ଭାରତର ମନ୍ଥର ଅଭିବୃଦ୍ଧି ଚିନ୍ତାଜନକ: ନୋବେଲ ବିଜେତା ଅଭିଜିତ ବାନାର୍ଜୀ

ନୂଆଦିଲ୍ଲୀ,୧୫-୧୦: ଭାରତରେ ବର୍ତ୍ତମାନ ମାନ୍ଦାବସ୍ଥା ଲାଗି ରହିଥିବା ବେଳେ ଏହାକୁ ନେଇ ଅର୍ଥନୀତିଜ୍ଞ ମାନେ ଚିନ୍ତା ପ୍ରକଟ କରୁଛନ୍ତି। ରିଜର୍ଭ ବ୍ୟାଙ୍କର ପୂର୍ବତନ ଗଭର୍ନର ରଘୁରାମ ରାଜନ ନିକଟରେ ଏହି ପ୍ରସଙ୍ଗକୁ ନେଇ ଉଦ୍‌ବେଗ ପ୍ରକାଶ କରିଥିଲେ। ଦେଶର ଜିଡ଼ିପି ଅଭିବୃଦ୍ଧିରେ ମନ୍ଥରତା ଅତ୍ୟନ୍ତ ଚିନ୍ତାଜନକ ପ୍ରସଙ୍ଗ ବୋଲି ନୋବେଲ ବିଜେତା ଅର୍ଥନୀତିଜ୍ଞ ଅଭିଜିତ ବାନାର୍ଜୀ ଗଣମାଧ୍ୟମକୁ ସାକ୍ଷାତକାରରେ କହିଛନ୍ତି।
ସେ କହିଛନ୍ତି ଯେ, ଭାରତର ଅର୍ଥନୀତି ବର୍ତ୍ତମାନ ଅସ୍ଥିର ସ୍ଥିତିରେ ଥିବାରୁ ସରକାର ବିଭିନ୍ନ ନୀତି ଉପରେ କାର୍ଯ୍ୟ କରିବାର ଆବଶ୍ୟକତା ରହିଛି। ବର୍ତ୍ତମାନ ଉପଲବ୍ଧ ଥିବା ଡାଟା ମୁତାବକ ଦେଶର ଅର୍ଥ ବ୍ୟବସ୍ଥା ଶୀଘ୍ର ଉନ୍ନତ ସ୍ଥିତିକୁ ଫେରିବ ବୋଲି ପ୍ରତିଶ୍ରୁତି ଦେଇ ହେବ ନାହିଁ। ଗତ ୬ ବର୍ଷରେ ଅନ୍ତତଃ ପକ୍ଷେ କିଛି ଅଭିବୃଦ୍ଧି ସାଧିତ ହୋଇଥିବା ଦେଖାଯାଇଥିଲା। ମାତ୍ର ବର୍ତ୍ତମାନର ସ୍ଥିତି ସମ୍ପୂର୍ଣ୍ଣ ଅଲଗା ହୋଇପଡିଛି। ସରକାର ଏମିତି ନୀତି ଆଣିବା ଆବଶ୍ୟକ ଯାହା ପ୍ରକୃତରେ କାମ କରିବ। କିଛି ନୀତି କାମ ଦେବ ବୋଲି ସେ କଥା କଳ୍ପନା କରିବା ଏବଂ ଏହାର ବାସ୍ତବତା ଦୁଇଟି ଭିନ୍ନ ପ୍ରସଙ୍ଗ। ବିଶ୍ୱ ସ୍ତରରେ ଦାରିଦ୍ର୍ୟ ବିରୋଧରେ ଲଢେଇ ପାଇଁ ନିଜର ଯୋଗଦାନ ଲାଗି ବାନାର୍ଜୀ ସୋମବାର ୨୦୧୯ର ଅର୍ଥନୀତି ନୋବେଲ ଲାଭ କରିଛନ୍ତି। ବିଭିନ୍ନ ଦିଗକୁ ବିଚାର କରି ଭାରତ ସରକାର ସତର୍କତା ଅବଲମ୍ବନ କରନ୍ତୁ ବୋଲି ସେ କହିଛନ୍ତି।
ସେ ଆହୁରି ମଧ୍ୟ କହିଛନ୍ତି, ଭାରତରେ ରାଜନୈତିକ ଉଦ୍ଦେଶ୍ୟ ଜଡିିତ ଥିବାରୁ କୌଣସି ନୀତି ଘୋଷଣା ବେଳେ ଅନେକ ଆଗ୍ରହ ଦେଖାଯାଇଥାଏ। ନୀତି ଘୋଷଣା କରିବା ପରେ ଏହା ସାଧାରଣତଃ ଭଲ ବୋଲି ବିଚାର କରାଯାଏ। କୌଣସି ନୀତି ଆସିବାକୁ ଥିଲେ ଏହା ଠିକ୍‌ ଭାବେ କାମ କରିବ କି ନାହିଁ ତାର ସତର୍କତା ସହ ତର୍ଜମା ହେବାର ଆବଶ୍ୟକତା ରହିଛି। ଏହା ପରେ ଯାଇ ଏହାକୁ ଲାଗୁ କରାଯିବ କି ନାହିଁ ବିଚାର କରାଯିବା ଆବଶ୍ୟକ। ମାତ୍ର ବର୍ତ୍ତମାନ ଏହା ହେଉ ନାହିଁ। ପ୍ରକୃତ ପକ୍ଷେ କଣ ହୋଇଛି ତାକୁ ଦେଖାଯାଉ ନାହିଁ। ଦେଶର ନୀତି ନିର୍ଦ୍ଧାରକମାନେ ଏଭଳି ପ୍ରସଙ୍ଗକୁ ଆଂଶିକ ଭାବେ ଦେଖୁଛନ୍ତି। ଜିଏସ୍‌ଟି ଠିକ୍‌ ଭାବେ ଲାଗୁ ହୋଇ ଥିବା ପ୍ରସଙ୍ଗକୁ ନେଇ ଅର୍ଥମନ୍ତ୍ରୀ ନିର୍ମଳା ସୀତାରାମନ ନିକଟରେ କହିଥିଲେ ଯେ, ଏହା ଅସୁବିଧା ସୃଷ୍ଟି କରିଥିଲେ ମଧ୍ୟ ଦେଶର ଆଇନ ହୋଇ ସାରିଛି। ଅର୍ଥମନ୍ତ୍ରୀଙ୍କ ଏହି ବିବୃତ୍ତି ପରେ ବାନାର୍ଜି ନିଜର ମତ ରଖିଥିବା ଜଣାପଡ଼ିଛି।
୨୦୧୭ରେ ସରକାରଙ୍କ ବିମୁଦ୍ରୀକରଣ ପଦକ୍ଷେପକୁ ନେଇ ମଧ୍ୟ ବାନାର୍ଜୀ ନିଜର ପ୍ରତିକ୍ରିୟା ରଖିଥିଲେ। ଭାରତରେ ବିମୁଦ୍ରୀକରଣ ଲାଗୁ ପଛର ଯୁକ୍ତିକୁ ସେ ବୁଝି ପାରୁ ନ ଥିବା କହିଥିଲେ। ୫୮ ବର୍ଷୀୟ ଜବାହରଲାଲ ନେହେରୁ ବିଶ୍ୱବିଦ୍ୟାଳୟ ଏହି ଆଲୁମିନି ଉପା ସରକାରଙ୍କ ସମୟରେ ଲାଗୁ ହୋଇଥିବା ଜାତୀୟ ଗ୍ରାମୀଣ ନିଶ୍ଚତ କର୍ମନିଯୁକ୍ତି ଯୋଜନା(ଏନ୍‌ଆର୍‌ଇଜିଏ)କୁ ପ୍ରଶଂସା କରିଛନ୍ତି। ସେହିଭଳି ପ୍ରଧାନମନ୍ତ୍ରୀ ଗ୍ରାମ ସଡକ ଯୋଜନା, ପିଏମ୍‌ କିଷାନ ଯୋଜନାକୁ ମଧ୍ୟ ସେ ପ୍ରଶଂସା କରିଛନ୍ତି। ୨୦୧୪ ପରଠାରୁ ଗ୍ରାମୀଣ ଆୟରେ ଅନେକ ମାତ୍ରାରେ ହ୍ରାସ ଘଟିଥିବା ସେ ମତ ରଖିଛନ୍ତି। ରିୟଲ ଇଷ୍ଟେଟ ଭଳି କ୍ଷେତ୍ରଗୁଡିକରେ ଅଣକୁଶଳି ନିଯୁକ୍ତି ବେଶି ହେଉଥିବାରୁ ନିର୍ମାଣ କ୍ଷେତ୍ରରେ ମାନ୍ଦାବସ୍ଥା ଦେଖା ଦେଲେ ଗ୍ରାମୀଣ ଆୟ ମଧ୍ୟ ପ୍ରଭାବିତ ହେବ ବୋଲି ସେ ପ୍ରକାଶ କରିଛନ୍ତି। ଭାରତୀୟ ଅର୍ଥ ବ୍ୟବସ୍ଥା ଲାଗି ନିକଟରେ ସେ କେତେକ ପରାମର୍ଶ ଦେଇଥିଲେ। ନିଯୁକ୍ତି ସୃଷ୍ଟି ଯୋଜନା ଏବଂ ବେତନ ବୃଦ୍ଧି ଦ୍ୱାରା ଲୋକଙ୍କ ନିକଟକୁ ଅର୍ଥ ପ୍ରଦାନ, କୃଷକଙ୍କ ଆୟ ବୃଦ୍ଧି ଭଳି ପ୍ରସଙ୍ଗ ଉପରେ ଗୁରୁତ୍ୱାରୋପ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଅକ୍ଟୋବରରେ ଯାନ ବିକ୍ରି କମିଲା

