ ଶିକ୍ଷା ଦ୍ୱାରା ସେମାନଙ୍କ ବିକାଶ ଲାଗି ଖୀମଜି ଏହାର ଯୋଗଦାନ ଜାରି ରଖିବ ବୋଲି ନିର୍ଦ୍ଦେଶକ ମିତେଶ ଖିମଜୀ କହିଛନ୍ତି। ଏହି ଅବସରରେ ସେ ଜିଲା ପ୍ରଶାସନ ପକ୍ଷରୁ ସ୍କୁଲ ମାନଙ୍କୁ ନେଇ ଆୟୋଜିତ ହୋଇଥିବା ମିଶନ ଜିରୋ କର୍ମଶାଳାରେ ଯୋଗଦେଇଥିଲେ। ଖୀମଜି ଗ୍ରୁପ ପକ୍ଷରୁ ନିକଟରେ ଫନି ପ୍ରଭାବିତଙ୍କ ସହାୟତା ଲାଗି ୨୧ ଲକ୍ଷ ଟଙ୍କାର ସହାୟତା ରାଶି ପ୍ରଦାନ କରାଯାଇଛି। ବର୍ତ୍ତମାନ ଭୁବନେଶ୍ୱର, କଟକ, ରାଉଲକେଲା ଏବଂ ବ୍ରହ୍ମପୁର ଭଳି ସହରଗୁଡିକରେ ଖୀମଜି ଷ୍ଟୋର ରହିଛି।
