ମାନ୍ଦାବସ୍ଥା ଲଢ଼େଇରେ ଆର୍‌ବିଆଇ; ୨୫ ବେସିସ ପଏଣ୍ଟ କମାଇଲା ରିଭର୍ସ ରେପୋ

ମୁମ୍ବାଇ,୧୭।୪: କୋଭିଡ୍‌-୧୯ ଯୋଗୁ ବଜାରରେ ଉପୁଜିଥିବା ମାନ୍ଦାବସ୍ଥା ଲଢ଼େଇ ଲାଗି ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ଆଗେଇ ଆସିଛି। ଏଥିଲାଗି କେନ୍ଦ୍ରୀୟ ବ୍ୟାଙ୍କ ପକ୍ଷରୁ ଅତିରିକ୍ତ ପଦକ୍ଷେପ ଗ୍ରହଣ କରାଯାଇଛି। ବର୍ତ୍ତମାନ ଲକ୍‌ଡାଉନ ଅବଧିକୁ ମେ ୩ ଯାଏ ବଢ଼ାଯାଇଛି। ଦେଶ ମଧ୍ୟରେ ଆର୍ଥତ୍କ କାର୍ଯ୍ୟକଳାପ ଠପ୍‌ ହୋଇ ପଡ଼ିଥିବାରୁ ସମସ୍ୟାରେ ରହିଥିବା କ୍ଷେତ୍ରଗୁଡିକୁ ପ୍ୟାକେଜ ପ୍ରଦାନ ନେଇ ଗୁରୁବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଅର୍ଥମନ୍ତ୍ରୀ ନିର୍ମଳା ସୀତାରାମନ ସ୍ଥିତିର ସମୀକ୍ଷା କରିଛନ୍ତି। ଏହା ପରେ କେନ୍ଦ୍ରୀୟ ବ୍ୟାଙ୍କ ପକ୍ଷରୁ ଅର୍ଥ ବ୍ୟବସ୍ଥାରେ ସ୍ଥିତାବସ୍ଥା ଆଣିବା ଲାଗି ବିଭିନ୍ନ ଘୋଷଣା କରାଯାଇଛି। ପଦକ୍ଷେପ ଅନ୍ତର୍ଗତ ବ୍ୟାଙ୍କଗୁଡ଼ିକ ସେମାନଙ୍କ ଅତିରିକ୍ତ ନଗଦକୁ କେନ୍ଦ୍ରୀୟ ବ୍ୟାଙ୍କରେ ଜମା ନ ରଖି ଏହାକୁ ବ୍ୟବହାର କରିବାକୁ ଅନୁମତି ଦିଆଯାଇଛି। ଫଳରେ ବ୍ୟବସ୍ଥାକୁ ଅଧିକ ପୁଞ୍ଜି ପ୍ରବାହ ହେବ ବୋଲି ଆଶା କରାଯାଉଛି। ସେହିଭଳି କ୍ଷୁଦ୍ର ଏବଂ ମଧ୍ୟମ ବର୍ଗ ଅଣବ୍ୟାଙ୍କିଙ୍ଗ୍‌ ବିତ୍ତ ପ୍ରତିଷ୍ଠାନ(ଏନ୍‌ବିଏଫ୍‌ସି)ଗୁଡିକର ଡେଟ୍‌ ପେପର୍ସ ବା ଋଣ ପତ୍ର କ୍ରୟ କରିବାକୁ ବ୍ୟାଙ୍କଗୁଡିକୁ ମଞ୍ଜୁରୀ ପ୍ରଦାନ କରାଯାଇଛି। ମୋଟାମୋଟି ଭାବେ କହିବାକୁ ଗଲେ ବର୍ତ୍ତମାନର ଘୋଷଣା ଦ୍ୱାରା ବଜାରରେ ୧ ଲକ୍ଷ କୋଟି ଟଙ୍କାର ନଗଦ ଉପଲବ୍ଧ ହେବ। କେନ୍ଦ୍ରୀୟ ବ୍ୟାଙ୍କ ପକ୍ଷରୁ ଗ୍ରହଣ କରାଯାଇଥିବା ପଦକ୍ଷେପ ବ୍ୟବସ୍ଥାରେ ସ୍ଥାୟିତ୍ୱ ଆଣିବା ଦିଗରେ ସହାୟକ ହେବ ବୋଲି ପଦକ୍ଷେପ ଘୋଷଣାକରି ଗଭର୍ନର ଶକ୍ତିକାନ୍ତ ଦାସ ସୂଚନା ଦେଇଛନ୍ତି।