ନୂଆଦିଲ୍ଲୀ,୨-୧୧: ମାନ୍ଦାବସ୍ଥା ଯୋଗୁ ଦେଶର ଅଟୋମୋବାଇଲ କମ୍ପାନୀଙ୍କ ବିକ୍ରି ଅକ୍ଟୋବରରେ ବିଶେଷ ହ୍ରାସ ହୋଇଥିବା ଦେଖାଯାଇଛି। ଏହି ସମୟରେ ପ୍ରମୁଖ ଯାନ ନିର୍ମାତା ଅଶୋକ ଲେଲାଣ୍ଡର...

ଓ୍ବାରେନ ବଫେଟ୍‌ଙ୍କ କ୍ଷତି ୫୦ ବିଲିୟନ ଡଲାର

ଭୁବନେଶ୍ୱର,୩। ୫: କରୋନା ମହାମାରି ଯୋଗୁ ଓ୍ବାରେନ ବଫେଟଙ୍କ ବର୍କସାୟାର ହାଥାଓ୍ବେ ଇଙ୍କ ଗଭୀର ଭାବେ କ୍ଷତିଗ୍ରସ୍ତ ହୋଇଛି। କମ୍ପାନୀକୁ ତ୍ରୈମାସିକ ୫୦ ବିଲିୟନ ଡଲାରର...

ଆଜି ଆର୍‌ବିଆଇ ବୋର୍ଡକୁ ଉଦ୍‌ବୋଧନ ଦେବେ ସୀତାରାମନ୍‌

ନୂଆଦିଲ୍ଲୀ,୮-୭: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ ସୋମବାର ଏଠାରେ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ବୋର୍ଡ ବୈଠକରେ ଉଦ୍‌ବୋଧନ ଦେବେ। ବଜେଟ ଉପସ୍ଥାପନ ପରେ ଆର୍‌ବିଆଇ ସହ...

