ମଦ ଡେଲିଭରି ଦେବେ ଆମାଜନ, ବିଗ୍‌ ବାସ୍କେଟ
9:15 pmJune 20, 2020

କଲିକତା,୨୦।୬: ପ୍ରମୁଖ ଇ-କମର୍ସ କମ୍ପାନୀ ଆମାଜନ ଏବଂ ବିଗ୍‌ବାସ୍କେଟ ଭାରତରେ ମଦ ଡେଲିଭରି କରିବା ଲାଗି ମଞ୍ଜୁରୀ ଲାଭ କରିଛନ୍ତି। ପ୍ରାଥମିକ ପର୍ଯ୍ୟାୟରେ ପଶ୍ଚିମବଙ୍ଗରେ ଏହି ସେବା ଉପଲବ୍ଧ ହେବ ବୋଲି ସୂଚନା ରହିଛି। ଏହି ସେଗ୍‌ମେଣ୍ଟରେ ପ୍ରଥମ ଥର ଲାଗି ପ୍ରବେଶ କରୁଥିବା ବିଗ୍‌ ବାସ୍କେଟ ପକ୍ଷରୁ କୁହାଯାଇଛି। ଏହା ଆମାଜନ ଲାଗି ମଧ୍ୟ ନୂଆ କ୍ଷେତ୍ର। ପଶ୍ଚିମବଙ୍ଗର ଷ୍ଟେଟ ବେଭେରେଜ କର୍ପୋରେଶନ ଲିମିଟେଡ୍‌ ୨ଟି କମ୍ପାନୀ ସହ ଏହି କାର୍ଯ୍ୟ ଲାଗି ଚୁକ୍ତିରେ ସାମିଲ ହୋଇଥିବା ଜଣାପଡିଛି। ଏଥି ଲାଗି କମ୍ପାନୀ ଚୁକ୍ତି ଆହ୍ବାନ କରିଥିବା ବେଳେ ଆମାଜନ ଏବଂ ବିଗ୍‌ ବାସ୍କେଟକୁ ଚୟନ କରାଯାଇଛି।