ବର୍ତ୍ତମାନର ପଦକ୍ଷେପ ମୁତାବକ କେନ୍ଦ୍ରୀୟ ବ୍ୟାଙ୍କ ରିଭର୍ସ ରେପୋକୁ ୨୫ ବେସିସ୍‌ ପଏଣ୍ଟ ହ୍ରାସ କରିଛି। ଫଳରେ ଏହା ୩.୭୫%କୁ ଖସିଛି। ମାର୍ଚ୍ଚ ୨୭%ରେ ରିଜର୍ଭ ବ୍ୟାଙ୍କ ଏଥିରେ ୯୦ ବେସିସ୍‌ ପଏଣ୍ଟ ହ୍ରାସ କରିଥିଲା। ଏହି ସମୟରେ ରେପୋ ରେଟ୍‌ରେ ୭୫ ବେସିସ୍‌ ପଏଣ୍ଟ ହ୍ରାସ କରାଯାଇଥିଲା। ଗତ ଥର ହ୍ରାସ କରାଯାଇଥିବା ରିଭର୍ସ ରେପୋ ହାର ବିଶେଷ ଭାବେ କାମ କରିନାହିଁ। ଋଣ ପ୍ରଦାନ ବାଦ୍‌ ବ୍ୟାଙ୍କଗୁଡିକ ପ୍ରାୟ ୭ ଲକ୍ଷ କୋଟି ଟଙ୍କାର ଅତିରିକ୍ତ ରାଶି କେନ୍ଦ୍ରୀୟ ବ୍ୟାଙ୍କରେ ଜମା କରିଛନ୍ତି। କେନ୍ଦ୍ରୀୟ ବ୍ୟାଙ୍କଠାରୁ ଟାର୍ଗେଟେଡ୍‌ ଲଙ୍ଗ୍‌ଟର୍ମ ରେପୋ ଅପରେଶନ୍ସ(ଟିଏଲ୍‌ଟିଆର୍‌ଓ)ରେ ବ୍ୟାଙ୍କଗୁଡିକ ଉଠାଉଥିବା ମୋଟ ରାଶିର ୫୦% କ୍ଷୁଦ୍ର ଏନ୍‌ବିଏଫ୍‌ସିଗୁଡିକୁ ଋଣ ସହାୟତା ଦେବାକୁ ନିର୍ଦ୍ଦେଶ ଦିଆଯାଇଛି। ବର୍ତ୍ତମାନ ଯାଏ ଏହି ବ୍ୟବସ୍ଥାରେ ବ୍ୟାଙ୍କଗୁଡିକ ପ୍ରାୟ ୧ ଲକ୍ଷ କୋଟି ଟଙ୍କା ଉଠାଇଛନ୍ତି। ଏହା ମଧ୍ୟରେ ଶୁକ୍ରବାର ଅନୁଷ୍ଠିତ ହୋଇଥିବା ଟିଏଲ୍‌ଟିଆର୍‌ଓ ଅକ୍ସନର ୨୫ ହଜାର କୋଟି ଟଙ୍କା ସାମିଲ ରହିଛି। କିନ୍ତୁ ଏହାର ପ୍ରକୃତ ଉଦ୍ଦେଶ୍ୟ ଏବେ ଯାଏ ପୂରଣ ହୋଇପାରିନାହିଁ। କାରଣ ବ୍ୟାଙ୍କଗୁଡ଼ିକ ପ୍ରମୁଖ ଫାର୍ମ ଏବଂ ରାଷ୍ଟ୍ରାୟତ୍ତ ଏଜେନ୍ସିଗୁଡିକୁ ହିଁ ସହାୟତା ପ୍ରଦାନ କରିଛନ୍ତି।
ସେହିଭଳି କେନ୍ଦ୍ରୀୟ ବ୍ୟାଙ୍କ ଅନ୍ୟ ଏକ ଟିଏଲ୍‌ଟିଆର୍‌ଓ ଓ୍ବିଣ୍ଡୋ ସହ ଆସିଛି। ଏହାର ମୂଲ୍ୟ ୫୦ ହଜାର କୋଟି ଟଙ୍କା ରହିଛି। ଆବଶ୍ୟକ ହେଲେ ଏଭଳି ଅଧିକ ପଦକ୍ଷେପ ଗ୍ରହଣ କରାଯିବ ବୋଲି କେନ୍ଦ୍ରୀୟ ବ୍ୟାଙ୍କ ପକ୍ଷରୁ କୁହାଯାଇଛି। କେନ୍ଦ୍ରୀୟ ବ୍ୟାଙ୍କର ଏଭଳି ପଦକ୍ଷେପ ଏନ୍‌ବିଏଫ୍‌ସିଗୁଡିକ ଲାଗି ସହାୟକ ହେବ ବୋଲି ବଜାର ବିଶେଷଜ୍ଞ କହିଛନ୍ତି। ଏନ୍‌ବିଏଫ୍‌ସିଗୁଡିକ ଲାଗି ମୋରାଟୋରିୟମ ବୃଦ୍ଧି ହେବ କି ନାହିଁ ତାହା ବ୍ୟାଙ୍କଗୁଡିକ ଊପରେ ଛଡାଯାଇଛି। ଋଣ ପ୍ରଦାନକାରୀ ସଂସ୍ଥାଗୁଡ଼ିକର ସବୁ ଆକାଉଣ୍ଟଗୁଡ଼ିକୁ ମୋରାଟୋରିୟମ ସୁବିଧା ଦିଆଯାଇଛି। ଏଗୁଡ଼ିକର କିସ୍ତି ନ ପ୍ରଦାନ କରାଗଲେ ମଧ୍ୟ ଏନ୍‌ପିଏ ହେବ ନାହିଁ ବୋଲି ଶକ୍ତିକାନ୍ତ କହିଛନ୍ତି। ଏଣୁ ଏ କ୍ଷେତ୍ରରେ ବ୍ୟାଙ୍କଗୁଡିକ ଏନ୍‌ବିଏଫ୍‌ସିଙ୍କୁ ମୋରାଟୋରିୟମ ସୁବିଧା ଦେବାରେ କୌଣସି ଅସୁବିଧା ନାହିଁ। ରିଜର୍ଭ ବ୍ୟାଙ୍କର ଏଭଳି ବିଭିନ୍ନ ପଦକ୍ଷେପକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଶଂସା କରିଛନ୍ତି। ମୋରାଟୋରିୟମ ଅନୁରୋଧକୁ ବ୍ୟାଙ୍କଗୁଡ଼ିକ ଯଦି ଠିକ୍‌ ଭାବେ ଏନ୍‌ବିଏଫ୍‌ସିକୁ ଦିଅନ୍ତି ତେବେ ଏହା ଦ୍ୱାରା ସଂସ୍ଥାଗୁଡିକରେ ନଗଦ ସମସ୍ୟା ଦେଖାଦେବ ନାହିଁ ବୋଲି ଶ୍ରୀରାମ ଟ୍ରାନ୍ସପୋର୍ଟ ଫାଇନାନ୍ସର ସିଇଓ ଉମେଶ ରେଭାଙ୍କର ସୂଚନା ଦେଇଛନ୍ତି।
ଅପରପକ୍ଷରେ କେନ୍ଦ୍ରୀୟ ବ୍ୟାଙ୍କ ନ୍ୟାଶନାଲ ହାଉସିଂ ବ୍ୟାଙ୍କ(ଏନ୍‌ଏଚ୍‌ବି), ନ୍ୟାଶନାଲ ବ୍ୟାଙ୍କ ଫର୍‌ ଏଗ୍ରିକଲଚର କ୍ରେଡିଟ ନାବାର୍ଡ, ସ୍ମଲ ଇଣ୍ଡଷ୍ଟ୍ରିଜ ବୋର୍ଡ ଅଫ୍‌ ଇଣ୍ଡିଆ(ସିଡ୍‌ବି)କୁ ପୁନଃ ଋଣ ପ୍ରଦାନ ଓ୍ବିଣ୍ଡୋ ଖୋଲିବାକୁ କୁହାଯାଇଛି। ଏହି ସଂସ୍ଥାଗୁଡିକ ମଧ୍ୟ ୫୦ ହଜାର କୋଟି ଟଙ୍କା ପ୍ରଦାନ କରିବେ। ଆର୍ଥତ୍କ ବର୍ଷ ମାର୍ଚ୍ଚଠାରୁ ଚଳିତ ବର୍ଷ ସେପ୍ଟେମ୍ବର ୩୦ ଅବଧି ମଧ୍ୟରେ ବ୍ୟାଙ୍କଗୁଡିକ ଲାଭାଂଶ ପ୍ରଦାନ ନ କରିବାକୁ କୁହାଯାଇଛି। ସେହିଭଳି ଏମ୍‌ଏସ୍‌ଏମ୍‌ଇଗୁଡ଼ିକ ଲାଗି ଋଣ ପୁନର୍ଗଠନ ଅବଧି ୯୦ ଦିନକୁ ବଢ଼ାଯାଇଛି।


