ଲଣ୍ଡନ,୨୭-୪: ପିଏନ୍ବି ମହାଦୁର୍ନୀତିର ମୁଖ୍ୟ ଅଭିଯୁକ୍ତ ହୀରା ବ୍ୟବସାୟୀ ନୀରବ ମୋଦିଙ୍କୁ ତୃତୀୟ ଥର ଲାଗି ଜାମିନ ମିଳିଲାନି। ତାଙ୍କର ଜାମିନ ଆବେଦନକୁ ଓ୍ବେଷ୍ଟମିନିଷ୍ଟର କୋର୍ଟ ଶୁକ୍ରବାର ଖାରଜ କରିଦେଇଛନ୍ତି। ଫଳରେ ସେ ଆହୁରି ୨୮ ଦିନ ଅର୍ଥାତ ମେ ୨୪ ତାରିଖ ପର୍ଯ୍ୟନ୍ତ ଜେଲ୍ରେ ରହିବେ। ସେହି ଦିନ ମାମଲାର ପରବର୍ତ୍ତୀ ଶୁଣାଣି ହେବ। ଏଥିପୂର୍ବରୁ ନୀରବଙ୍କ ଆବେଦନକୁ ମାର୍ଚ୍ଚ ୨୯ରେ ଅଦାଲତ ଖାରଜ କରିଦେଇଥିଲେ। ତାଙ୍କୁ ଗିରଫ କରାଯିବା ପରେ ସେ ସଙ୍ଗେ ସଙ୍ଗେ ଜାମିନ ଆବେଦନ କରିଥିଲେ, ଯାହାକୁ ଅଦାଲତ ପ୍ରଥମଥର ପ୍ରତ୍ୟାଖ୍ୟାନ କରିଦେଇଥିଲେ। ଶୁକ୍ରବାର ଲଣ୍ଡନରେ ନୀରବଙ୍କୁ ଭିଡିଓ କନଫରେନ୍ସିଂ ଜରିଆରେ ଅଦାଲତରେ ହାଜର କରାଯାଇଥିଲା। ଜଜ୍ ଇମା ଅର୍ବଥନଟ୍ ନୀରବଙ୍କ ଜାମିନ ମାମଲାରେ ଉଭୟ ପକ୍ଷଙ୍କ ଯୁକ୍ତି ଶୁଣିଥିଲେ ଓ ହୀରା ବ୍ୟବସାୟୀଙ୍କ ପୋଲିସ ହାଜତକୁ ବୃଦ୍ଧି କରିଥିଲେ।
ନୀରବ, ମେହୁଲ ଚୋକ୍ସିଙ୍କ କାର୍ ନିଲାମ
ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି)ପକ୍ଷରୁ ନୀରବ ମୋଦି ଓ ମେହୁଲ ଚୋକ୍ସିଙ୍କ ୧୨ ଲକ୍ଜରୀ କାର୍କୁ ଅନ୍ଲାଇନରେ ନିଲାମ କରିଦେଇଛି। ଏଥିରୁ ୩.୨୯ କୋଟି ଟଙ୍କା ମିଳିଛି। ମେଟାଲ ଆଣ୍ଡ ସ୍କ୍ରାପ୍ ଟ୍ରେଡିଂ କର୍ପୋରେଶନ(ଏମ୍ଏସ୍ଟିସି) ପକ୍ଷରୁ ଏହି ନିଲାମୀ କରାଯାଇଥିଲା।