କର୍ପୋରେଟ ଟିକସ ହ୍ରାସକୁ ଶିଳ୍ପ ବିଶେଷଜ୍ଞଙ୍କ ସ୍ବାଗତ

ଭୁବନେଶ୍ୱର,୭-୭(ବ୍ୟୁରୋ): ୨୦୧୯-୨୦ ଆର୍ଥତ୍କ ବର୍ଷ ବଜେଟରେ କର୍ପୋରେଟ ଟିକସ ହ୍ରାସ ଘୋଷଣାକୁ ଶିଳ୍ପ ବିଶେଷଜ୍ଞମାନେ ସ୍ବାଗତ ଜଣାଇଛନ୍ତି। ରାଷ୍ଟ୍ରାୟତ୍ତ ବ୍ୟାଙ୍କଗୁଡିକୁ ପୁଞ୍ଜି ଯୋଗାଣ, କ୍ଷୁଦ୍ର ବ୍ୟବସାୟୀଙ୍କ...

ମାର୍ଚ୍ଚ ସୁଦ୍ଧା ସବୁ ରେଳ ଇଞ୍ଜିନରେ ଲାଗିବ ଜିପିଏସ୍‌

ଭୁବନେଶ୍ୱର,୧୫-୭(ବ୍ୟୁରୋ): ରେଳ ମନ୍ତ୍ରଣାଳୟ, ଭାରତୀୟ ମହାକାଶ ଗବେଷଣା ପ୍ରତିଷ୍ଠାନ (ଇସ୍ରୋ) ସହ ମିଳିତ ହୋଇ ନୂଆ ପ୍ରକଳ୍ପ ରିୟଲ ଟାଇମ୍‌ ଟ୍ରେନ ଇନ୍‌ଫରମେଶନ ସିଷ୍ଟମ (ଆର୍‌ଟିଆଇଏସ୍‌)...

ତଳମୁହାଁ ଅର୍ଥନୀତି, ଘରମୁହାଁ ପ୍ରବାସୀ

ନୂଆଦିଲ୍ଲୀ/ମୁମ୍ବାଇ,୧୨ା୪: କରୋନା ଭୂତାଣୁର ଦ୍ୱିତୀୟ ଲହର ପ୍ରଥମଠାରୁ ଆହୁରି ଘାତକ ହେବ ବୋଲି ଆଶଙ୍କା କରାଯାଉଥିବାବେଳେ ଭାରତର ଟିକାକରଣ ହାର ଅନ୍ତର୍ଜାତୀୟ ସ୍ତରରେ ପଛରେ ପଡ଼ିଯାଇଛି।...

କରୋନା ସହ ଲଢ଼େଇ ପାଇଁ ସାମ୍ନାକୁ ଆସିଲେ ଉଦ୍ୟୋଗପତି

ନୂଆଦିଲ୍ଲୀ,୨୩।୩: ଦେଶରେ କରୋନାର ପ୍ରକୋପ ଜାରି ରହିଛି। କରୋନା ଭାଇରସ୍‌ ସଂକ୍ରମଣରେ ସଂକ୍ରମିତଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଉଥିବା ବେଳେ ମୃତ୍ୟୁ ସଂଖ୍ୟା ୮କୁ...

୩ ଲକ୍ଷ ଟଙ୍କିଆ ଚା’ରୁ ଆରମ୍ଭ ହୁଏ ନୀତା ଅମ୍ବାନୀଙ୍କ ଦିନ: ଜାଣନ୍ତୁ….

ଭାରତର ସବୁଠାରୁ ଧନୀ ତଥା ବିଶ୍ୱର ଶ୍ରେଷ୍ଠ ୧୦ ଧନୀ ତାଲିକାରେ ରହିଛନ୍ତି ରିଲାଏନ୍ସ ଇଣ୍ଡଷ୍ଟ୍ରିର ଚେୟାରମ୍ୟାନ୍‌ ତଥା ପରିଚାଳନା ନିର୍ଦ୍ଦେଶକ ମୁକେଶ ଅମ୍ବାନୀ। ମୁକେଶଙ୍କ...

Advertisement
Archives

Model This Week