Enter your email to get our daily news in your inbox.

All Right Reserved By Dharitri.Com

ପୀୟୂଷ ଗୋୟଲଙ୍କୁ ରେଳ ମନ୍ତ୍ରଣାଳୟ ଦାୟିତ୍ୱ

ନୂଆଦିଲ୍ଲୀ,୩୧। ୫: ଗୁରୁବାର କେନ୍ଦ୍ରରେ ପ୍ରଧାନମନ୍ତ୍ରୀଙ୍କ ନରେନ୍ଦ୍ର ମୋଦିଙ୍କ ସମେତ ତାଙ୍କର ନୂଆ ମନ୍ତ୍ରୀମଣ୍ଡଳ ଦାୟିତ୍ୱ ଗ୍ରହଣ କରିଛନ୍ତି। ମୋଦିଙ୍କ ପ୍ରଥମ ପାଳିରେ ରେଳ ମନ୍ତ୍ରଣାଳୟ...

ମାର୍ଚ୍ଚ ପହିଲାରୁ ସ୍ପେକ୍ଟ୍ରମ ନିଲାମ

ନୂଆଦିଲ୍ଲୀ: ମାର୍ଚ୍ଚ ପହିଲାରୁ ସ୍ପେକ୍ଟ୍ରମ ନିଲାମ ଆରମ୍ଭ ହେବ। ୩.୯୨ ଲକ୍ଷ କୋଟି ଟଙ୍କାର ରେଡିଓ ଓ୍ବେଭକୁ ଏଥର ନିଲାମ କରାଯିବ ବୋଲି ଜଣାପଡିଛି। ଟେଲିକମ...

ଆଜିଠୁ ବଦଳିବ ଟ୍ରେଡିଂ ସମୟ

ନୂଆଦିଲ୍ଲୀ,୧୮।୪: ଭାରତୀୟ ରିଜର୍ଭ ବ୍ୟାଙ୍କ୍‌ (ଆର୍‌ବିଆଇ)ର ରେଗୁଲେଟେଡ୍‌ ମାର୍କେଟ୍‌ ଅର୍ଥାତ୍‌ ନିୟାମକ ଶେୟାର ବଜାର ଟ୍ରେଡିଂ ସମୟରେ ପରିବର୍ତ୍ତନ ଆଣିଛନ୍ତି। ଆର୍‌ବିଆଇର ସୂଚନା ଅନୁସାରେ, ଶେୟାର...

୪୦ ହଜାର ସ୍ତର ଟପିଲା ସେନ୍‌ସେକ୍ସ

ନୂଆଦିଲ୍ଲୀ, ୩୧।୧୦: ବୁଧବାର ଦେଶର ପୁଞ୍ଜି ବଜାରରେ କାରବାର ଉନ୍ନତ ସ୍ଥିତିରେ ରହିଥିବା ଜଣାପଡିଛି। ବମ୍ବେ ଷ୍ଟକ ଏକ୍ସଚେଞ୍ଜର ସେନସେକ୍ସ ଚଳିିତ ବର୍ଷ ଜୁଲାଇ ପରଠାରୁ...

ଇଣ୍ଡିଗୋକୁ ୫ଲକ୍ଷ ଟଙ୍କାର ଜରିମାନା

ନୂଆଦିଲ୍ଲୀ,୨୯।୫: ଡାଇରେକ୍ଟୋରେଟ୍‌ ଜେନେରାଲ ଅଫ୍‌ ସିଭିଲ ଆଭିଏସନ(ଡିଜିସିଏ) ପକ୍ଷରୁ ଇଣ୍ଡିଗୋ ଏୟାରଲାଇନ ଉପରେ ୫ଲକ୍ଷ ଟଙ୍କାର ଜରିମାନା ଲଗାଯାଇଛି। ମେ’ ୭ ତାରିଖରେ ରାଞ୍ଚି ବିମାନବନ୍ଦରରେ...

ସ୍ଥିତି ସମୀକ୍ଷା କଲେ ନିର୍ମଳା

ନୂଆଦିଲ୍ଲୀ,୨୧-୩: ଅର୍ଥମନ୍ତ୍ରୀ ନିର୍ମଳା ସୀତାରାମନ ଶୁକ୍ରବାର କରୋନାକୁ ନେଇ ଦେଶରେ ଉପୁଜିଥିବା ସ୍ଥିତିକୁ ସମୀକ୍ଷା କରିଛନ୍ତି। ସେ ୪ କେନ୍ଦ୍ରମନ୍ତ୍ରୀଙ୍କୁ ଭେଟିଛନ୍ତି। ଏହାବାଦ ବେସାମରିକ ବିମାନ...

ସୁଧ ଛାଡ ପ୍ରସଙ୍ଗରେ ସୁପ୍ରିମକୋର୍ଟଙ୍କୁ ଉତ୍ତର ରଖିଲା କେନ୍ଦ୍ର

ନୂଆଦିଲ୍ଲୀ: ସବୁ ବର୍ଗର ଋଣ ଉପରେ ସୁଧ ଛାଡ ପ୍ରସଙ୍ଗରେ କେନ୍ଦ୍ର ସରକାର ମଙ୍ଗଳବାର ସୁପ୍ରିମକୋର୍ଟଙ୍କ ନିକଟରେ ପକ୍ଷ ରଖିଛନ୍ତି। ସବୁ ବର୍ଗର ଋଣ ଏବଂ...

୧୧୪୮ ପଏଣ୍ଟ ବଢ଼ିଲା ସେନ୍‌ସେକ୍ସ

ମୁମ୍ବାଇ: ଲଗାତାର ତୃତୀୟ ସେସନ ଲାଗି ଭାରତୀୟ ପୁଞ୍ଜି ବଜାରରେ ବୃଦ୍ଧି ପରିଲକ୍ଷିତ ହୋଇଛି। ବୁଧବାର ବମ୍ବେ ଷ୍ଟକ ଏକ୍ସଚେଞ୍ଜ (ବିଏସ୍‌ଇ) ୧୧୪୮ ପଏଣ୍ଟ ବଢିବା...

Advertisement
Archives

Model This Week